أشباه الرجال 🫀مكتملة🫀

🫀الجزء 33🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء (33)●°

تغذاو فجو ماولفوش يتغذاو فيه ! .. الخدامة جمعات طبلة .. و جابت ليهوم يغسلو .. ناض الحاج أحمد خلا العيالات بحدهم و هند ناضت تبعاته بغات تهضر معاه ! ..

الحاجة فاطمة(شافت فمينة كاتفرغ فيها أعصابها):
تصرعتي و درتي لي فراسك كون عرفتك غاديري ليه هكا مانخطبكش ليه ! ..

مينة(شافت فيها بعينين مدميعين): لالة ف ..

الحاجة فاطمة(قاطعاتها): مانشوفش وجهك امينة غبري عليا هاد ساعة ! ..

ناضت مينة و حفيظة حتى هي من ديما كاتعاملهم كي الجفاف لكن لي ماعندوش كرامة راه ماعندوش ! .. ناضت الحاجة حنى هي غير كاتهضر هي كولشي كايسكت مايقدرش يجاوبها ! ..

الحاجة فاطمة(شافت فياقوت): هادي ترجع منين جات ! ..إعلم الله شمن فضيحة خلات لواليديها و جات تلصق فينا ! ..

زاينة(جاوباتها): لا مارايحاش فين ! ..

الحاجة فاطمة(خنزرات فزاينة): ماتيقي فحتى واحد ازاينة نيتك ماتخليهاش تغلبك ! .. البنت ماعجباتنيش كيفاش ماعندها حد ؟ هادي مادخلش لعقل ..

زاينة(عقدات حجبانها): صاي الحاجة راني نعرف زاشاندير ! ..

مشات الحاجة كاتخنزر و عينيها قرطاس ! .. عائشة غير كاتشوف فهادشي لي طرا هاد نهار منين صبح الصباح ! ..

عائشة(ناضت حتى هي): نروح نشوف صحاباتي ! ..

بقات ياقوت و زاينة كاتشوف فيها عارفاها غادي طيح تاني دموعها ..

زاينة(تنهدات و قالت): ياقوت ! .. دموع ماشي هو الحل واش غاتبقاي ديما دمعي فأي حاجة ݣالها ليك بنادم .. ؟

ياقوت(طلعات عيونها لي كانو دامعين و قالت بحرقة): شني غانقولا جرحتني بي كلاما اخالتو مانقدرشي نحبسوم ..

زاينة(مشات جلسات حداها): دموع حتا لوقتاش  ..؟قصاحي شوية و حلي غيارك بلعقل ! ..

ياقوت(عاد زادت فدموعها ): خ خالتو صاااافي ..

زاينة(عنقاتها): ..راك نية بزااف ابنتي .. ماخاصكش تبقاي هاكا لي جا يغيضك ! ..

فجيهة أخرى عند عمر لي كان بدل حوايجه و لبس لباسه الرسمي قميجة بيضة و سروال كحل مع فيست كحلة و سباط كحل .. نازل من سانسور خرج منه حتى تصادف مع حفيظة كانت جايا عند فيديها صاك و تيليفون .. حنات راسها خايفة من ردة فعله لي أنه  لي وقع فصباح من تما مشافتوش ..

حفيظة(بلعات ريقها بخوف): سمحليا اسي عمر .. راه مينة لي جات لعند الحاجة معصبة و ديك البنت تبعاتنا وأنا كان عقلي مع مينة لادير شي حاجة غالطة .. (عمر مجاوبهاش حده شاف فيها شوفة باردة و بغا يمشي فحاله حتى قاطعاته) .. سيدي هادشي خلاتو ديك البنت فداري مابغيتش نعطيهم ليها هي و فضلت نجيبهم ليك نتا ! ..

عمر شدهم عندها و فجأة سمع تيليفونها كيصوني كانت المتصل مكتوب على رقمه "Baba" .. انسحبت حفيظة و هو وقف بلاصته كيخمم كيفاش بابا؟ ياك قالت ماعندها حد ؟ .. لثاني مرة حس بشمتة وأفكار أخرى طاحت فباله و بلي غاتكون كذبات عليهوم فشحال من حاجة ! .. وهنا تأكد من كلام لحاجة بلي دارت شي فعلة و هربات من واليديها ! .. خدا رقم الأب ديالها سجله عنده و دوز رقم أمه تجي عندو فالحين ..

#يتبع❤🔞