أشباه الرجال 🫀مكتملة🫀

🫀الجزء 110🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 110●° 

طول الدوش و هي خايفة من جدها بالخصوص حيت بيتها فطريق بيته و الدوش حدا بيتها يقدر يدوز و يشوفهوم خارجين هادشي فاش كاتفكر ماتهنات حتى خرجات و دخلات لبيت برزبة باقي مركب فيها الخوف منه حيت مشافتش منو القليل لبسات حوايجها و جمعات شعرها فالفوطة باش ينشفليها مشات جلسات كاتشوف كايلبس حوايجه جاها على الگانة غير تبقا تشوف و تسقي عويناتها فيه !!

ياقوت( .. خرجات تنهييدة حنينة و حطات يديها على خدها) .. ماكرهتشي نبقا غير نشوفيك !!

عُمر( .. لبس تريكو دياله و شد الفوطة كاينشف بيها شعره ) .. عيونك مايشوفو غيري الياقوت!! ( .. مشى جلس حداها و جلسها على حجره) .. تتوحمي عليا ؟

ياقوت( .. ضحكات حتا بانو سنيناتها) .. ااه !! (بنبرة حنينة و عيونها كاترمشهم فيه) .. ولكن من ديما كانبغي غير نشوف فيك!! (حكات كف يديها على وجهه) .. من نهار شفتك فيه !! .. غير هو نهار اللول ماكنتشي كانزعم نشوفيك فحال هايدا !! (طبعات قبلة على خده) .. و دبا عاندي الحق نشوفيك كيف بغايت !!

تبسم من كلامها و هو بنفسه معجب بيها و بزاف كاع !! الفرق هو كاين لي كايبين إعجابه و كاين لي لا واخا تكون كاتعجبه لدرجة الجنون مكايبينش إعجابه حتا كاتفقد فيه الأمل لكن العكس تماما غير هو ماواضحش !! ..

عُمر( .. بنصف إبتسامة) .. ماراكش تحسي بهاد وحدك ! .. ( خشى راسه فعنقها كايستنشق ريحتها) .. راني غاوص فك حاولي عليا الياقوت !!

ياقوت( .. غرغرو عينيها باغيا غير تبكي بلعات غصتها و نطقت) .. فاش نرجعو لوجدة نمشيو لدارنا ؟ ..

عُمر: .. واه ! الخدم راه يلم فالصوالح !

ياقوت( .. حركات رأسها) .. فرحانة والله ! نسكنو بوحديتنا غير أنا و نتينا و الحبيب دقالبي لي غايتزاد عاندنا !!

عُمر( .. حرك رأسه ) .. ان شاء الله ! (بجدية) .. تگدري تجمعي بين الدار و القراية و الحمالة ؟

.

مدات يديها و حيدات النشافة من فزق راسها حتى تطلق شعرها الفازك و جاوباته على سؤاله ..

ياقوت: .. ماعرفتشي !! ولكن غانقدار ان شاء الله !!

عُمر( .. دوز يديه على شعرها) .. مليح !! القراية راني نعاونك فيها !

ياقوت( .. إبتسمت) .. حسن نيت مابقيتشي عاقلة علا والو !! ( عضات شنايفها هاد الحركة لي ديما لاصقة فيها) .. ياربي غير نولد بنيتة كانحماق عليوم !!

عُمر( .. تبسم ليها) .. ولا ولاو تواام ؟

ياقوت( .. ابتسمت) .. حتى هوما مزيونين ولكن صعاب فالتربية !! ( .. ضحكات) .. غادكون تينا بابا بغايت نشوفك كيفاش غادي تعمل معاهم ..

عُمر( .. جمع إبتسامته و نوضها من فوقه) .. فوتي ترگدي راها هادي 2 !

ياقوت( .. ناضت و طلعات فوق سريرها) .. اجي نعاس حدايا !

قربها حداه و طفى الضو و الشرجم د البيت محلول ضوء الگمرة لي مضوي عليهوم .. غطاها بليزار حيت الصهد عندهم ..

ياقوت( .. حطات راسها على صدره كاضحك) .. عرفتي هاد البيت عزيزة عاندي ! .. ( تنهدات و عينيها دمعو غير بوحدهم من ديما حساسة و دابا زادت كتر مع الوحم) .. فاش دزوجو بابا و ماما مشاو لتييطوان و سكنو فيا تولدت فتييطوان و كبرت فيا حتا عملت 5 سنين و دجينا لهنا فاش ماما تطلقت من بابا .. و رجعت تاني فاش جات خالتو و داتني عاندا و رجعات فاش عملت 17 عام (ضحكات) .. قبال دجابوني لهاد البيت باش نبقا نعاس فيا انا و ماماتي .. ( كاتشرح بيديها) .. خالتو نجاة لي كاينة لتحت راجلا كايمشي لفرنسا و كايجيبلي حوايج و ألعاب و بيسكليتات أنا و بنت خالتو حليمة و بزااف .. (تنهدات) .. صراحة تالله هنا دوازت فيه 4 سنين فيحياتي كانو مزيونين و خايبين ..

عُمر( .. تبسم لجنب ) دروك وليتي ديالي و معايا ! نساي هنا و فكري لهيه لي راه صرا گبل لازم يتسنا الياقوت ! حتا واحد ماراهش كان عايش الفرح  !!

ياقوت( .. جات فوقه حتى جلسات عليه) .. عارفة بيلي ماشي بوحديتي لي عاشتو !

عُمر( .. خطف قبلة من عنقها) .. دروك راكي معايا عايشة مخيرة و ماراهش خاصك والو !

ياقوت: .. فرحانة حيت أنا معاك !

عُمر( .. داعب خدها) .. ديما تبقاي فرحانة معايا هكدا !! ( .. هز يديها باسها) .. بنت الأصل !

ياقوت( .. هائمة فيه) .. و نتينا فرحان معايا ؟

عُمر( .. بإبتسامة خفيفة) .. واشتا يبانلك ؟ ( هز يديه بجوج) .. راني مت فرحان معاك الياقوت !

ياقوت( .. رمشات فيه) .. كون ماختارتنيش خالتو زاينة نكون ليك ماكنتيشي غاتشوف فيا ؟ ..

عُمر( .. دوز يديه على ذقنه) .. راني كنت نفكر فالزواج ! واخا مفوت شي صوالح راهم يحقدوك فشحال من حاجة ! ( إبتسم) ..  شوفتي تبدلت نهار تزوجتك و جبتك لفراشي !!

ياقوت( .. ابتلعت ريقها) .. ماكونتشي كانعجبك فاش شوفتيتي أول مارا ؟ ( رمشات فيه) .. أنا كونتي كاتعجابني !

عُمر( .. ضحك و قال طانز عليها) .. لا ماكنتيش تعجبيني! ..

ياقوت( .. طلعات حاجبها) .. ياك ؟ ( .. قلبات وجهها) .. ماكانشي عليا نسقسيك حيت كاع ماكونتي تاتهضار معايا فوقت الخوطبة ..

عُمر( .. قهقه بروجولة و شد وجهها بين يديه كايدوز عليه بحنان) .. يهديك الله الياقوت ! ( .. بجدية) راني باغيك الياقوت باغيك ! نهار شفتك كنتي تبانيلي صغيرة ( .. حط صبعه فجنب راسه ) .. جات مّا و حطاتك فراسي ..!!

..