أشباه الرجال 🫀مكتملة🫀

🫀الجزء 128🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 128●°

ادا مات البو تتوسد الركبة و ادا ماتت الأم تتوسد العتبة !! .. بعدت منه وشداتليه فيديه لي بردات كاتسخنها بين يديه مزيرة ! قلبها محروق طلع ليها راسها حتى شافت فيه بعيون دامعة .. ! مرر يديه على بشرتها البيضاء و مسح ليها دموعها ..

عمر( .. مزير اكتر منها) .. دموعك هادو مانحبش يهودو من عينيك !! ..

ياقوت( .. بحرقة) .. قالبي لي كايبكي ا عمر !! .. (شهقت) .. ماعشتشي كيف بغايت ا عمر ! .. (حطت يديها على قلبها كاتبكي) .. كونت باغا حاجة وحدة غير بابا يرجعلي و يصالحني و يكون معايا فاش نحتاجو !! .. انا و كانتعجب فراسي كيفاش قدرت نعيش بلا بابا و بلا يما !! .. كيفاش الواحد يقدر يتحمل و يصبر بلا بيهوم ؟ .. مايقدرشي حيتا واحد يصبار !! الحياة صعييييبة بلا بيهوم بلا السند ديالك و القوة ديالك ! حيت الواليدين هوما لي كايعطيو ليك القوة و كايوقفو معاك من صغرك حتا تكبر !! .. ( .. حطت يديها على فمها كاتبكي باغا غير تخرج لي فقلبها) .. انا مكانوشي معايا و بقيت صابرة و صامدة و وقفت على رجلي .. ( ضحكت وسط دموعها بسخرية) .. وصلت فيا نقلب على الحنان لي فقدتو و ماجبرتو غير عند خالتو حليمة و واخا هكاك ماكفانيشي حاقي !! ..

عمر( .. عنقها عنده مزير عليها) .. الصمت

ياقوت( .. بدموع حارقة) .. كانمشي لمدرسة كانلقا العواول لي قدي مع يماهوم و باباهوم و كانقول علاش انا ماشي بحالوم ؟ حتى فاش ماتت يما ماكونتشي فاهمة واالو .. !! نتيناك فاينيا يماك فاينو باك ؟ يدجيو معاك لشي حفلة ولا شي نشاط عملوه .. !! كانقولوم عاندي غير خالتو و حبيبي (راجل حليمة) ..

عمر( .. عقد تعابيره ماعجبوش الحال من كلامها لي قاسوه و حس بيها !! ) .. صاي الياقوت ! ( باسها فجبينها) .. الموت حق علينا ! ..

ياقوت( .. دموعها كايطيحو كتر و كتر) .. لي بقا فيا ا عمر هو ماعشتشي معاهوم كيف بغايت !! ماعشتشي مع يما و ماعشتشي مع بابا و من نهار عقلت عليوم وهوما فالمدابزة و الصداع .. (حطت يديها على وجهها) .. انا سمحتلو والله حتى سمحتلو واخا ماكانليشي كيف بغايت ولكن والله محاقداشي علو و ماكرهتوشي كايبقا بابا !! .. ( طلعت فيه عينيها ونطقت بصوت باكي) .. لي مغانسمحلوشي دنيا و أخيرة هو جدو و تريكتو مانسمحلوشي قهروني ا عمر قهروني !!

عمر ( .. طلع راسه لفوق كايزفر أنفاسه بضيق ) .. الصمت ..

ياقوت( .. مسحت دموعها كاتحرك راسها) .. خليتوم لربي هو لي يحاسبوم الله ياخد فيوم الحق جبروني صغيورة و معارفاشي والو فالدنيا و طغاو عليا وانا مفايتاشي حتى خامس سنين !! ..

عمر( .. تزير فيه النفس قالب وجهه ) .. صاي الياقوت !! ..

ياقوت( .. طولات فيه الشوفة كاترمش ببطئ) .. كانحمد ربي حيت عوضني بيكوم ! (إبتسمت فعز دموعها) .. و مانساشي خوالاتي و اختي حتا هي .. (تلاشات إبتسامتها) .. يعلم الله حالتوم كيف عاملة دبا ! ..