أشباه الرجال 🫀مكتملة🫀

🫀الجزء 135🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 135●° 

بداو يتغذاو في صمت حتى سمعت عمر داز من حدا صالون حتى بدا يعيط بسميتها ناضت وخرجت عنده مقلقة و قالبة وجهها ! ..

عمر( .. طلع حاجبه ونطق ببرود) .. دروك راني خارج تحبي شي حاجة صونيلي ! ..

ماشافتش فيه ولا فعينيه دخلت نيشان وهو بقا واقف كايحك لحيته حتى خرج من الدار و ركب طموبيلته و تحل الباب الكبير وخرج نيشان من الڤيلا قصد لولاية ماوقف حتى لحداها و حدا البوابة الكبير د الولاية واقفين جوج رجال الشرطة غا لمحو سيارته حلو الباب و دخل بسيارته ماوبلاصا الطموبيل حتى لباركينگ .. نزل من طموبيلته بلباسه الكلاس كالعادة فاش كايجي للولاية .. دخل فالباب الرئيسي و الحارس لي واقف فالباب قدمليه التحية طلع فالسانسور لأخير طابق فين كاين البيرو دياله .. تحل الباب السانسور و تلقات ليه الكاتبة الخاصة بيه بالمواعيد و لي عندو هاد النهار و الإجتماعات .. كان نهار عامر بالخدمة !! ..

-سي عمر ! مع 3 عندك اجتماع مع سي علي بن زياد ! ..

عمر( .. طلع حاجبه بملامح جدية و شاف سميته بغا يتأكد) ..

-رجل أعمال باغي الموافقة على الملك و المشروع ! ..

دخل لبيرو وهي تبعاته  ..

عمر( .. جلس على الكرسي دياله عاقد تعابيره وملامحه جدية) .. شكون عطاه الموعد معايا ؟ ..

-(حنحنت ) .. انا ! اصر عليا بزاف باش يتلاقا معام وهو معروف على الصعيد العالمي و قلت غاتبغي تناقش معاه المشروع ! ..

عمر( .. حرك رأسه بهدوء و نطق بنبرة خشنة) .. هاد مكلف بيه الديوان لا ؟ ..

-(حركت راسها) .. ياسين يشوف معاه Entout cas ! ..

عمر( .. شاف فالساعة لي فيديه) .. شي حاجة اوخرا ؟ ..

-( حركت راسها بالنفي) .. لا ! من غير جا مبعوث من الرباط و من الوزارة المالية باش يناقش معاك الميزانية المخصصة لهاد السنة !! ..

عمر( .. حرك رأسه بهدوء) .. الساعة ؟

عطاته الوقت لي محدد عندها ..

عمر: .. مليح ! لغاي لسي ياسين !

..خرج من البيرو دياله نيشان لطابق 4 فالولاية و فقاعة كبيرة فيها طبلة طويلة و الكراسا مصافين فالجوايه و فكل صف جوج كاراسا مع بعضايتهم على حسب الرتبة ديال كل موظف و الموظفين كل واحد شاد بلاصته فالصف جالسين تلاتة ديال الشباب عندهم مناصب لأول مرة غايحضرو لإجتماع مع الوالي شخصيا .. دخل عمر و عم الصمت فالمكان و الكل تقاد بلاصته ترأس الطبلة و الكاتبة مرافقاه هازا ملفات باش ماتلفوش .. الولاية الرئيس ديالها هو الوالي ! .. كايكون منو للحكومة و الوزراء فالرباط كايتعين من طرف رئيس الحكومة و بعد المرات حتى بأمر الملك ! .. و كايكون مسؤول على المدينة و على الجيهة كاملة مسؤول على الأمن و على سلامة السكان و على الملك العام و المؤسسات العمومية وهو أعلى سلطة فالمدينة و تحت الإشراف دياله كاين مصالح الأمن ! .. و فالولاية هو غير كايوافق على القرارات و يناقش الميزانيات .. كولشي كايدوز على يديه ! .. اما الولاية فيها جهاز ديال الموظفين و كل واحد و المهمة دياله كاين الديوان و كايجي مور الوالي ! .. كايكون مسؤول على العلاقات الخارجية و على البروتوكولات و يتواصل مع الصحافة و كاين لي مسؤولين على المشاريع الكبرى ! .. و على التنمية الريفية على البيئة ! السكن ! التشغيل ! و اي حاجة كاتخص المدينة و هادشي كامل تحت إشراف الوالي ! .. بداو الاجتماع والانظار عليه وعلى طريقته المريحة فالشرح .. ! رئيس كل خلية كايشرح الاعمال و المشاريع لي تقامو و  الميزانية لي خاص تخصص لكل مجال .. سالا الاجتماع وخرج هو الاول عاد تعالات الوشوشات فالقاعة ! ..

كاتجمع بيتها لي مكاتخليش الخدامة تدخل ليه ذهبها و حوايجها محطوطين فكل بلاصة مكاينة تيقة ! .. حلت عليها ياسمين الباب كاطل عليها ..

ياقوت( .. دورت وجهها شافتها) .. دخوول لاش واقفة فالباب !! ..

ياسمين( .. سدات الباب و دخلات قالبة فمها و كاتأفأف) .. ختي قنطت فالدار و غذا غادي نمشي !! .. بغيت نخرج !! ..

ياقوت( .. تنهدت بضيق) .. نخورجو لجردة ؟ ..

ياسمين( .. جلست على السرير) .. اختي من الصباح وانا فالجردة !! ..

ياقوت( .. ميلات شنايفها) .. سمحيلي اختي ! ماكرهتشي نخرجك تضور وجدة كاملة ! ..

ياسمين( .. عنقاتها) .. ا لا ماشي موشكيل اصاحبتي !! .. (كادور فعينيها) .. هضرتي مع عكوزتك ؟ ..

ياقوت( .. حركت راسها) .. اه ! غذا راه طاهر و الحاجة غايمشيو معاك لطنجة باش يعزيو خالتي ! ..

ياسمين( .. تفكيرها مشى لعند طاهر و إبتسمت قائلة) .. تبارك الله داك السيد شحال مقبول و محترم ! .. (غمزاتها) .. كايعجبني والله ! ..

ياقوت: .. كايموت على عائشة اخت عمر ! .. شحال وهو كايطلبا لزواج و هي مابغاتشي !!

ياسمين( .. طلعت حاجبها) .. ااه و قلتيلي تخطبت بواحد اخر اولا ؟ ..

ياقوت( .. حركت راسها) .. تفارقو ! .. ماعرفتشي واقيلا غادي يرجعلا ولا ترجعلو ! فاش كونت مزال ماجيتشي لداري كانكونو جالسين كانتعشاو و عينيه فيها ! .. ماعرفتشي صراحة شني طرا بيناتهوم ولكن السيد كايبغيها دباصاح ! ..

ياسمين( .. حركت راسها ) .. ااه ايوا الله يسهل عليهوم ! .. (كمشت حجبانها) .. واخا مانضنشي غادي يرجع ليها !

ياقوت: .. تانا قلتا ! كايبقا راجل مايرضاشي بداكشي لي عملاتلو ! ..

ياسمين: .. زعما دغيا غادي يبرد قلبو من جيهتها ؟ ادا كان هو كايبغيها من شحال ؟ ..

ياقوت: .. ماعرفتشي صراحة ! هي واقيلا كانت قبل مع داك لي تخطباتلو و مكانشي عارف حتا واحد حيت اللصقة لي لصقت فيه ماعجباتنيشي !! ..

ياسمين( .. خرجت عينيها) .. و خوها عارف و مقاال والو؟

ياقوت: .. لا مانضنشي عارف ! انا غير قولتا من عندي وصافي حيت باين فيها كادبغيه ! .. ماعرفتشي والله !! .. وهي صراحة طاهر ماتستاهلوشي !

ياسمين( .. عقدت تعابيرها) .. علاش ؟ انا كاتبانلي ضريفة ! ..

ياقوت( .. ضحكت مابغاتش تجبدلها المشاكيل) .. نوض نوض نعملو شي فيلم نسهرو عليه ! ..

ياسمين ( .. ناضت) .. شحال هادي كنت تفرجت فواحد الفيلم كايخلع وااعر والله ! .. ولكن تفرجت فيه بالنهار مشيت عند صاحبتي وئام درناه انا وياها ! ..

ياقوت( .. حركت راسها) .. ديك الزوينة لي ورتيلي تصويرتا ؟ ..

ياسمين: .. ااه !! راها تزوجت إماراتي ومشات معاه ! تشوفي الزهر لي عندها ! .. نديرو الفيلم ؟

ياقوت( .. خرجت عينيها) .. لا اختي بغايتي نموت بالخلعة اواعدي ؟ .. مكانحملشي الأفلام دالخليع ! .. (إبتسمت كاتشرح ليها) .. نعملو شي فيلم رومانسي و فيه غير الحب ! ..

ياسمين( .. ضحكت) .. تفرجي فيه مع راجلك اختي ماشي انا !! ..

ياقوت: .. ايوا نعملو شي فيلم كوميدي نشبعو غير ضحك !! ..