🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°
#الفصل الثاني: إلتئام الجرح🫀
°●الجزء: 118●°
حولات أنظارها لجيهة عمر لي كان تايهضر مع أب ماجد يعني ماقشعش نظراته ليها غير هي فاش كاتدور عينيها كاتلقاه كايشوف فيها !! .. داز الوقت و خرجو من عندهم بعدما قراو الفاتحة و مشاو و ياقوت طلعات لبيتها نسات الأمر و مايجي منه .. بدلات حوايجها و لبسات بيجامتها و نزلات لقات زاينة جالسة فالصالون و عائشة رجعات لڤيلا مع الحاج ..
ياقوت( .. مشات حلات الريدوات) .. خالتو نعمل ليك أتاي ؟ ..
زاينة( .. كاتفرج فالبلازمة و كتاكل الزريعة) .. لا لا غير اجي كحزي و تفرجي معايا ! .. ( جات ياقوت جلسات حداها ) .. گوليلي ياكما الحفاظة صعابت علك ؟
ياقوت( ..حركات راسها) .. لا بالعكس و عمر كايعاوني فالفهم و كايشراحلي الدروس ! فرحت حيت غاناخد الباك ديالي ..
زاينة( .. إبتسمت) .. ان شاء الله ابنتي !
ياقوت( .. عنقاتها) .. بقا عاندنا اليوم ..
زاينة( .. بادلاتها العناق) .. مايولي غير خاطرك ازينة البنات !! ( .. باستها فوق راسها) .. راني نولي نجي عندك بزاف راكي حاملة و خصني نقابلك شوية! ..
ياقوت( .. إبتسمت بلطف) .. اواعدي ماتعدابشي راسك اخالتو نتينا عنداك مسؤولية اخرى كبار ماني !!
زاينة( .. كاتلعب فشعرها بحنان) .. حتا نتي راك مسؤوليتي و أولى ليا ! الڤيلا راها الحاجة كاينة تكلف و راني نولي عندك قيساش حبيتي !
ياقوت: .. و كون غير سكانتي معانا والله ماكراهتشي !
زاينة: .. لا ابنتي انتي خودي راحتك مع راجلك لوحدكوم .. ( قاست كريشتها كاضحك) .. و هاد الفنكوش د جداتو !!
ياقوت( .. ضحكات و حطات يديها على كريشتها) .. ههههه باين غايحاماقني ..
..
موسيقى هادئة و الناس الراقية جالسة كاتعشى مع عائلتها و كاين ليكوبل حتى هوما كايتعشاو مع بعضياتهوم .. مولفة ديما تجي لهاد ريسطو تعشا فيه بوحدها بعدما كاترجع من الخدمة ولكن هاد المرة جات مع صحاباتها لي خدامين معاها لي باينة فشكلهم و لباسهوم الأنيق و طريقة هضرتهوم لي مرزنة و كلها رقي و بريستيج .. جالسة بلباسها الكلاس طالقة شعرها دايرا ليها تقطيعة مناسباها كاترشف من كأس العصير و مرة مرة كاتهضر معاهم فهاد البلايص بزاف و مع هاد الناس كاتصرف بهدوء واخا هي فيها المرح لكن غير مع الناس لي قراب ليها ! .. ممكن تبان لأي واحد فلول متكبرة و غير متواضعة لكن هي العكس تماما بعيدة على التكبر !! ..
وحدة من البنات شافت فيها و نطقات : .. هند نسولك ؟ با دوبخوبليم ياك؟
هند( .. إبتسمت) .. وي حبيبة ؟
يالاه بغات تسولها حتا عينيها جاو فالشخص لي داخل لريسطو بلباسه الرسمي و جنبه بنت فعمر 14 سنة شادة فيه .. مداتهاش فسؤالها و هي مباتسمة عند شوفته و من هاد الصدفة لي جمعاتهوم هنا ! .. واخا معرفتهم سطحية اعتذرات من البنات و ناضت متبعة ليه العين حتا جلس فالطبلة و البنت قدامه و قفات عليهوم و هوما غير حسو بيها شافو فيها دقة وحدة بجوج ..
هند( .. بإبتسامة) .. بونسواغ ! يحيى صافا ؟
يحيى( .. بادلها الإبتسامة) .. أهلا هند ! ( .. وقف بلاصته و جر ليها الكرسي تجلس) .. ماتبقايش واقفة !
هند( .. ابتسمت بلباقة) .. ميغسي يحيى ! ولكن مرة اخرى دابا جيت مع ميزامي حشومة نخليهوم ! .. غير بنتي ليا و قلت نسلم عليك .. (شافت فالبنت) .. شكون هاد البنيتة شحال فنة مشاء الله !!
يحيى: .. بنتي اسمها سلمى !
هند( .. شافت فيه) .. أخت ماسين ؟
يحيى( .. حرك راسه) .. وي ختو مشاركين الأم !
هند( .. إبتسمت ليها) .. تخي بيل سلمى !
سلمى( .. بادلاتها الإبتسامة بطفولة) .. نتي زوينة بزاااف !! ( .. تحمرو وجنتيها) .. كاتشبهي ليبخانسيس ديال ديزني !
هند: .. ميغسي مابيل ! ( .. شافت فيحيى) .. نخليك ا يحيى نتمنى نتلاقاو مرة أخرى!
يحيى( .. طول فيه الشوفة) .. مرحبا بيك هند !
إبتسمت و مشات كاتقطق بطالونها و مشيتها كلها أنوثة و رقي رجعات عند البنات و جلسات كايهضرو بيناتهم فالخدمة و عينيها مرة مرة كاتهرب عنده و كاتلاحظ طريقة تعامله مع بنته كلها حنان مرة يوكلها بيديه و مرة توكله عجبها التفاهم و الإنسجام لي بيناتهوم ! ..
أنت تقرأ
أشباه الرجال 🫀مكتملة🫀
عاطفية💎مكتملة💎 ⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ الآمال العظيمة هي ماتخلق الرجال العظماء ..! 🔏[ممنوعة منعا كليا من النشر]🔏 #إكــــــــرام_اوشــــريـــــــــف(ي) ...
