أشباه الرجال 🫀مكتملة🫀

🫀الجزء 115🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 115●° 

بعدات راسها شوية فاش تقاد بلاصته و هي رجعات شوية لور كاتشوف فيه حاط تيليفونه على وذنيه مدوز إتصال لواحد من رجال الأمن الخاص لي صونا ليه من دار العائلة خبره بالي المراة لي ديما كاتجي تسول على راجلها جات عاوتاني !! .. قطع و حط تيليفونه جنب و جر ياقوت جنبه ..

ياقوت( .. كانت سامعة كولشي ) .. شني غاتعمال دابا ؟

عُمر( .. بهدوء) .. گلت لك ماتعمريش راسك بهاد !

ياقوت( .. بأسف) .. ولكن بقات فيا ا عمر !! ( .. تنهدات) .. شني دانبا هي و العواول ديالا ..

عُمر( .. طلع حاجبه) .. هاد مايخصكش ! ديها فولدك دروك !!

ياقوت( .. رمشات فيه) داك مينة لي عملات هاتشي كامل !! ( .. تغطات و حطات راسها على الوسادة) .. هاديك ماسمحتلاشي حيت عملاتا راسا و لكن هايد لمراة شني دانبا غير قولي ؟ ..

🔙🔙

بعدما لبسات حوايجها و قادات حالتها تمشي لخدمتها لي توظفات فيها غير شهر هادي في بنك CIH هزات صاكها كاتسمع الدقان فالباب مشات حلاته و تحلو معاه عينيها و هي كاتشوف فالبوليس واقفين قدامها قلبها بدا يفقد دقاته الطبيعية ! .. فيقها من صدمتها البوليسي لي واقف قدامها فاش ورا ليها الوثيقة دالقبض عليها ..

-أمينة *** ! عندك تهمة الإختلاسات و تمديد الأموال !

مينة( .. تلفات مافهمات والو) .. كيفاش ؟؟ و ايمتا هادشي ؟؟

منطوها فيديها و الجيران كايتفرجو و يهضرو فيها ! البراهش تابعين السطافيت فاش طلعوها فيها و ديماراو لقسم الشرطة! ..

.

وسط الظلام و تحت البولة الصغيرة لي دايرا دائرة على جسدها و كاتضرب من فوق عينيها لي الدم هو لي بقاليهوم يطيحو منهم !! .. كايطقطق أصابعه فوق ديك الطبيلة الكحلة و يديه كايحكو لحيته و عينيه ظلام !!

-( .. بكاع جهده ضرب يديه مع الطبلة و نطق بنبرة قوية) .. هضريييي !!

مينة( .. قفزات من ديك الصوت مزيرة على عينيها) .. مادرت والو !! قلت ليك مادرت والو !! غير ظلمووني ..

بدا يسب بينه و بين نفسه و مشى حل الباب و خرجوها جوج رجال من رجال الشرطة غاديين بيها يخليوها فالحراسة النظرية حتى دازت يوميين عاد داوها باش يقدموها عند وكيل الملك لي كان فالبيرو دياله حتى جاه إتصال من عند عُمر ..

و.م: .. سعادة الوالي مرحبا !

عُمر: .. كولش هو هاداك ؟

و.م( غمض عيونه و حلهم) .. الخدمة راها غاتدار كون هاني من هاد الناحية المحضر عامر و غارق لافان ! ..

قطع عليه و دخلوها عنده سولها علا كاع داكشي لي مكتوب فالمحضر ديالها و هي في فمها كلمة وحدة هي مظلومة و ماعندي يد فهادشي !! الوكيل كاشا على الأقوال لي فالمحضر و عطاهوا نهار المحكمة لي غايحدد مصيرها واش تبان برائتها ولا غاتزيد تكفس عليها !! ..

العائلة مجموعة فالڤيلا مشطونين فاش سمعو لي وقع مع ياقوت من زاينة قالتها لحاج و طاهر و الحاجة فاطمة ايما عمر أصلا عارف لي وقع ..

زاينة( .. كاتعاتب الحاجة) .. شفتي ديك لي كنتي تيقي فيها واشا درات ؟

الحاجة فاطمة( .. تنهدات) .. بحالي بحالك ازاينة راني مصدومة !

زاينة( .. عقدات تعابيرها) .. مانيش مصدومة ! كنت نتوقع منها كولش و هي معانا فدار وحدة !

كانت هند يالاه جات عندهم دخلات نيشان عند .. سلمات عليهوم و جلسات حدا زاينة ..

هند: .. فاش كنتو كاتهضرو ؟

زاينة: .. ديك مينة تعرفي واشتا دارت ؟ كنت غاتگتل ياقوت !!

هند( .. شهقات) .. اويلي !! كيفاش باش عرفتو شكون قاليكوم ؟ ..

زاينة: .. داك النهار فاش دارت ياقوت لعشا ل عمر و گعدات فالخيمة تستناه يجي .. و ضرباتها من بعيد بالخنجر سرقات. لعايشة !! .. تيهيا (المسؤولة على حماية ياقوت) .. لي كانت جات فالليل تطل على اولوف لگاتو كان هايموت ضربو جيهة كرشو راه يتعدب مسكين ودروك معاه الطبيب وهو غير خليق الله !!  شوية يگتلوه تاهو !! و تعرفي شكون بغا يگتلاه ؟ حميد المسؤول علا الإسطبل اعتارف فاش شاف راسو ايوصل لشي حاجة ماهياش گال مينة هي لي طمعاتو .. ( مشمئزة حتى أنه ماتقدرش تقول باش طمعاته) ..و عمر وصلاتو الخبار بلا دوك التسجيلات لي شفنا فاش دخلات الكادو لدار !! نفس الكارطونة فاش تحطات اللفعة لي شفنا فيديها فالكاميرة !!

هند( .. شداتها القفقافة ) .. و عمر شنو دار معاهوم !!

زاينة: .. مينة راها غرقت فالحبس و لفق ليها تهمة و حميد غبرو عُمر هو براسو مگاليش واشتا دار ليه !! ..

هند: .. ياربي السلامة !! واش هادو مراض ؟

زاينة: .. شي حاجة كتر من مراض ا هند !! أنا راني باقي ماتسرطاتلي فحياتنا ماصرالنا بحال هكدا !!

الحاجة فاطمة ( .. قلبات وجهها) .. ماطرا حتى جات هاديك !! ( قاصدة ياقوت) ..

..

دخلات عندهم ياقوت و الكلينيكس فيديها كاتمسح دموعها لي ماحبسوش !! ..

زاينة( .. خرجات عينيها فاش شافتها باقي كاتبكي) .. احا ابنتي واش مزالك تبكي ؟؟ (حلات يديها بجوج) .. كحزي عندي احبيبتي ..

ياقوت( .. مشات عندها عنقاتها حابسة دموعها بزز) .. اولوف اخالتو كايتعداب !!

زاينة( .. تنهدات) .. دروك يبرا ابنتي !!

ياقوت( .. تكات عليها ) .. ياربي ماقدرتشي نزيد نشوفو هايداك ياربي عانحماق !!

زاينة( .. كاتلعب فشعرها بحنية) .. صاي اياقوت الطبيب معاه غايداويه يولي كي راه كان و صح من گبل كااع !