أشباه الرجال 🫀مكتملة🫀

🫀الجزء 27🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء:  (27)

ياقوت أكتر حاجة بقات فيها هي مابيناتهم والو مدارت ليها والو و كاتشوف فيها بدوك الشوفات د القتيلة ! ..  كون غلطات معاها ياقوت ماتبادلهاش نفس الشوفات ! .. و قفات عليهوم مرأة قريبة لحفيظة فالعمر و الفرق بيناتهوم هذه مقبولة و بشوشة فوجها محبوبة و من النظرة الأولى تدخل ليك الخاطر ! .. مشات ميشان قصدات ياقوت كاتبتاسم ليها ياقوت غيرات ملامحها لي عقداتهم لإبتسامة لهاديك لي جاية قاصداها شداتها من كتفها و قالت مخاطبة حفيظة ..

***: شكون هاد لغزالة احفيضة ؟  ..

حفيظة ماحملاتش هادشي عارفاها مكاتقصد حد حتى تيكون نيت داخل ليها لقلبها و رتاحت ليه كيما دارت لياقوت عكس مينة لي عمرها شكراتها ولا قالت كلمة زوينة فحقها رغم أنه كانت خطيبة ولدها السابقة ! ..

حفيظة: غير كانعرفها الالة زاينة! ..

مينة(بدون قصد قالت و الغضب و الحقد مسيطر عليها): ولدك لي جابها الالة زاينة لدارنا و حدايا بلا حشمة بلا حياء ! ..

زاينة(شافت فيها نيشان عاقدة تعابيرها): واشتا راكي تكولي نتيا؟ ..

حفيظة عرفات راسها مشات فيها داكشي لي كانت خايفة منه طاحت فيه البكية وحلات ليها كاتشوف فمينة باغا تنفز ليها تقتلها ! .. الحاجة كانت كاتشوف فياقوت بشي شوفات دالموت! .. عيطات لوحدة من الخدم تجيب ليها تيليفون و جابته ليها فالحين مدوزة رقمه ..

أمام  بناية   شاسعة  واخدا مساحة كبييرة .. جردة على برا مقسمة لجوج .. مساحة عامرة بسيارات الموظفين  و مساحة فيها جردة ك كبيرة و اشجار عالية .. دخلت سيارة مرسديس جي كلاص اخر اصدار من الباب لكبيرة  و فاتت فداك الممر تا استقرت كدام الباب مباشرة ..نزل الشيفور بسرعة و حل المقعد الخلقي ... نزل برجولية و بهيبة طاغية كاتبين لكل عين شافتو بلي كايناسب المنصب ديالو  و كيما كايكولو عليه الموظفين بلي هو والي اسد والولاية هيا العرين ديالو.. دخل بخطوات سريعة و كل الداخل منغمس فشغلو و اغلبية الموظفات الشابات كايسرقو النظرات ليه ..
فاخر طابق توقف المصعد  و كان الهدوء على عكس الطابق الاول ..  كانت مكاتب معدودة  لاصحاب مناصب مرموقة   .. دخل للمكتب  لي كان مكتب كبيير اطلالتو  على ساحة الولاية ..   خلف الكرسي  كاين صورة كبيرة لجلالة  الملك و راية المملكة  ...كرسي من جلد اسود و  مكتب مرتب  و من الجهة الاخرى فنفس المكتب كاين طاولة للاجتماعات ..
كلس فالكرسي و حل الملف الاول  تا طلبت المساعدة اذن الدخول .. بلا مايهز راسو عطاها الاذن  ...  دخلت بتوتر وهازا فيديها ملفات ..

الموظفة :بونجور موسيو عمر جا الاستاذ يحيى قائد مقاطعة 12 ف اقليم بركان ..!

عمر(بلا مايهز عينيه كيقرا بيهوم الأوراق لي بين يديه)واشا بغا ؟

الموظفة: Confirmation ديالك على الطلب لي غايقدمو للوزارة على ود الميزانية لي غايخصصوها للاقيم  لاصلاح الطريق  .. !

عمر:كوليلو مشغول و  طلبو مرفوض ! و كوليلو  كالك اليازيدي جمع راسك راه ضوسيك عمار ! ..

الموظفة( حركات رأسها و حطات الملف لي بين يديها أمامه): لقاو القبض على الخلية الإرهابية و راهوم محتاجزين بزاف ديال الرهائن والكوميسير كايطلب الإذن من حضرتك باش ستعملو السلاح ! ..

عمر(بلا حتى مايشوف فيها و عينيه على الملف لي قدامه ناطق بجدية): مايستعملوش السلاح تايخرجو الرهائن ! ..

الموظفة حركات رأسها و خرجات من البيرو  ديالو ووصلت هضرتو كاملا للقايد لي كان كالس فقاعة الاستقبال غا سمع هضرتها وناض بتوتر غادي فحالو
ولات للمكتب ديالها غا جلست و تحل لباب .. دخلت موظفة عاد صغيرة فقسم المعلوميات  ..

الموظفة 2(حاطة يديها على راسه):الله ياربي. على زهر عندي ياودي ياودي!..

الموظفة(جات وقفات حداها)1: شنو عندك ؟ ..

الموظفة 2(كاطقطق ضفار صباعها على البيرو): من صباح وأنا مكابلا سرجم باش نشوفو مين يجي ساعا والو  ! ..

الموظفة 1(رشفات من قهوتها): احبيبتي هداك الا بغيتي تشوفيه حطيهوم صحاح عاد كحلي عينيك بيه ! .. (حطات كاسها ) واش غير جيت و خدمت عندو أتا ؟ ..

أنا الموظفة 1 (تقرصات  و دارت ضحكة صفرة مغطية بيها الفقصة ديالها):  لا لا غا ماشافش وجهي او مالقيتش لفرصة باش نتعرف عليه او نخرج معاه ما كون راني معاه احبيبة !

الموظفة 1(تكات على الكرسي تاتضحك): سي عمر ماعندوش لوقت تا فاش يحك راسو عاد يعطي وقت لموظفة بينو و بينها مسافات .. (قلبات تعابيرها لجدية) .. هداك راه الجهة الشرقية كاملة تحت يدو ماشي واحد تلاقيتيه فشي سواغي و غاتقصري معاه ليلة ! .. هداك ماشي هوما هادوك ! .. (كاتشرح ليها بيديها و هضرتها كلها جدية) .. راه والي والي جيهة الشرق ! .. (كاتنعت ليها بصباعها) .. وجدة! بركان! احفير! فيكيك! ناظور! جرادة تاوريرت و زيد و زيد فكل إدارة فهاد المدن تحت سمية عمر اليازيدي ! .. و رجال بكساويهوم كايترعدووو حيت قاطعها فيهوم وماكان لا رشوة لا والو..  (خنزرات فيها وجرات كرسي ديالها قرباته لبيرو) .. أنا لي كنهضر معاه و مكانطولش فيه الشوفة و كنحتارمو و نتي باغا تجلسي معاه كلتي ! ..

الموظفة 2(عقدات حجبانها و شافت فيها بمياعة): غير كلت لك أنا ! بالحق موحالاش هادشي  بصح غايكون بحالو بحالهوم  تا هو مستحيل يكون ماكايشدش رشاوي  هههه وعاد رشوتو تكون صحيحا ! ..

الموظفة 1(خسرات ملامحها من كلامها)واش منيتك سمعت مو شاريلها واحد سيدي فيلا على لبحر فالسعيدية  و مشاريع و لواطا .. راه كاع مامكروب على صالير ديالو  غا مشاريعو يخليواه عايش هو وولادو وولاد ولادو ! .. بعدا  تاحد ماينفنف قدامو عاد دابا جرا على واحد القايد فبركان ! ..

الموظفة 2: وايلي علاش ؟ ..

الموظفة1: كالك جاي بغاه يكونفيغميلو على طلب لشي ميزانية لاصلاح الطريق وفيها لملاااير وهو بلا مايقرا الضوسي كالو طلب مرفوض  .. !

الموظفة 2(وسعات بؤبؤ عيونه):وعلاش رفض ؟ ..

الموظفة 1:حيت عارف كل واحد فيهوم و عارف بلي غايحصو للإصلاح شي 100 مليون وشي لاخور غايديه هو ..!واصلا هو ماكايحملش الاختلاسات ورشاوي ..! (شافت فساعة لي فيديها و قالت) .. خليني أختي نديها فشغلي شاداني هنا بالهضرة  ! ..