أشباه الرجال 🫀مكتملة🫀

🫀الجزء 15🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: الخامس عشر(15)●°

ياقوت(كاتضور عينيها على المكان يحسابليها وصلو):
خاي هايدي هي وجدة لي قولتي ؟ ..

عمر غير سمعها شنو قالت هنا تأكد بلي هادي أول مرة تسمع بوجدة و هنا زاد تأكد بلي كادبة عليه و صافي و بغات تلصق فيه و هو غايجبدها غايجبدها ! ..حرك ليها رأسه بالنفي هي فاش شافته حرك ليها رأسه بلا عرفات تاني بلي فرشات راسها لكن ظنات منه مافهم والو بغات تستحمره و صافي و هي راه كاتستحمر غير راسها و لي واقف قدامها ماشي دري صغير  ! .. قبل مايسد الباب تحنى لداخل لطموبيل هز صاكها حيت شافها نساته .. دخلو لداخل كان راجل كبير فعمره فالإستقبال رحب بيهوم و كتر كاع فاش ورق الطموبيل دياله و شاف حالته كي دايرا بان ليه من الطبقة الراقية ! ..

الراجل(شاف فياقوت لي وراه ): مرحبا اخويا ليلة وحدة نتا والبنت ولا مطولين ؟ ..

عمر(جبد كارط بونكيغ حطها ليه): زوج بيوت  !  ..

الراجل دار لجيهة لي معلقين فيها السوارت د الغرف لي فالأوطيل لقا غير ساروت وحدة حيت كاع الشومبرات عامرين دار عنده و مد ليه ساروت وحدة  ..

الراجل: كاع البيوت عامرين بيت وحدة لي خاوية ! ..

عمر حاس براسه تحنسر ديال بصاح و هو مستحيييل و مستحييييل يبات معاه فبيت وحدة و هي نفس الشي مستحيل تبقا معاه فبيت واحد الراس فالراس ! ..

عمر(شدها عنده): خلاص ليلة وحدة ! ..

الراجل(شاف فكارط بونكيغ لي محطوطة قدامه):
خويا ماعندكش الصرف ؟ ..

عمر فهم بلي مكيتخلصوش بالكارط دالبنك هزها و رجعها لجيبه و جبد 200 درهم حطها ليه ودار عند ياقوت لي كانت واقفة و كاتسمع ..

عمر(مد ليها الساروت): روحي ترgدي ! ..

ياقوت(شافت فيه و قالت ببرائة): و نتينا ؟ ..

شاف فيها بحدة محاملش ديك نتينا تقولها ليه ! .. بحالا واقفة حداه ولية ماشي راجل بلحيته هادشي باش حس هو بحالا كاتنقص منه ديك كلمة "نتينا" ماشي كايلومها هي ! لكن جاته فشيشكل تقولها  .. عمر خرج من تما و خلاها هي غير شافته مشى لونها تبدل و الخلعة شداتها يحسابليها بلي غايخليها تما بوحدها مشات كتجري تابعاه حتى شدات ليه فيديه دوراته عنده ..

ياقوت(تعابيرها باين فيهوم الخوف دبصاح): خاي واش نتينا حماقتي تخالني بواحدي ؟ ..

عمر غير من الشدة لي دارت ليه عرفها تخلعات بعد خطوة لور و هي قربات منه و زيرات عليه يحسابليه غايمشي و يخليها هنا و هي باقي كاع ماوصلات لوجدة .. عمر حيد ليها ايديها عاقد تعابيره زادت كملات عليه و هو مهلوك باغي يطيح ينعس فطموبيل و يخليها هي تنعس فداك الشومبر .. نعل شيطان مابغاش يقصح معاها الهضرة حيت هو علاش أصلا غايدير هكك و يمشي و يخليها هنا بوحدها .. مشا هز الصاك لي طيحات و لاحو فطموبيل و هي مراقباه بخوف و ملامحها ذابلين خايفة من داكشي لي فبالها ..