أشباه الرجال 🫀مكتملة🫀

🫀الجزء 120🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 120●° 

غير سمعاته بزربة ناضت حلات الباب عليه قبل مايهرسه ..

ياقوت( .. خرجات فيه عينيها) .. اوااعدي حماقتي ولا شني ا عمر ؟ .. ( بقلق) .. كونتي غادهارسو اواعدي يانا !!

عمر( .. جرها من يديها و السد الباب دالحمام بجهد حتى قفزات مزير على عينيه كاينعل شيطان مايديرش شي حاجة)  .. راكي بديتي تنيرڤيني الياقوت !! هاد راكي تخلصي عليه !!

ياقوت( .. كاتشوف فيه بنص عين) .. ولدك لي بغا يخروج ماشي يانا !! 

طلق منها طالع ليه الدم عصباته !! .. هز التيليفون و البيسي و الطابليت و سد عليهوم فالخزنة دياله لي فيها وراقه واي حاجة كاتخصه ! ..

عمر( .. شاف فيها عاض سنانه ناعل الشيطان ) .. ماراكش خارجة من البيت هاد !! .. (هز اصباعه فوجهها) .. نعرفك راكي خرجتي مناه السيمانة هادي نزيد نعاقبك !!

ياقوت( .. عينيها دمعو بنبرة باكية) .. حرام عليك ا عمر والله حرام عليك هادشي لي كاتعمل !! .. (حطات يديها على وجهها) .. تخنقت ا عمر تخنقت !! شهر هادي وانا فالدار ماخروجت مادروجت بغايت غير ندور فحال كاع الناس!! ( تنهدات بلا خاطر) .. و السفر لي قولتيلي نعملوه بعيد شويوش ماقدراشي نزيد نصبر !!

تبعات ليه العين حتى تكى بلاصته رجع نعس مخليها مجاوبهاش نخلها و غمض عينيه باغي ينعس وهي كاتشوف وتحصر على هاد الخروج لي مانعها عليه !! .. ماتخرج غير معاه لا مع مو لا مع اي واحد اخر لا و هادشي ماعجبهاش هي بغات غير تاخد راحتها شوية ! حتى من المستور كاتلبسه شعرها غطاته السلام مع الرجال مابقاتش كاتسلم عليهوم و حتى الهضرة مكاتهضرش معاهوم هادشي كامل منعو عليها !! الحكام دياله بدا يقهرها خصوصا مشهية تخرج هي و زاينة و يضورو واخا الحماية ديما معاها ولكن ماعرفاتش علاش ماكيبغيش يخليها تخرج مع غيرو حيت عارفة عقليته دايرا هكاك و ماعندها مادير ديما متقلبة من عنده اي حاجة ولكن هاد المرة غاتخرج وربي كبير  !! ..

عمر( .. حل عينيه لقاها باقي واقفة بلاصتها زفر أنفاسه و بنبرة هادئة نطق) .. كحزي عندي !!

ياقوت( .. تنهدات وخاطرها ضياق عليها مشات قربات عنده) .. نعام ؟ ..

عمر( .. طبطب على بلاصتها حداه) .. جي بلاصتك !! .. (هز اصبعه كايوصيها) .. يصرا لي يصرا الفراش ماتفرگيهش !! ..

طلعات فوق الناموسية و نعسات حداه و تغطات و هي مقابلة معاه كاتشوف فيه بعينيها بان ليها غاينعس مدات رجليها و قاست رجليه من تحت المانطة لي مشاركين بحركة مقصودة من عندها حتى حل عينيه و دورهم جيهتها لقاها كاتشوف فيه بديك النظرة لي ديما كايخضع ليها !! .. جرها عندها و حط شنايفه على شنايفها كايمص فيهوم و يجر و يعض بكاع جهده كايفرغ كاع طاقته فيهوم وهي دورة يديها على عنقه و مدخلة اطراف أصابعها فشعره كاتلعب فيه حتى بدا يحيد ليها حوايجها لي لابسة ..

حلات عينيها على جهدهوم فاش سمعات الدقان فالباب ناضت بشوية عليها مغطية جسدها العاري بالإيزار .. حاسة بصحتها كلها ضاراها من البارح كاع لي دارته خلصاته بطريقة أخرى و قاصحة عليها !! .. تقابلات مع المراية كاتشوف أثار يديه فمعصم يديها و حتى كتافها سمعات تاني الدقان و جاوبات ..

ياقوت: .. بلاتي هاني ماجا !! ..

البيت كامل مجموع و حوايجها لي تجردات منهم البارح مكاينينش .. دخلات لديرسينك جبدات ملابسها الداخلية لبساتهوم ولاحت عليها بينوارها و عقداته جمعات شعرها و مشات حلات الباب لقات زاينة مطلعة ليها الفطور ..

ياقوت( .. إبتسمت) .. صباح الخير احبيبة !

زاينة( .. دخلات لبيت و حطات البلاطو د الفطور على السرير) .. صباح النور ابنتي ! .. زيدي تفطري راكي ماوليتي تاكلي والو !

ياقوت( .. راشقة ليها ) .. الشهية تفتحاتلي !! شحال فالساعة بعدا ؟ ..

زاينة( .. جلسات حداها) .. الوحدة هادي ! ..

ياقوت( .. شهقات) .. اواعدي نعاست هاد الوقت كامل!! اووف ياربي وليت ننعاس بزاف ..

زاينة( .. بإبتسامة بشوشة) .. ماعليش ابنتي ! الحمل راه يدريها .. دورك كولي باش تشبعي ..

فطرات مزيان و هرمون السعادة طالع عندها .. نزلات زاينة البلاطو فاش فطرات و دخلات ياقوت دوشات و توضات و صلات صلاتها لي فاتتها و لبسات العباية لداخل بيض و برا ديالها موڤ و زيف بيض و هزات صاكها وبزطامها دارته لي ليه ليكاغط بونكيغ لي خلا ليها عمر يكونو مصروفها و غير تساليهوم ويعمرها تاني ! .. دارت ماكياج خفيف مباينش كاع واش دايراه و هزات صاكها ولبسات صندالة د الطالون و نزلات لتحت عند زاينة ..

ياقوت: .. خالتو مغانخرجوشي ؟

زاينة( .. وسعات عينيها) .. خلاك عمر ؟ ..

ياقوت( .. حركات راسها) .. ااه !! .. (عضات شنايفها عارفة راسها غالطة ولكن قنطات بغات غير تخرج و تبدل الجو ! عمر مشغول و قليل فين كاتكون عنده الوقت ) ..

زاينة( .. حطات لي فيديها) .. نلبس عليا ونجي !! ..

جلسات ياقوت كاتسناها حتى جاب زاينة لابسة عبايتها و شالها فوق راسها و نظاظرها الشمسية فعينيها و هازا صاكها معاها .. خرجو من الدار و سدات ياقوت الباب د الدخلة و دارت نظاظرها و شدات فزاينة  و حلات زاينة طموبيلتها و ركبات و ياقوت ركبات حداها و انطلقو خارجين من الڤيلا ..

#غادي تشعل ابنات الناس ياقوت الوحم متحكم فيها غير الله يولدها على خير وصافي🤣