أشباه الرجال 🫀مكتملة🫀

🫀الجزء 22🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: إثنان و عشرون (22)

طريق كاملة و هي مخنووقة و كاتسنى غير ايمتا توصل لأنه لحد الآن باقي مافهمات والو ! .. مدة د طريق عاد وصلو لطنجة لي كانت مكاتخواش بالناس فهاد الصيف .. ماوقف الشيفور حتى لقدام واحد الفيلا ورقاتها من ورا زاج بقات حالة فيها فمها و كاتقول واش هادا كامل زهرها عندها؟؟ .. مامتيقاش هادشي لي كاتشوف لكن فنفس الوقت مادخلاتش ليها لعقل لأنه قالو ليها غايمشيو لعند لعدول نيشان و جا الشيفور وقف حدا هاد الفيلا ؟ .. نزلات من الطموبيل فاش حل ليها الشيفور الباب .. و العساس حل الباب ليهوم دخلو و شافته من بعييد واقف بحوايج مكشترين و الكارو في فمو طاح ليها العجب كيفاش واحد عايش فهاد الدار و حالته بحال شي متشرد ! .. فاش سالا كاروه خطى عندها و يديه حالتهم حالة مامنقيش راسه بحالا ماعندهوش الماء .. ياقوت شحال هادي مشافته مني كان صغير و كان بحالو يحال الناس و دابا حالته كاتجيب الردة بقات غير كاطلع و تنزل فيه عايفة ! ..

محمد(غمزها كايضحك ليها): كبرتي الغزالة ..!

ياقوت ماحملاش تزوج بواحد بحال هادا قالت مع راسها باقي مادارو فطاجين مايتحرق تمشي ترجع فحالها و تاحد مابزز عليها تزوج ! .. لكن الموشكيل هو إلى رجعات خيري ايصيفطها ديريكت لعند باها و هي هادشي لي مابغاتش ! ..

محمد(جبدها من كتفها): فين ساهية ؟ ..

ياقوت(بعدات ليه يديه مشمئزة من ريحة الكارو لي خارجة من فمو) : فاينو العدول لي قالتو؟ (خرجات فيه عينيها) .. فاينو ؟ ..

محمد(بإبتسامة عريضة حتى بانو سنانو صفرين بالكارو): شمن عدول اياقوت ؟ ..

ياقوت(بذهول): شني تاتقول ؟ ..

مع غايجاوبها وقفات عليهوم إمرأة أية من الجمال ! .. سبحان الخالق مأنقة حالتها و الفلوس باينين فيها كاتشوف فياقوت ! ..

***(شافت فمحمد): هادي لي قلتي ليا عليها ؟ ..

محمد: هي هي ! ..
كانت ياقوت كاتشوف فيها بإعجاب .. المرأة إبتسمت ليها ..

***: دخلي لداخل مرحبا بيك! ..

حركات رأسها و هي لحد الأن مفاهماتش علاش جابوها و شنو كادير فهاد الدار أصلا؟ هي لحد الأن هادئة و باغا تعرف علاش جابوها استقبلتها فواحد الصالون جلسو فيه هي و محمد و ديك المرأة و ساكتة كاتشوف فيهوم حتى هوما ساكتين و عينيهوم عليها ..

محمد(جلس حدا ياقوت): رتاحي ليك اياقوت من بعد و نهضرو !

ياقوت(شافت فيه بهدوء): فاش غانهضرو؟ ..

محمد(شاف فهاديك لي جالسة قدامه ): سميرة لي محتاجاك ! ..

ياقوت(و سعات عيونها بصدمة): كدابتو عليا ؟ ..

محمد: ماشي كدبنا عليك ! ولكن لقيت بلي نتي لي مناسبة لهادشي ! ..

ياقوت(بعدم فهم): كيفاش ؟ ..

سميرة(إبتسمت ليها): من بعد اياقوت و نهضرو ! نتي نعسي و رتاحي ماتخممي فوالو لي بغيتيها تجي لعندك و ماتخمميش بزااف ! ..

#يتبع