أشباه الرجال 🫀مكتملة🫀

🫀الجزء 4🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الأول:جرح الروح🫀
°●الجزء: الرابع(4)●°

شرقات الشمس من جديد على ضوءها فاقت ياقوت باقي فيها شوية د الحريق فرجليها ..

عيطات على حليمة و جات عندها فالحين تخلعات يحسابليها وقعات ليها تاني شي حاجة ..

حليمة: خلاعتيني العايلة قولت شني وقاع تاني ..

ياقوت(شدات رجليها بين يديها حاسة بالحريق):
رجلي كتحرقني شويوش !!

حليمة(تفكرات الدوا لي كتب ليها الطبيب ):
مشي نتشوف جدك واش جبار دوا ..

- خرجات من عندها وهي باقا شادة رجليها كاتماصيها بشوية غير يخفاف عليها شوية الألم ،
شافت جيهة التيليفون لي محطوط فوق الوسادة حلاته لقات عراارم دالإتصالات و الميساجات من عنده عرفات بلي نادية لي وصلات ليه الخبار دارت راسها مامسوقاش واخا راسها ضارها تعرف اش قال ليها بغات تطمر عليه ولكن راسها كياكلها بالفضول دخلات تشوف شنو كتب لقات غير تصاوره مصيفطهم ليها طلعات ليه Vu بكل برود و دارت راسها مامسوقاش كاااع ..!

- باقي ماتنسات ليها تاع البارح .. شحال صيفطات ليه من ميساج خلاها معلقة تما ماتسرطاتش ليها و بغات ترد ليه الصرف ! ..

- مع خرجات حليمة من عند ياقوت سمعات صوت الدقان فالباب مشات حلاته لقات علال لي خدام مع خيري فمحله ماد ليها ميكة عامرة ..

حليمة(إبتسمات فوجهه وشدات عنده الميكة ): جبارتني غانصوني ل با يدجيب دوا ..

علال: عطاهلي نواصلو لكوم ! ..

حليمة: ربي يخاليك اخاي علال ! ..

- مشى و هي سدات الباب دخلات عند ياقوت عطاتها تقرا الوقيتة لي غتاخد فيها دوا ديالها .. بقات معاها حتى شرباته ..

حليمة: ربي ايشافيك الحبيبة ..

-قاطعهم الصونيت تاع تيليفونها جبداتو من جيب الطابلية د الكوزينة لي لابسة .. و شبه إبتسامة ترسمات على ثغرها و قالت مخاطبة ياقوت ..

حليمة: خالد صونالي لبارح قالي غايعاود يصونيلي ليوم يهضار معايا فتشي حاجة ماعرفتاشي شني غايقولي !

- جاوباته هي و ياقوت غير سمعاتها شقالت دق قلبها بسرعة و كاع الأفكار السلبية طاحو فبالها من خلال داكشي لي دار ليها البارح ! ..