أشباه الرجال 🫀مكتملة🫀

🫀الجزء 94🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 94●°

حاطة راسها على صدره و هو كايدوز أطراف أصابعه لجدور شعرها و هي مرخية بين يديه بعدما دوزو علاقتهم الحميمية عيات و تهدات عكسه هو لي باغي يزيدها ولكن هي ماقدراتش تزيد ..

ياقوت( .. طلعات راسها فيه لقاته كايشوف بعيد) .. عُمر !

عُمر( .. نزل عينيه فاش سمعها) .. مارگدتيش ؟

ياقوت( .. حركات رأسها بالنفي كاترمش فيه) .. ادا نعوست دبا مانقدرشي نعوس بالليل ..

عُمر( .. ضحك حتى تغمضو ليه عينيه) .. رگدي دروك باش تسهري معايا فالليل ! (غمزها) .. لاتگولي ساليت معاك  !

ياقوت( .. ضحكات و طبعات بوسة على صدره) .. أنا نسهر ادا بغايتي نسهرو أنا و نتينا ! .. ( حنات عينيها تاتعض شنايفها) .. حتى يانا باقي ماشبعتشي مناك ولكن كاتسخفني دغيا !

عُمر( .. زيرها عنده بقوة ما كلامها كايدخل لقلبه و عينيه كايتساراو فملامح وجهها) .. صاي مانوليش نسخفك كولش نديرو بالخاطر !

ياقوت( .. بادلاته نفس النظرة الحنونة و خرجات صوتها حتى هو حنيين) .. عُمر !! (إبتسمت) .. نقولك واحيد الحاجة ؟ ( حرك ليها رأسها كايسمع ليها بتمعن) .. أول مارا شافتك كونتي مزييييون بدزااف .. ( .. عقدات تعابيرها كاتقدلو) .. واخا كونتي هايدا ولكن مزييون .. (ضحكات فاش تفكرات داك نهار) .. اممم و عقلتي فاش قولتي ل خالتو زاينة مانباقشي فدارك حيت خايف عليوم لا نعمل شي حاجة حيت كونت غريبة عليكوم؟ هاني دبا في كامتك(فراشك) و حداك !

عُمر( .. حط يديه على عينيه كايحكهم بصباعه و ضحك حتى بانو سنانه) .. ربي يصبرني علك الياقوت ! لازم نبلع لك فمك هاد ! راكي بديتي تهبليني بلغاك !

ياقوت( .. تخشات فيه كاضحك) .. هههههه شوفتي انا بعدا كونت كانحتارمك و كونتي كادجيني مزيون و نتينا كونتي غير تاتعقد في حجبانك .. (إبتسمت كاتشوف فيه بتمعن ) بالحق غانبقا ديما نقولالك تاكشي لي عملتي معايا عومرني نساه .. الرجال فحالك عومرني صادفتوم فحياتي كولا (بحرقة ) .. من غير داك الراجل مسكين لي عتاقني فالواد ..

عُمر( .. تلاشات إبتسامته و حجبانه تعقدو) .. شكون هااد ؟؟

ياقوت( .. وسعات عينيها) .. فاش كونت صغيرة ا عُمر !! .. ( تقطع فيها الكلام بزز باش نطقات حاسة بقلبها غايسكت و داك النهار باقي بين عينيها) .. ف ف فاش يما لاحت راسا فالواد و لاحتني معاها ..

تصعق من كلامها مكانش فخباره بلي حتى هي تلاحت معاها كان عارف غير الأم ديالها هي لي تلاحت حط يديه على حنكها فاش شاف ملامحها تبدلو و دموعها غير حابساهوم ..

عُمر( .. إبتسم باغي ينسها) .. ربي يرزقو بالخير !  ( جرها حتى جابها فوقه) .. فين تبغي نديك الياقوتة ؟ تبغي تبحري ؟