أشباه الرجال 🫀مكتملة🫀

🫀الجزء 140🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: 140●°

كانت خارجة من سونطر دابيل لي خدمت فيه مؤخرا جامعة القراية و الخدمة واخا صعيبة عليها ولكن الصبر !! .. كلثوم و حسين مايقدروش على كولشي و حتى هي لازم عليها تعاون و على الأقل تخسرهم على راسها .. الما و الضو تيخلصو حسين و التقدية دالشهر تكلفت بيها كلثوم .. يالاه بغات تقطع طريق حتى وقف عليها بسيارته ..

ياسمين( .. خسرت ملامحها فاش شافته) .. سبحنا عالله !! ..

حكيم( .. حل الزاج د الطموبيل عاقد حجبانه ناطق بأمر) .. طلعييي !!

قطعت الطريق ماعبراتوش حتى دخلت مع الحي وهو تابعها بطموبيلته حتى بلاصاها و وقف و نزل عندها وشدها من يديها ..

حكيم( .. بعصبية) .. طلعييي !!

ياسمين( .. تاتنتر يديها) .. مابغيييتش .. طلااق مني واابعد مني يااالحمااار يخليك بالخلا ..

حكيم( .. جرها بزز منها و طلعها) .. فاش نقول لديلمك طلعي هي طلعييي !! ..

ياسمين( .. عقدت تعابيرها محاملااهش) .. اشبغيتي عندي ازمر ؟ .. واعطيني تيساع بعد مني ابناادم .. (بتحذير) .. ولا والله تانقولها لخويا يشوف شنو يدير معاك !! ..

حكيم( .. ديمارا طموبيلته تيضحك) .. شغاديري نتي وياه ؟ .. (غمزها بإستفزاو) .. النهار اللول نتي لي قلبتي عليا ..

ياسمين( .. تتبلع ريقها) .. الصمت ..

حكيم( .. تيشوف فيها بطرف عينيه) .. تحدو ليك ؟ .. (تيضحك عاجبو الحال فاش تيدير ليها هكا) .. شكون قبل بيا النهار اللول أنا ولا نتي همم ؟ ..

ياسمين( .. بملامح جامدة) .. شبغيتي عندي دابا ا حكيم ؟؟ .. (بفقصة) .. الله يرحم باك عطيني بتيساع !! ..

حكيم( .. وقف طموبيلته جنب الطرق) .. راني شفتك وليتي تزيكزاكي معايا و تخرجي معايا لطريق !! .. ( بتهديد) ..راه بربي ونحصل عليك شي حاجة ماتشوفي الخير !! ..

ياسمين( .. بسخرية) .. باشمن حق اخويا ؟ ..

حكيم ( .. تيفكرها ديمااا و تايتمسخر عليها) .. نتي لي قبلتي عليا النهار اللول !! ..

مابقاتش كيف اللول بعدا !! .. حاول معاها ينسيها و كاع هاد الليامات بقا معاها فالدار .. جات عندها زاينة و بقات معاها و حليمة حتى هي جات عندها فاش عرفو شنو طرا بغاو يوقفو معاها فهاد الفترة و خصوصا هي حاملة صعيبة عليها شوية !! .. غير سمعاته دخل و جا من طرف الخدامة ناضت خلات زاينة و حليمة و طلعات عنده فاش تيكونو معاهم الناس فالدار مكيبغيش يعيط عليها و هي جالسة معاهوم !! .. هي حافظة طبعه داكشي علاش علمات الخدامة وقتما يدخل تجي توصل ليها الخبار و هادشي غير فاش تتكون الدار عامرة .. لقاته واقف فالدروج تيتسناها حيت عيطات عليه هي بسميته ..