أشباه الرجال 🫀مكتملة🫀

🫀الجزء 8🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الأول:جرح الروح🫀
°●الجزء: الثامن  (8)●°

خيري(عاد رشقات ليه يجاوب حليمة ):
نعملو كسكسو مكاينشي ماحسن منو ! ..

نادية(غير سمعاته ضحكات بصوت مسموع و نطقات بلا ماتحس): شني عدنا جنازة هههههه ..

خيري(خنزر فيها حتى جمعات ضحكة و ضربات طم):
شني قولتي احليمة؟ ..

حليمة(سرطات الدغمة و شربات كاس دالماء عاد جاوبته): سكسو مغايشبعشي الناس من الواجب نعملو ماكلة تحمار لوجه ! ..

خيري(وجه كلامه ل نادية): نوض نتينا جيب ورقة و قلم ! ..

- ناض فالبلاصة جابت ليه داكشي لي بغا لكن لقات غير المذكرة هي لي جابت ليه ..

خيري: لي قولت لك كتبيه تما ماتنسايشي والو! ..

نادية(حركات ليه رأسها و ستيلو بين صباعها و المذكرة حطاتها على الطبلة): واخا غير قول ! ..

- بداو هو و حليمة كايفتيو عليها تكتب أسماء المعروضين كانت نسبتهم قليلة بزاف حيت أصلا فاش يسمعو بلي الخطبة ديال الياقوت والله مايجيو ! .. ناس جاهلة و باقا ماتقدمات و حلفات لا تقدمات لا فعقلها لا فكولشي .. ياقوت هي فرحانة فهاد اللحظة لحاجة وحدة هي أنه غاتزوج الشخص لي بغاه قلبها من الطفولة! .. بداو يقررو على شكون غايعرضو وشكون لي لا و التريتور و الطباخات تكلف بيهوم خيري حيت أغلبية هو لي كايمشي لتطوان يجيب فيه لي خاص و حافض الطريق و عندو المعارف تما.. البنات جمعو طبلة مخليين حليمة و خيري  و مشاو يغسلو المواعن فالكوزينة ..

ياقوت كاتغسل المواعن و كاتعطيهوم ل نادية كاتمسحهم من الماء .. حتى تفكرات شنو دارت ليها مع خيري و كيفاش سباتها فيها ..

ياقوت (حطات لي فيديها غفلاتها و قرصاتها من كتفها): كونتي غاتخروج عليا يالحمقة تينا عارف مكايحملينشي ! ..

نادية(كاتحك فالقرصة): اححح واسماحلي ماقصدتشي هايدا لي فيبالك .. (تفكرات فاش كانت تاتغمزها فاش كانو قبل فالكوزينة ) .. علاش كاتغمز فيني قودام ماما؟

ياقوت(خلات لي فيديها): .. داك لي تينا معاه شني اسمو ؟ ..

نادية(وسعات عينيها و فمها بفرحة): .. عماد ؟

ياقوت: اه هو .. شوفتو ماجي عدنا مع خيري فيديوم التقدية ..

نادية(تحمسات على ذكره ): .. متأكد عماد لي شوفت؟ ..

ياقوت: واش عومرني كدابت علك ؟ ..

نادية(كاتفرنس غير مع راسها): لا عومرك غير ماتيقتشي بالي هو .. (غوبشات تاني و عطاتها دقة فكتفها) .. ماقلتيهاشيلي قبال..

ياقوت: ماقدرتشي نقولا لك قودام يماك و خيري ايسماعني واذنيه كييسمعو مدزيااان ..

كملو شغالهم بحماس كتر فاش تصادفو مع أغنيتهم المفضلة فالراديو جمعو الكوزينة ونقاوها مزيان و خرجو جلسو فالمراح عند حليمة و خيري لي كايخططو لخطبة لي مابقا ليها إلى أيام قليلة واخا السيمانة قليلة دايرين ما فجهدهم باش يقادو كولشي على حقو و طريقو ..

خيري(شاف ياقوت جلسات و قال مخاطبها): عياط على باك يدجي لخوطبة ..

ياقوت(على ذكر سيرة باها قلبها بدا يضرب و الهضرة تلفات ليها): علاش انعياطلو ؟ ..

خيري: الخوطبة العايلة راوا باك من حاقو يحضار ..

ياقوت حابسة دموعها بزز مابغاتش طيحهم قدامهم أحاسيس الشوق راودوها عاضة فالصبر و هادشي لي عليها ديروه أصلا غير أنها تصبر .. مهما دار معاها كايبقا باها و عمرها تكرهو و لا تحقد عليه ..

ياقوت(بلعات غصتها و لمعة الدموع فعينها): فاين عامرو جاوب ؟ .. ادا ماصونيتلو مئة مرة مايجاوبشي ..

خيري(عقد تعابيره و قال بصوت قوي معصب): باك و غاتصونيلو و تعاود تصونيلو ! ..