أشباه الرجال 🫀مكتملة🫀

🫀الجزء 91🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 91

دارت الجردة كاملة بلا ماتمل مع اولوف رجعاتو لإسطبل و دخلات لڤيلا لقات زاينة جالسة مع عائشة كاتوريها شي تصاور فالتيليفون مشات جلسات معاهم ..

زاينة( .. إبتسمت فاش شافتها) .. اجي تشوفي اجي ! كنت بغيت نعيطليك من گبل ولكن گال ليا العساس خرجتي اولوف !

ياقوت( .. قربات وجهها كاتشوف معاهم التصاور حتى حلات فمها بذهول) .. وااو ! كادحماق تبارك الله .. كونت مع اولوف خارجتو شويوش لبارا ..

زاينة: .. كي جاتك ؟

ياقوت: .. مزيونة بزااف و فاش غاتفرش غاتولي مزيونة كتار ..

رجعات كاتشوف معاها فدوك تصاور د الڤيلا لي كانت صغيرة مناسبة للأسرة فقط ..

عائشة : ماگلتيليش ديالمن ا مّا ؟

زاينة( كاضحك ) .. حتى لمن بعد و تعرفو !

قاطعات حديثهم وحدة من الخدم جات عند زاينة ناضت عندها كاتوشوش ليها فوذنيها و كاتشوف زاينة فياقوت وتبتاسم عيطات عليها تنوض عندها حتى جات و همسات ليها فوذنيها ..

زاينة: .. سيري شوفي راجلك راه جا !

ياقوت( .. وسعات عينيها) .. عُمر جا ؟

زاينة( .. طبطبات على ظهرها و باستها فخدها) .. واه ابنتي راه جا سيري شوفيه و تناقشي معاه بينك و بينو ! ..

هزات ياقوت يديها و باستها عاد مشات و رجعات زاينة عند عائشة جلسات حداها ..

عائشة( بنفور) .. شفتك وليتي تعامليها بحالي و حسن مني كاع ؟ و بان ليا بحالا نسيتيني و وليتي تديها فيها بزااف لا نتي لا خويا ..

زاينة( .. خرجات فيها عينيها) .. حاشا ابنتي! كولكوم بناتي و كبيداتي ماتگوليش هكدا !..

..

طلعات لفوق حلات الباب متوثرة و فرحانة قالت مع راسها غايكون برد شوية من جيهتها و مابقاش نعصب منها ! .. دخلات لديرسينك و جبدات شورط مع ضيبارضور دياله فالحمر و حريرين و مشبكين من لتحت و ختارت ملابس داخلية مشبكين حتى هوما و فالكحل حيدات كاع حوايجها و رشات معطر للحمها عاد لبسات داكشي لي جبدات الأحمر و الأسود جاو مع بشرتها البيضة مناسبين كان لباسها جريئ و سيقانها و لحمها نقي و ديما محيدة زغبها بلاصير واخا كان خفيف ولكن كايعجبها تحيده و ماتبقا فيها حتى زغبة طلقات شعرها الطويل و الكثيف مسندل على ظهرها و جبدات ماكياجها دارت غير ماسكارا و فمها هو لي ركزات عليه طراساتو بالقلم عاد دارت الروج جريئ و حمر على لون لباسها ! .. بقات كاتشوف فالمراية و تقاد شعرها عجبها الحال فاش طلعات زوينة و كيما تخيلات .. سمعات صوته برا خدات نفس عميق و خرجات عنده كاتمشى بكل أنوثة و هدوء حتى شافها جايا عنده و عقد تعابيره حيد الڤيست ديالها و كايطلع و ينزل فعينيه فيها من صبعها الصغير حتى لراسها ! لاح الڤيست دياله ابتلع ريقه من منظرها الجذاب ! المنظر لي عمره شافها فيه! المنظر لي ثاروه وطلع معاه الصهدة بزز باش قدر يقاومها باغي يزيد يعاقبها و هي مشات قربات عنده حتى وصلات ليه يالاه بغات تعنقه و تقيسه و تهضر معاه حتى كان مبعد و هز سوارته و خلاها كاتشوف مصدومة فاش قمعها و خرج بلا مايعطيها حتى إهتمام واخا هو كان العكس ماكرهش كون جاتو فوقت أخر  !! طاحت جالسة على السرير كاتعض شنايفها و عينيها دمعو بالفقصة ..

ياقوت ( .. شهقات) .. زعما مابقيتشي معمرالو العين ؟

مسحات دمعتها لي طاحت و ناضت حيدات العكر لي دارت و لبسات العباية و الشال غطات بيه شعرها مابدلاتش حوايجها لتحت خلاتهم تغطات غير بالعباية خرجات من البيت و نزلات لتحت شافتها زاينة و عيطات عليها مشاو دخلو لصالون كان كولشي مجموع فيه و مريم أخت الحاجة لي جات و هند حتى هي لي جات معاها و الحاج أحمد و طاهر و عُمر جالسين كاملين فجو عائلي و ياقوت كاتشوف فيه بنص عين واش شاف فيها لكن لقاته مشافش جيهتها عضات شنايفها و جلسات معاهم و زاينة كاتوري لهند و الحاجة و مريم تصاور الڤيلا ..

زاينة( .. بإبتسامة) .. كي جاتك الحاجة ؟

الحاجة فاطمة: .. على مزيناتها ديال من ؟ ..

عائشة تقادات فجلستها باغا تعرف ديال من حيت عجباتها دبصاح و زاينة مابغات تقول ليها والو ..

زاينة( .. شافت فياقوت بإبتسامة) .. ديال بنتي ياقوت و عُمر ! .. غادي يسكنو فيها !

عائشة( بإستفهام) .. كيفاش غادي يسكنو فيها ؟ مغايبقاوش معانا ؟

زاينة: .. شحال قدهم يبقاو هنا !

عائشة( .. عضات لسانها من لداخل مغددة) .. غادي يتفرق علينا على قبل بنت ؟

ياقوت عقدات تعابيرها من كلامها ماعجبهاش الحال يالاه بغات تنوض حتى رجعاتها زاينة و جلساتها ..

زاينة: .. گعدي اياقوت ! .. (شافت ف عائشة) .. حتى هي تفرقات على واليديها !

عائشة( .. ضحكات بسخرية) .. علاه هي فين عندها شي واليدين ؟ ( بإستهزاء) .. علا مانعقل النهار لول خويا لي حن فيها و هزها من الزنقة !

كانت هادي النقطة لي فيضات الكاس عندها ! وجهها رجع حمر مارضاتش يعايروها بداك النهار لي تلاقاتو فيه و جات معاه ماحسات حتى ناضت جيهتها و هزات يديها عطاتها ليها لحنكها يالاه بغات تزيدها حتى شداتها زاينة و الحاجة و هند وقفات مصدومة من لي طرا و عُمر و الحاج و طاهر غير سمعو غواتهم ناضو بزربة عندهم !

ياقوت( .. كاتبكي و تشهق و تهضر بلا عقل) .. شكووون تينا لي تعايريني شكوون ؟؟ ( .. بغات تقتلها تجننات دبصاح و عينيها تعماو) .. علاااااش تجبديلي يمااا لي ماعندا حيتا قبر علااااش ؟؟ و بابا علاااااش ..

..