أشباه الرجال 🫀مكتملة🫀

🫀الجزء 64🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 64●°

داز الليل و السهرة سالات الناس بدات تنقص شي بات هنا و شي مشى لداره .. طلعو معاها هند و ياسمين لفوق و جلسو معاها ميتين بالنعاس غير صابرين ! ..

ياسمين( .. حيدات الحزام د القفطان ): .. كانتفكر بلي باقي ستيام خرا و يسالي العرس كاتشدني السخفة !  ..

ياقوت: .. علاش ؟

ياسمين(كاتأفأف): .. أختي عييت ! .. بغيت نضور فوجدة جابونا لهاد القرينة فيها غير الجبال ! ..

هند(حابسة الضحكة): .. شمن ستيام؟ .. راه باقي تابعك عرس أخر فوجدة ! ..

ياسمين(بعدم فهم): .. كيفاش ؟

هند: .. هادا غير عرس دايرينو هنا دابا ! .. طاتي زاينة بغات دير عرس فالمدينة ..

ياسمين( .. و سعات عيونها ): .. حلفي ! .. (بدات تبتاسم) .. بعدا العرس د القاعات حسن من هاد الزمر هادا ! .. (شافت في ياقوت) .. و نتي باغا عرس أخر ديريه فالمدينة ؟ ..

ياقوت (إبتسمت بلباقة): .. ااه أختي! ربي ينورهم كبرو بيا !

ياسمين: .. اممم وانا يحسابلي غايديروه غير هنا صافي ! ..

هند: .. نو ! .. غير هوما ضاروري يديروه هنا تقليدي ! ..

ياسمين: .. ااه صافي ! الموهيم ناشطين ناشطين .. ( ..كملات كلامها مخاطبة ياقوت) .. عرفتي شنو تابعك اليوم ؟ ..

ياقوت( بعدم فهم): .. شني ؟

ياسمين( .. ابتسمت جنب): .. ماعرفتيش ؟ ..

ياقوت( .. صغرات عيونها عاد فهماتها): .. امم عرفت عرفت! ..

ياسمين( .. قربات ليها): .. شوفي رخي راسك ماتخافي والو ! .. صافي ! كولشي غايدوز مزيان ..

هند( .. طلعات حاجبها بشك): .. شفتك كاع مخايفة ! ..

ياقوت( وسعات عيونها): .. لا خايفة والله ! ..

ياسمين( .. مخاطبة هند): .. داكشي لي بان ليا حتى أنا  ! ..

ياقوت( .. عقدات تعابيرها): .. قلتلكوم خايفة !!

يالاه بغات تجاوبها ياسمين حتى تحل عليهوم الباب من طرف عُمر .. ناضت ياسمين و نوضات هند معاها حشمانين منه غمزات ياسمين ياقوت و خرجو بجوج مع الباب ..

..

سد الباب وراهم و هي ناضت عنده كاتبتاسم شادة التكشيطة و خطات عنده ..

ياقوت: .. فاين كونتي ؟ ..

عُمر( .. حيد الفوقية لي لابس و نصل المكانة لي فيديه و حطها و بقا بسروال و الفوق عريان علق الفوقية فالباب و رد عليها ): .. مدكدك و مهلوك .. ( .. شافها و نسى عياه باقا بتكشيطة ديالها  قرب عندها كايبتاسم لجنب) .. بقاي هاكا كاع لا تبدلي حوايجك !!  ..