💎مكتملة💎
⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️
الآمال العظيمة هي ماتخلق الرجال العظماء ..!
🔏[ممنوعة منعا كليا من النشر]🔏
#إكــــــــرام_اوشــــريـــــــــف(ي)
...
عمر شي واحد حط عليها يديه ! حتى ليه هو ! من ديك الصفعة لي جاتها منه خلاتها تصعر عليه و انقضت على يديه عضاته بكاع الجهد لي عندها ..
ياسمين( .. الدموع تيطيحو من عينيها ماحبسوش) .. تضربني انا الحمااار انا ؟ .. لي ولدوني و حطوني عمرهوم قاسوني تجي نتا يالموسخ تضربني ؟؟ ..
حكيم( .. بيد وحدة تيحل السمطة دسرواله) .. نجرجر الق**بة دمك و نلوحك فالخلاوات ينهشوك الكلاب و حد مايجيبليك خبار الق**بة !
ماعرفت حتى شنو دارت ليه ولا ماله معاها ! .. تتبكي بحرقة حيت كلامه ماقالوش غير هكاك اكيد ناوي يطبقه عليها .. استجمعت قوتها وراسها حيت ماشي وقت البكا دابا ! .. شدات يديه بجوج من فوق الفولون باغا توقف ولا تتخشى فشي حيط مايهمش الموهيم تفلت منه ! .. الطومبيل تدور لهنا ولهيه الفولون شادينه بجوج وهي باغا توقف .. هز يديه و صفعها لثاني مرة و ثالث مرة ! ..
ياسمين( .. تتبكي و تتغوت بالأعصاب لي ركبوها هزات سوارته لي محطوطين تما كانو فيها بزاف دالسوارت مجموعين و ضرباتهم بيه لوجهه) .. يديك ماايتحطوووش علياا !! ..
حكيم( ..جرها من شعرها عاض على سنانه و عيونه جمرة وسطها نار) .. قطعيي حسك الق**بة قطعييي .. (بنبرة عالية) .. خدمتييي بلاا خباااري ساافرتيي بلاا خباااري دابا نوريك ديري الحاجة بلا خباااري !
فكات شعرها منه تتشهق وتبكي بحرقة ! الموت ! الموت هي لي تتشوف فهاد اللحظة و تقول ياربي رحمني من هاد ساعت الجحيم لي وليت فيها دابا ! .. عمرها وصلت لهادشي ولا فكرت شي نهار بلي غاتوصل ليه عقلها زار كلثوم و زار حسين و ياقوت و ختمتها ب الأب ديالها لي ناعس تحت التراب و بدون وعي حلات الباب د الطومبيل و نقزات منها ! .. تحل عيونه على جهدهم باغي يوقف طموبيلته فاش نقزت لكن سيارة قدامه و سيارة وراه لاوقف غادي يتراطمو لا ميل سيارته لجنب غادي يخرج على طريق و نيشان لقنطرة لتحت و من خوفه وقف و السيارة لي وراه صدماته و لي قدامه صدمها و تقلبت سيارته للأسفل و طاحت غير فديك القنطرة لي دايز منها الواد !! .
تيتسناو بفارغ الصبر المولود الجديد و أول حفيد ليهوم ! .. لداخل شادلها فيديها و إبتسامته على ثغره و عيونه على بنته قطعة منه ونزل عيونه لياقوت لي تعرقت تتنفس بالجهد العياء دالولادة باين عليها ولكن غير تتسمع ليها تتصرخ بصوتها الطفولي تتبسم الفرملية حاطاها فأحضانها تتعنقها و تبوس فيها ..
