أشباه الرجال 🫀مكتملة🫀

🫀الجزء 116🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 116●° 

🔚🔚

تكى و غمض عينيه مجاوبهاش عارف العاطفة ديالها كاتحكم فيها .. حتى هي معاوداتش هضرت معاه حيت هضرة وحدة لي كاينة و ماتجي فوق هضرته .. دورات عليه يديها و نعسات جنبه حاطة راسها على صدره و عقلها كايفكر حتا داها النعاس غارقة فنومها و وسط أحلامها هاهي هنا و مرة هنا ! تادخل هنا و تخرج هنا ! مرة يتلقاو ليها ناس ماتعرفهومش ولا حتا عمرها شافتهم و يدوزو بحالا كاع ماتلاقاتهوم فأحلامها .. كولشي طار و لقات راسها طايحة فبير مطلعة راسها الفوق كايبان ليها النور و الناس كايطلو عليها قالت شكون هادو و منين جاو و فين انا ؟ دورات وجهها و لقات كلاب ضايري بيها فكاع الجوايه ها الكحل ها البيض ها القهوي و عينيهم خارجين فيها ! .. نهشوها و قطعو لحمها كاتبغي تغوت مكاتقدرش لقات راسها كاتجري فطريق طويلة و تابعينها لور حتى قبضوها و حلات عينيها علا إثر صوت الإمام كايهلل و غايبالي بأذان الفجر !! .. دورات عينيها فالأرجاء و كاتقيس فجبهتها لي تعرقات بحالا كانت كاتجري بصاح نيت !! .. حسات بيده قاسته قفزات و شدات على قبلها مغمضة عينيها بالخلعة لي ركباتها ! ..

عُمر( .. بنبرة خافتة) .. واشا صرا ؟ .. ( شعل ضوء الأجابورة) .. الياقوت ؟

ياقوت( .. حلات عينيها بشوية) .. بسم الله الرحمن الرحيم !! .. (دموعو عينيها) .. حلمت حلمة خيبة !!

عُمر( .. قاطعها فاش بغات تعاودها ليه) .. ماتعاوديهاش الياقوت! .. ( .. جرها عنده و عنقها) .. هاد يصرا ماعليش و ماتزيديش تخلعي روحك و روح خرا وسط كرشك !

ياقوت( .. كاتقرا القرأن بينها و بين نفسها) .. ياربي السلامة !! مع حطيت راسي و نعاست بديت نحلم كاندخول و نخروج !!

عُمر( .. باسها فوق راسها كايواسيها) .. دروك خوي راسك من هاد ! ( .  حيد عليها الغطا) .. ارواحي توضاي و تصلي صلاتك !!

..

واقفة فالكوزينة ماعرفات منين تبدا ! بغات تدير أحسن  المأكولات للغذاء و قدامها الطابليت كاتفرج فالڤيدويات د الطبخ و متبعة معاهوم شوية بشوية ! .. حتا سمعات شي واحد دخل خلات لي فيديها و خرجات لقات زاينة لي عندها الساروت و عائشة يالاه دخلو لدار إبتسمت و مشات سلمات عليهوم و رحبات بيهوم لصالون ..

زاينة( .. جلسات و جلسات حداها ياقوت) .. گوليلي واش وحدك فالدار ؟

ياقوت( .. إبتسمت) .. اه اخالتو غير بوحديتي و تيهيا كاينة بارا !! .. لقيتني كونت كانعمل الغذا ..

زاينة( .. عقدات تعابيرها) .. علاش ماراكش تجيبي شي وحدة تعاونك ؟

ياقوت: .. مابغيتشي اخالتو ! بغايت نعمل كولشي بوحديتي !!

زاينة: .. وا لا اياقوت !! راكي حاملة ها القراية راكي تقرايها ها شقا د الدار !!

ياقوت( .. إبتسمت) .. مكانتيقشي فحيتا واحيد !! ..

زاينة( .. بادلاتها الإبتسامة) .. أنا نصيفطلك وحدة من الخدم لي راني نتيق فيها !!

ياقوت( .. رمشات فيها و خدودها تحمرو رجعات گصيصتها لورا وذنيها و نطقت) .. احم ماتكونشي ستيتوا .. (عضات فمها) .. يعني مادكونشي بحالي دكون كبيرة شويوش 40 فوق !!

زاينة( .. حابسة الضحكة فهمات شنو بغات توصل ليها) .. خلي عليا ! نصيفطهالك شعرها بيض !

ياقوت( .. بللات شنايفها و كاتهرب فعينيها) .. امم تشوكران اخالتو !! .. ( شافت ف عائشة) .. عائشة لباس عليك اختي ؟ ..

عائشة( .. ببرود جايا غير بزز) .. مليحة !

ياقوت( .. حركات رأسها بإبتسامتها اللطيفة) .. مزيان ! ( مخاطبة زاينة) .. خالتو أنا نحاطلكوم لقهوة!

زاينة( .. جلساتها ماخلاتهاش تنوض) .. غير گعدي ابنتي !! .. ( .. تنهدات) .. الخطبة راه نفوتوها غير أنا و نتي و عُمر و الحاج و الحاجة ! ( .. ماعندها خاطر) .. هند ماراهاش جايا !

ياقوت( .. شافت فعائشة دايرا معاها الصواب) .. الله يكمل عليك بالخير ! ..

عائشة: .. امين ..

زاينة( .. طبطبات على ظهرها) .. ماتعدبيش روحك و تطيبي بيدك .. لي راه نحتاجوه راه يوصلنا !

ياقوت( .. حركات راسها) .. لا اخالتو غير بغايت نعملكوم غذا مزيون ! .. و العشا فاش يدجيو الناس قالي عمر راه غايدجيب كولشي !

زاينة: .. هكداك ! ( .. كادعي) .. ياربي غايدوز هادشي مليح !!

ياقوت( .. بنبرة حنينة) .. ماتيأسشي اخالتو .. ان شاء الله كولشي غايدوز مزيون ! ..

..
#ردة فعل طاهر باقي جايا فالفلاش باك فنظركم كيفاش كانت ردة فعله ؟ (غادي تصدمكوم والله)