أشباه الرجال 🫀مكتملة🫀

🫀الجزء 83🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 83●°

كانت كاتسمع ليهوم و صدرها كايتزير .. خصوصا فاش كاطلع عينيها و كاتشوف إبتسامتها ! ..

مينة( .. همسات فوذنها بنبرة مرتجفة) .. ا انا غانوض نشوف ماما ! ..

الحاجة فاطمة( .. تنهدات ) .. سيري ابنتي سيري ! هاد الجلسة غادي تحرق ليك قلبك كتر ماهو محروق ! ..

إعتذرات منهم و انسحبت من عندهم و الحاجة طلعات عينيها فياقوت كاتخنزر فيها و خنزرات فزاينة حتى هي و قلبات عينيها ..

عائشة( .. شافت مينة ناضت عرفاتها عاود محروقة و ناضت حتى هي) .. نخليكوم !

عُمر( .. شافها ناضت عقد تعابيره) .. ويراك غاديا ؟

عائشة: .. حدي الجردة اخويا !

عُمر: .. گعدي تكملي فطورك !

عائشة( رجعات جلسات بطاعة) .. واخا !

ياقوت( .. مسحات فمها بالبابي ): .. خالتو دقالبي ! (إبتسمت) .. غانخورجو أنا و عُمر و بغيتاك تخروج معانا ..

زاينة( .. إبتسمت ليها) .. لا ابنتي غير سيري نتي و راجلك وفوتو وقتكوم بزوج! ..

عائشة( .. سمعاتها و إبتسمت ) .. أنا نمشي معاكوم ا ياقوت !

.

غارقة وسط كتوباتها كاتحفظ و قدامها البيسي ديالها كاتفرج فديڤيديو د الأساتيذة كايشرحو دروس .. حتى النعاس مانعساتوش همها كله هو تنجح هاد العام ! .. قاطعاتها كلثوم لي دخلات عليها عاقد تعابيرها ..

كلثوم: .. اويلي ابنتي ؟ واش مانعستيش ؟

ياسمين( .. حطات ستيلو من يديها) .. مانعست ماشفتو ! ..

كلثوم( .. مشات جلسات حداها و حطات يديها على شعرها كداعبه) .. قدما بغيتك ابنتي تديها فقرايتك بقد مابغيتكش تعذبي راسك ! ..

ياسمين( إبتسمت ليها) .. المهم ننجح هاد العام اماما وندي الباك ديالي ماحد عطاوني فرصة و خرجات ليا الراط ! .. (تفوهات) .. كنت باغا نعس قبيلة ولكن ماقدرتش!

كلثوم( .. باستها فراسها) .. واخا هكك ابنتي عطي  شوية الراحة لراسك ! .. شنو تبغي نديرليك لفطور ؟ ..

ياسمين: .. لي درتيه بحال بحال ! ..

كلثوم( ناضت واقفة) .. انا نوض نوجدليك متاكلي ابنتي ! ..

ياسمين(قاطعاتها قبل ماتخرج) .. كيبقا بابا ؟ البارح شفتو عيان ..

كلثوم: .. ولا مزيان دابا غير واقيلا مع الطريق وصافي ! ..

ياسمين: .. بعدا راه سلمات عليك ياقوت ! .. صوناتلي قبيلة ..

كلثوم( .. على ذكرها إبتسمت) .. يسلم عليها الخير .. !

ياسمين( .. عقدات تعابيرها) .. وعرفتي شنو قالتلي ؟

كلثوم( .. بإستفهام) .. اشقالتليك ؟ .. (رجعات جلسات حداها) .. ياك ماطرات شي حاجة؟ قولي ؟

ياسمين(بتحدير): .. بعدا ماتقولي والو ل خالتي حليمة بيناتنا ا ماما !

كلثوم: .. اويلي قولي دغيا اشكاين خلعتيني ؟

ياسمين: .. أنا نقوليك و نتي هضري مع ياقوت و نصحيها شنو دير و كيفاش تعامل مع ناسها نتي لي بعقلك ! .. ديك لي سميتها الحاجة فاطمة نوضاتاها مع الصباح قالتليها توجد الفطور بحالا ماعندهمش لي يوجدليهوم !!
..