🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°
#الفصل الثاني: إلتئام الجرح🫀
°●الجزء: 95●°
خداتها زاينة معاها حتى دخلاتها عند مريم و هند لي جالسين فالصالون و هند غير شافتها ناضت عندها و عنقاتها ..
هند: .. البخانسيس ديال دار .. (غمزاتها) امم طلعتي لفوق و ماتيليتش نزلتي !!
ياقوت( .. بإبتسامة) راكي عارفة الحبيبة ديالي !
هند( .. شافت فزاينة و شدات يد ياقوت) .. طاتي غادي ناخدها ليك !
زاينة( .. ضحكات) .. خلي البنت راه عُمر گالي ماتتحركش من حدايا !
هند( .. إبتسمت) با كغاف بغيت غير نتوانس معاها !
ياقوت: .. اجي احبيبة نجلسو هنا .. ( بأسف) عُمر مايبغيشي نبعد من حدا خالتو ..
مشاو جلسو فالجيهة الثانية د الصالون لي كانت مساحته واسعة ..
هند: .. فخبارك يالاه هضرت مع ياسمين قالتلي صوناتلك كنتي ساداه ..
ياقوت: .. تيليفوني مع عُمر ! شني بغات تاني ؟
هند (ضحكات): .. هههههه والو مسكينة ! غير غارقة فالحفاظة وأنا كانعاونها !
ياقوت( .. بشكر) .. تشكرا لك الحبيبة ! ياربي غير تنجاح ..
هند: .. ان شاء الله غاتنجح .. قوليلي الزواج زويين ههههه؟
ياقوت( .. ضحكات) .. امممم مزوين !!
هند( .. بإبتسامة لطيفة) .. نتي تستاهلي خويا عُمر راه هو كولشي فهاد الدار و هو لي هاز همها .. ونتي كيما قالت طاتي بنت الناس الله يرزقك الصحة و السلامة!
ياقوت( .. بإبتسامة بشوشة) .. امين الحبيبة دقالبي ..
هند( .. غمزاتها) الليلة وجدي شي حاجة ليك نتي وياه .. ( كاتفكر) شي عشا رومانسي راه الرجال تيبغيو بحال هادشي !
ياقوت( .. بإستفهام) بصاح ؟ ادا كان غايعجبو هاتشي نعملو! تعاونيني ؟
هند( .. وسعات عينيها) .. بغيتي تديريها ليه ؟ (ناضت و نوضاتها معاها) هي لولة !
مشات ياقوت قالتها لزاينة و ناضت حتى هي معاهم و لالة مريم طلعات ترتاح .. عجبانها الفكرة د هند هو دار معاها بزاف وبغات ترد ليه ولو غير شوية من داكشي لي دار معاها و قررات تتعشا معاه فالجردة و فالخيمة بالضبط واخا تقليدية و لكن قدرو يعرفو كيفاش يوجدو كولشي هند و زاينة متعاونين معاها حتى قادو كولشي و الخدم تكلف بالماكلة و الزينة و الطبلة و الإضائة تكلفات بيهوم هند .. حتى سالاو و طلعات مع هند لبيتها توجد شنو تلبس ليه و تتقاد ليه هاد الليلة لبسات كسيوة واسعة فالكحل و مستورة و قادات ليها مكياج سامبل و سرحات ليها شعرها و صبغات ليها ظفرانها بالحمر عاد لبسات الشال ديالها غطات بيه شعرها حتى نزلات ..
زاينة: .. صاي ابنتي العشا راه وجد تعشاي نتي وراجلك !
ياقوت: .. واخا اخالتو خليلي تيليفونك باش نصونيلو !
زاينة عطاتو ليها و خرجات ياقوت لجردة شافت الظلام و هو باقي ماجا تعطل عليها ! .. دخلات لخيمة لي كانت مضوية بلامبة و الطبيلة فالأرض محطوط عليها العشا و الشمع الحمر و الورود المنظر كان رومانسي بإمتياز .. هزات التيليفون و دوزات رقمه حتى جاوبها فالحين ..
عُمر( .. بنبرة حرشة) .. نعام ا مّا ؟ ياقوت معاك ؟
ياقوت( .. إبتسمت فاش ذكرها) .. هادي أنا ا عُمر ياقوت !
عُمر( .. تنهد) .. مالاه گلبي ؟
ياقوت(بنبرة حنيينة) : .. توحشتاك ! مغاديش تجي ؟
عُمر: .. راني فالطريگ دروك جاي !
ياقوت( .. إبتسمت) .. واخا ! تشوف راه غاتجبارني فالخيمة فالجردة ! ..
عُمر( .. عقد تعابيره) .. وحدك فالخزانة ؟
ياقوت( .. حركات رأسها ) .. اه كانساينك !
عُمر( .. زاد طلع حاجبه) .. درووك دخلي لدار !
ياقوت(ضحكات): .. لا انبقا هنا حتا دجي !!
دغيا قطعات عليه بلا ماتسناه يجاوبها جلسات و حيدات شالها كاتقاد شعرها و دخلات لكاميرة د تيليفون كاتشوف راسها واش هي هاديك مدة قصيرة و هي جالسة حتى سمعات صوت خطوات الرجلين كاتمشى على الربيع لي برا ظنا منها انه عمر لي جاي يالاه بغات تخرج من الخيمة حتى حسات بشي واحد صيفط بشي حاجة قاصحة من بعيد حتى جات فيديها شهقات مقصحة من الضربة لي جاتها و نزلات عينيها لقات خنجر فالأرض جرح يديها من الفوق حتى داز الدم ..!!
..
أنت تقرأ
أشباه الرجال 🫀مكتملة🫀
Romansa💎مكتملة💎 ⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ الآمال العظيمة هي ماتخلق الرجال العظماء ..! 🔏[ممنوعة منعا كليا من النشر]🔏 #إكــــــــرام_اوشــــريـــــــــف(ي) ...
