أشباه الرجال 🫀مكتملة🫀

🫀الجزء 80🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 80●°

جمعات شعرها و خرجات من الغرفة لقاته فيديه صنارة دالصيد كايصيد بيها وسط البحر سمع صوته خطواتها و دور وجهه بانت ليه واقفة كاتشوف فيه جامعة يديها و مطلعة حاجبها ! ..

عُمر( .. شاف قدامه مركز مع الصنارة و معاها ): .. واش بيك عاود ؟ ..

ياقوت( .. قربات حتى وصلات عنده ) .. علاش ماقلتيليشي جدو مريط ؟ ..

عُمر( .. حط لي فيديه وفرق ليها يديها معنقها لعنده و يديه داعبو شعرها بحنان) .. مانبغيش نشطنك ! .. ( .. دوز يديه على خدودها الناعمة و عينيه وسط عينيها العسلية لي ضاربة فيهوم الشمس) .. جدك دروك ولا مليح ماتهوليش ! ..

ياقوت( .. بلعات ريقها و زيرات على حوايجه بيديها و بنبرة حنينة نطقات) .. واخا هايداك !  .. كان علك تقولهالي ! .. ( .. عقدات تعابيرها و القصيصة لي لقدام كايطيرها الريح الخفيف لي وسط البحر) .. جدو غايحسابلو عرفت و ماسولتشي فيه ! ..

عُمر( .. حط راسها على صدره) .. راكي ماعرفتيش الياقوت ! .. ماكانش عندك لخبار!!

خرجات تنهيدة خفيفة و زادت تخشات فيه صدرها ضياق عليها .. لحد الآن باقي كاتحس بالخوف منه تعامله و هضرته و تصرفاته ركبو فيها الرعب و الحزن و القهر ! .. رغم أنه عمره حط عليها يديه ولا عمرها تعرضت للعنف لكن العنف اللفظي هو أكتر حاجة تعرضات ليه .. كانت كاتقول اللهم الضرب و العصى ولا الكلام لي يسمم قلبها ألف خطرة !  .. و فهاد اللحظة بالذات لي جاها الخوف منو هو لايحساب ليه بلي مابغاتش تشوفو ولا نساتو فاش تزوجات ! .. الوسواس و الأفكار الغير صحيحة هوما لي راودوها دابا و هو فاش كانت كاتمرض ولا توقع ليها شي حاجة كايكون معاها واخا كانت كاتسمع كلام قاسي عليها ! ..

ياقوت( .. نفضات أفكارها و طلعات رأسها فيه بإبتسامة) .. نرجعو عاندوم ؟ .. بغايت نبقا مع خوالاتي حيت فحال والو ماشيين غدا ..

عُمر( .. بعدها عليه كايشوف فيها عاقد تعابيره) .. نتي تعرفي ! .. ( .. أشار ليها ) .. روحي لبسي علك ! ..

حركات رأسها بالإيجاب و دخلات لبيت لداخل تفكرات بلي كاع مادوشات دخلات نيشان لدوش دارت دوش خفيف و خرجات بانت ليها الشانطة الصغيرة لي جابو معاهم حلاتها و جبدات كسوة فالأبيض مع شال فالأرونج و صندالة فنفس لون الشال و خدات حتى ملابسها الداخلية لبساتهم بعده لبسات الكسيوة و نشفات شعرها فالفوطة حيت هي أصلا مكاتنشفوش فالسيشوار حيت كايخرج على الشعر .. لاحت عليها الشال بإهمال و دارت اكخون سوليغ يحمي بشرتها من الشمس و كحلات عينيها بالقلم ماغون مامعيقش تحسبا ل عمر وصافي .. تبعاته كلوس خفيف على لون فمها مامعيقش .. و رشات باغفان يمين و يسار و لبسات خاتمها .. جمعات حوايجها و قادات الفراش دالناموسية لي كان مخربق .. كانت بغات تزيد تبقا هنا عجبها جو البحر و خصوصا اليخت لي هي فيه .. حسات بيه دخل عليها لبيت دورات وجهها كاتشوف فيه ..