أشباه الرجال 🫀مكتملة🫀

🫀الجزء 44🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: سبعة و ثمانون ( 44)●°

كلثوم(ناضت جلسات حداها ضحكاتها فاش دارت ديك الحركة ): .. مالك حشمانة؟ سنة الله و رسوله مكايحشموش منها ابنتي ! .. (حيدات ليها يديها) .. شوفي فيا اياقوت ؟ .. ممكن نعرف شكون هاد زاينة لي هضرات معاك ؟ ..

ياقوت(ماقدراتش تشوف فيها باقا عالقة فيها الحشمة): .. خالتو زاينة لي كونت عاندا في وجدة ..

كلثوم(تحولو ملامحها بسرعة لدهشة): .. دوك الناس لي قاليا عليهوم حسن ؟ .. (حطات يديها على فمها مصدومة) .. واش هي ديك زاينة لي ديما كاتهضري عليها ؟ ..

ياقوت(طلعات عينينها بشوية): .. اه هي ..

كلثوم(خرجات ليها الضحكة مامتيقاش): اويلي ابنتي ! .. مايمكنش ! .. كان يحسابلي شي زاينة أخرى .. (طلعات ليها راسها) .. متأكدة هي لي بغاتك لولدها ؟ .. حيت على ماقال ليا باك ولدها والي الشرق و هوما مشاء الله صحاب الخير .. (حولات ملامحها لجدية) .. ولكن الأهم هو كيفاش كانو كايتعاملو معاك ؟ .. و عائلتو كي دايرا ؟

ياقوت(سرطات ريقها و إبتسمت): .. خالتو زاينة طريييفة بدزااف .. (نزلات راسها) .. و حتى خاي عُمر عامل بحالا واخا كايتعصاب ..

ياسمين(خرجات ليها الضحكة): .. اويلي على خاي عُمر ! .. راه غايكون راجلك يالهبيلة .. (حلات عينيها موسعاهم فيها) .. والي و بوكو حبة و مو ضريفة معاك شنو مزالا باغا ؟ .. (بمزح) .. لامبغيتيهش عطيه ليا أختي ديري فيا خير !

ياقوت(بإبتسامة خجولة): .. ماعرفتشي .. خاي عُمر كانحشام منو بدزاف كيفاش غانعمل دبا ويانا مانقدرشي نطلاع عيني فيه ..

كلثوم(بإبتسامة بشوشة): .. ماقلتي عيب ابنتي ! .. ولكن بعد زواج ماشي بحال قبل غايولي راجلك و حياتكوم غاتكون وحدة مع الوقت و الزمان غاتولفيه و غايولفك الحشمة مغاتبقاش .. (كادوز يديها على ظهرها بحنان) .. توكلي عالله وديري النية ! ربي مايخيبكش .. (إبتسامتها كاتزيد توساع) .. شنو بان ليك ؟ ..

ياقوت باقا حيرانة و كاتفكر على أخير مرة وقع ليها ! .. لكن هو شافته و باين طبعه .. فبالها أنه كون باغي ليها شي حاجة خايبة بحال كي ما وقع ليها مع محمد مكانش غادي يعاونها و يديها لدار وحدة كيعرفها .. و عائلته كون ناويين ليها الشر نهار لي باتت عندهم كون أداوها بشكل من الأشكال .. و هي عارفة بلي هو كان مخطوب و مابقاش لكن السبب ماعرفاتوش واش هو لي منو الموشكيل أولا هي ؟ ..

ياقوت(مخاطبة كلثوم): .. خالتو هو كان ماخطوب ماعرفتشي علاش اتفارقو ..!

كلثوم: عادي ابنتي المشاكيل كيوقعو بين جوج مخطوبين و بين جوج مزوجين .. (بجدية) و الأهم هو واش قدرو يتشبتو بعلاقتهم ! هوما ماقدروش ولكن نتي تقدري ! .. (بتنبيه) .. عنداك تسوليه علاش تفارقو داكشي داز ماتجبديهش ليه مزال ! ..

ياسمين(دخلات معاهم فالموضوع): .. سمعي اياقوت راه بنادم مغاتعرفيه مزيان حتى تعاشريه .. مو طلباتك لزواج ليه يعني حتى هو موافق على هاد زواج و بلا موافقتو راه ميمكنش تزوجك ليه حيت حتى حاجة مابزز واخا يوقع لي يوقع ! .. و حتى نتي طلبات موافقتك و شوفي واش غاتوافقي ولا لا ..!

كلثوم(عينيها على ياقوت و سامعة بكلام ياسمين): .. سولتك و قلت ليك واش عائلته الله يعمرها سلعة و هو واش بنادم مزيان و عقلو فراسو .. حيت بنادم من شوفة لولة غاتعرف واخا غير شوية من طبعو ..

ياقوت(كمشات ملامحها فاش تذكراته): .. هو شوييوش صعيب و لكن قلبو مزيون ..

كلثوم(بطنز): .. باينة فيك قابلة عليه بلا ماتفكري ! ..

ياقوت(نزلات راسها حشمانة و كاتبتاسم): .. هو راجل و عاندو أخلاق .. و يماه خالتو زاينة طريفة و حنينة .. و اختو حيتا هي كولوم مزيونين ..

كلثوم(حلات يديها فرحانة): .. هي نقولو مبروك !!

ياقوت(حسات برعشة سرات فداتها بحال ضربها الضوء زيرات على عينيها و جاوباتها بزز): .. اممم خالتو كلثوم واخا نمشي نعاس ؟ ..

كلثوم: مغاتعشايش ؟ ..

ياسمين(فرحانة كاضحك): .. جلسي تعشااي تغلاضي شوية راك غاتزوجي زعما و نتي دايرا كي العصا ! ..

ياقوت(شدات راسها و الرعشة فاتها لكن عرق فراسها بدا يضرب عاطيها الحريق): .. كايحراقني راسي بغايت غير نعاس ..!

كلثوم(مخاطبة ياسمين): .. جيبي ليها الكينة د الراس تلقايها فالمجر ..! (نوضات ياقوت) .. سيري تكاي يفوتك الحال !

دخلا ياقوت لبيت و تكات على الناموسية شادة راسها بيديها كيحرقها .. حتى دخلات عليها ياسمين فيديها كاس دالماء و معاه دواء جلسات حدا رجليها و لاحت الكينة فالكاس خلاتها ذوب ..

ياسمين: .. اجي نقوليك ؟ واش داك لي جاي يخطبك تيتيز ؟ .. زعما زوين !

ياقوت(راسها ضارها مافيها لي يهضر ردات عليه غير بزز): .. حيتا تشوفيه فاش يدجي عاندنا ..

ياسمين: .. عندو شي خوه ؟ .. زوجيني ليه ..

ياقوت(ضحكاتها ): .. نتينا تستاهل اختيتو دزواج واحيد مزيون و راجل ..

ياسمين(عجبها الحال و بدات تلوي فشعرها): .. امم و يكون بوكو حبة ! .. هادا هو الموهيم مايهمش واش زوين ولا لا الموهيم هوما الفلوس ! ..

ياقوت(الآلم بدا يتزاد عليها و رجعات ليها ديك الرعشة لي جاتها قبل ): .. احح احح ! مديلي دواا ..

ياسمين(خلعاتها هزات دغيا الكاس و عطاتو ليها): .. اويلي مالك ؟ ..

ياقوت(رشفات منه شوية جاها مُّر دغيا دفلاتو و عطاتها الكاس مخسرة ملامحها): .. ييييخخخ خايب خايب حايديه عليا ..

ياسمين(حطاته و ناضت واقفة قادات ليها المخدة): .. نعسي نعسي ! ايفوتك الحال شوية ..

..