أشباه الرجال 🫀مكتملة🫀

🫀الجزء 70🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 70●°

ياسمين( .. كاتضهر معاها من تحت سنانها) .. اجي معايا يعطيك موصيبة اياقوت يعطيك موصيبة !! ..

ياقوت( .. صرطات ريقها و زادت معاها) .. قوليلي غير شني وقاع ؟ ..

ياسمين( .. بعداتها من تما و قالت شادة حنكها) .. ماما عرفاتني مشيت البار يابنت الهم .. بغيتا ا نعرف فين عرفات فين ؟؟ ..

ياقوت( .. عضات شنايفها بقوة كانت ناسيا هاد البلان) .. كونت عاملة الهوت باغلوغ .. تينا كاتهضر بلا فرانات سمعاتك كادقولها لي !! ..

ياسمين( .. ربعات يديها و تكات مع الحيط هازة حاجبها) .. سمعاتني هضرة و كون ماكنا عند الناس كون سلخاتني !! ..

ياقوت( .. عقدات تعابيرها فيها) .. وتينا أصلا ش ماشا تعملي فلبار ؟ .. حماقتي ؟ .. راه من حقا دقولك هايداك .. ( .. خنزرات فيها) .. و كون غير ضرباتك تبردلي قلبي .. !!

ياسمين( .. حلات ملامحها بذهول) .. ياااك !!

ياقوت( .. قلبات وجها بنفور) .. ماتزيدشي تهضار يرحام يماك !! ..

ياسمين( .. قادات وقفتها ) .. لهلا يخطيك أختي والله !! .. هادا مانسوا عندك ..

ياقوت( .. زيرات على سنانها و نطقات قبل ماتسناحب من حداها) .. تينا أصلا مكتسواشي اياسمين ! .. مشي فحالك و راجع راسك هاتشي لي كاتعملي مغايساليشي بيخير !! ..

مشات و خلاتها واقفة كاتشوف مصدومة من كلامها عمرها هضرات معاها بديك الطريقة كانت كاتنصحها بطريقة زوينة و حسنة لكن ردها هاد المرة كان مختالف على قبل .. جبدات تيليفونها وطريقها لعند هند  ..

.. ياقوت دخلات عندهم هوما بداو يتعشاو سلمات عليهوم بلابيز حتى وصلات لحفيظة و مينة سلمات عليهوم بيدها و مشات جلسات حدا زاينة ..

زاينة( .. طبطات على ظهرها بإبتسامة) .. فيراها ياسمين ؟ ..

ياقوت( .. إبتسمت ليها مابينات ليها والو) .. هاهي ماجا دبا  ..

عائشة( .. قشعات الأيفون لي فيديها) .. ابردي منين جاك الأيفون ؟ ..

ياقوت( .. إبتسمت ليها بلطف) .. جابولي عُمر كادو !! ..

عائشة( .. عقدات تعابيرها) .. واه مليح !! ..

مينة خنزرات فيها و عينيها عامرين بالحسد و الغيرة من لي قالته دابا  ! .. قلبات عينيها مامستحملاش تزيد تشوف فيها فأي لحظة تنوض ليها و تخوي فيها سمها و أعصابها .. كاتستافزها و تزيد على مابيها و هي باقي مفاتتها الحرقة د الزواج !!  .. تعشاو و حليمة مشات هي و كلثوم يجمعو الحوايح حيت غذا شادين طريق لوجدة كاملين و فيهوم النعاس بغاو يرتاحو .. و الحاجة أمرات حفيظة تجمع المواعن .. جمعات كولشي و رجعات جلسات مع الحاجة كاتدلك ليها راسها ..