أشباه الرجال 🫀مكتملة🫀

🫀الجزء 126🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 126●° 

دخلات عليهوم هند لي جابت الحوايج ل ياقوت حشمات فاش لقاتهوم معانقين حنحات و عمر دور وجهه لقاها هند واقفة .. خطات عنده حتى مدات ليه الحوايج لي فيديها شدهم عندها ..

هند( .. بأسف) .. الله يرحمه اياقوت !!

ياقوت( .. طلعات فيها عينيها لي مارحموهومش الدموع و جاوباتها بزز فوق خاطرها بصوت بالكاد يتسمع) .. امين ..

خرجات هند و بقا هو وياها ماهضر هو ماهضرت هي !! .. جلسها و مشى شعل الشوفاج باش تسخن البيت و مايضربهاش البرد فاش يحيد ليها حوايجها .. حيدهم ليها كاملين حتى بقات بملابس داخلية و لبسها السروال و التريكو الفوق و لبسها الگاط فرجليها عاد قادليها الشال .. وهي غير ساهية خلاته و مكاتشوفش فيه كاتبكي بحرقة و دموعها ماحبسوش !! .. رغم أنه باها غير بالسمية لكن جاتها صعيبة و للمرة الثانية غادي ذوق حرقة اليتم !! .. نوضها من بلاصتها كايشوف فيها مدة طوييلة حتى مد يديه و مسح ليها دموعها و حط راسها على صدره و حس بيدياتها مدورهوم ورا ظهره .. بقاو مدة وهوما معانقين حتى بداو يسمعو صوت الموسيقى مجهدة !! .. بعدها عليه عاقد حجبانه مستغرب و مد يديه هز سوارته و تيليفونه لي حط فاش دخل و دارهوم فجيبه دور يديه عليها و خرجها معاه لبيت نيشان لصالون لي جالسين فيه كايتسناوهوم .. لقى غير هند لي جالسة و كانهض ظفرانها .. حتى نزلت زاينة شادة راسها و دخلات عليه لصالون ..

زاينة( .. كاتحرك راسها و دموعها فطرف عينيها) .. عمر !! تفلت بيا الدنيا !!

عمر( .. قرن حجبانه ) .. واش بيك ا مّا ؟ .. (كايسمع لموسيقى كاتزيد تجهاد نطق بنبرة قوية) .. شكون لي طالگ الدفيش هاد ؟

زاينة( .. طاحت جالسة كاتبكي بحرقة) .. ضد فينا دارت هكدا !! (طلعات فيه عينيها) .. ختك ماحتارمات مووت ماحتارمات حد !! طالگاها ضد فينا !!

عمر( .. جلس ياقوت على السداري بهدوء و رحع شاف فزاينة) .. الصمت ..

خرج من عندهم كايزرب فخطواته و زاينة تبعاته و هند بقات مع ياقوت معنقاها و كاتونسها .. طلع لفوق نيشان لبيتها كلما كايقرب كايزيد يسمع الموسيقى .. دفع عليها الباب بجهد لقا الحاج معاها باغي يهضر معاها ولكن دايرا راسه ماسمعاتوش مامسوقااش !! ..

عمر( .. كايزفر فأنفاسه بحنق) .. الحاج !! .. خليني معاها دروك !

الحاج أحمد( .. حرك رأسه بلا حول ولا بوة الا بالله عيى معاها) .. عييت معاها اولدي !! ..

خرج الحاج و زاينة بقات معاه ! .. عائشة غير شافته تخلعت و بزربة طفات البيفان .. قاسي معاها فبعض الأحيان غير كاتشوفه فهاد الحالة كاترعد ! عكس الحاج لي حنين معاها و خسر معاها و لا خاصمها و كاع كلامه ضرباته عرض الحائط !! .. قرب عندها و هز يديه لفوق ماحاسش براسه شنو كايدير جاتها صفعة قوية من عنده حتى ضار وجهها !! ..

عمر( .. بصراخ) .. مااوليتي تحتااارمي حد لربك ؟ ..

معاقلش على راسه عصباته وهو عدوه لي مايحتارمش شي حاجة خصوصا الموت محتارماتهاش و ماشي شي واحد عادي لي مات نسيبه لي مات !! .. شداته زاينة كاترغب فيه مايزيدهاش وهو واصلة فيه اللعظم ماعرف اينا جيهة يتولى واش اخته ولا مراته ! ..

عمر( .. مغوت فوجهها بنبرة زعزعاتها و خلات دموعها يطيحو و تغطي راسها بيديها) .. الحاج ماراااكش محتاارمااه !! ( .. حيد التيشورت دياله حتى بقى بصدره عريان حاس بالسخونية طالعة معاه ) .. خوك ماحتاارمتييهش !! .. المووت دالنساب ماااحتااارمتيهااش !! .. واااشتااا رااه يگووولك روحدك رااكي ديري ؟؟ ..

..

رجع لور و أنفاسه متسارعين مدمر على هاد الحالة لي وصلو ليها ! .. هز تيشورته ولبسه بعصبية كايستغفر الله بينه و بين نفسه كعادته ندم حيت ضربها ولكن هي استفزاته و هو عدوه عدم الإحترام ! ..

زاينة( .. بنظرة حزينة شافت فعائشة) .. الله يهديك على راسك و علينا ابنتي الله يهديك ! ..

عائشة( .. حاطة يديها على حنكها كاتبكي) .. الصمت

عمر( .. شاف فيها بنظرة باردة) .. مزالني نزيد نتفاهم معاك علا هاد !!

عائشة( .. شافت فيه بنظرة نارية و قالت مغوتة) .. عمرك حطيييتيي علياا يدييك دروووك عمرنييي
نسمحلك اخووياا مااانسمحلكش علا هاد  !! ..

عمر( .. مسح على وجهه بعصبية وقال بنبرة قوية مخنزر فيها) .. تهددي فيااا ولااا وااش ؟؟ ( .. بحدة)
.. بلعيييه خيييرلك!!

طلب من زاينة تخرج و هز البيسيات ديالها تيليفونها لقاه مهرس حرك راسه بلا حول ولا قوة الا بالله و هز الطابليت و سورت عليها البيت ماتخرجش منها ! .. رجع لبيت لي نعس فيه قفل على لي فيديه فالماريو هوما والسوارت دبيتها و بدل حوايجه لبس كبوط و طاقية فراسه من البرد و البوط فرجليه و خرج من البيت بعدما سورته حتى هو ونزل لتحت و عينيه كايقلبو غير على ياقوت !! لمح زاينة فالجيهة اليمنى و هند فالجيهة اليسرى و الحاج كايهضر مع ياقوت ويصبرها على موت الأب ! ..

الحاج أحمد: .. نتي ماشي بوحدك ابنتي !! زاينة فمقام مك و أنا فمقام باك واخا حتى حد مايجي بلاصتهم ولكن عمرك غادي تكوني بوحدك ماحدنا فالحياة !

ياقوت( .. حاولو يخفوو عليها شوية و ابتسمت فعز دموعها الحارقة) .. ربي يخاليك اعمي الحاج ! ..

زاينة( .. عنقاتها) .. خوالاتك معاك و حنا معاك و خوتك معاك !! ..

بادلاتها ياقوت العناق محتاجة غير لي تعنقه فهاد اللحظة لا غير ! ..

زاينة( .. تفكيرها كله مع بنتها عائشة شافت فعمر لي جلس حدا الحاج و نطقت) .. راني نعيط على الحاجة تجي من فاس تبقا مع عائشة !! ..

عمر( .. تكى بظهره و عينيها فالسقف مدمر !!) .. قيساش نگبضو الطريگ ؟ ..

زاينة: .. نتا روح مع ياقوت انا نبقا هنا تاتجي الحاجة !! ( بقهرة) .. مانخليش عائشة بوحدها ! ..

ياقوت( .. سمعاتها وتذكرت لي وقع بيناتهوم .. مسحت دموعها ونطقت بصوت مرتجف) .. مانمشي غير معاك اخالتو !!

زاينة( .. تنهدت) .. بقا هنا ا عمر نتا و الحاج حتا تجي الحاجة غذا ان شاء الله و لحگو علينا ل طنجة !! ..

عمر( .. ناض من بلاصته و نطق ببرود) .. رجلي على رجلها ! .. (شاف فيها بنظرة عميقة) .. مانيش حاب نخلي مرتي وحدها فالحالة هادي !! ..

#الأرااء ضاارووري♥️