أشباه الرجال 🫀مكتملة🫀

🫀الجزء 96🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 96●°

رجعات صفرة و الدم وقف فيها قلبها بدا يضرب و يضرب بكاع جهده الرعدة طلعات معاها من صبعها الصغير و دازت من ركبتها لي فشلات عليها .. تفكرات كلامه فاش قاليها تدخل حتى يجي هنا البكية شداتها فاش ماسمعاتش كلامه و هي عارفاه بلي عدوه لي يضرب كلامو لأرض .. تحنات بزربة هزات الخجر من الأرض و دخلات لخيمة كاتقلب على شالها الخلعة نساتها فين حطاتو حتى بان ليها و مشات هزاتو بيدها كايترعدو و كاتشوف موراها حاضية لاتجيها شي دقة أخرى حطات خبات الشال ديالها باش مايشوفوش عُمر فاش يجي و يديها كاتحرق فيها من حر الجرحة نزلات عينيها لقات الدم دايز كايشرشر تفتحات ليها الجرحة .. حلات صاكها لي دارت فيه العكر باش لاتمسح ليها تعاوده جبدات منه كلينيكس و مسحات دم لي سايل ماحبسش زيرات على يديها بيه باش يتحبس .. باليد لوخرا هزات التيليفون بزز باش تمكنات فيه بسبب الخوف لي خلا يديها يترعدو دوزات نمرة عمر كاتسناه يجاوبها لكن بدون جدوى كايصوني و مكايجاوبش بغات تقوليه غير يجي دغيا ايما حتى هاد الموضوع مابغاتش تذكره ليه حيت ضربات بكلامه مابغاتش يزيد يخاصمها!! عضات فمها و الدموع تحجرو فعينيها مابغاتش تخرج من الخيمة بالرعب لي فيها لايتلاقا ليها الشخص لي صيفط عليها الخنجر يجي عندهاعمرها وصلات لمحاولة ق.تل لدرجة كانت علا شوية غاتموت !! لو كان جاها فقلبها ؟ ولا راسها ؟ ولا عينيها غاتعمى طول حياتها ! .. سهات كاتفكر شكون غايدير فيها هكا شكون هادا لي عطاته نفسه يحاول يقتلها وسط دارها ! .. عمرها أذات نملة وحدة و هادشي كامل لي كايوقع ليها علاش كايوقع ؟ السؤال الوحيد لي بغات ليه جواب و مالقاتوش !! تعذابات بيما فيه الكفاية و قالت تهنيت من العذاب لي عاشتو مع عائلتها و دابا حتى فزواجها غادي تعذب فيه ؟ .. وسط سهوتها و وسط أفكارها المخربقة غير حسات فيها بيد شداتها من كتفها قفزات بالخوف لي مزال مامشا منها و طلقات غوتة قوية خارجة من أعماقها ! ..

.

عينيها طلعو فيه و إحساس الخوف بدا يغيب ملامحها تطلقو و طاحت عليه بتعنيقة مزيرة بيديها على قميجته البيضة حتى تلونات بدمها .. خشات راسها فعنقه كاتشم ريحته بصاح هو دابا حداها ؟ كاتحس معاه بالأمان و هو قريب ليها دموعها حبساتهم بزز باش مايشوفهمش ! .. حركتها و الغوته ديالها و التعنيقة خلا الشك يدخل لراسه عاقد تعابيره و عينيه حادين لأنه ردة فعلها ماشي طبيعية أبداً! .. مكانش مبادلها العناق كان يفصل و يخيط شنو يخيليها تصرف هكا ؟ عيونه القاتمة سرحو بعيد بلا تفكيره لي خلاه يبعدها عليه يعرف مالها .. ماخلاتوش يبعدها منه بقات مزيرة عليه كتر من لول ..

عُمر( .. نزل يديه لخصرها و نطق بهمس ) .. الياقوت ! شوفي فيا !

ياقوت( .. مزيرة على عيونها و نطقات بنبرة مرتجفة) .. ماتبعدنيشي عليك خليني معنقاك هايدا ! (طلعات رجليها حتى جات فوقه ) .. عفاك ا عُمر عفاك !

طلق منها مخليها على راحتها حتى سمع نبرة بكاءها الخافتة و زاد عقد فتعابيره و بقوة جبدها حتى تصادفو عينيهم ..

عُمر( بإستغراب) .. مالك ؟

ياقوت( .. حنات عينيها مابغاتش تشوف ليه فعينيه و هي غاتكذب عليه ! إبتلعت ريقها و دموعها دايزين مع الكحول) .. والو !!

عُمر( .. حط صبعه تحت ذقنها حتى طلعات راسها و شافت فيه ) .. مين تولي تحكيلي علا حاجة شوفيلي فعيني !!

ياقوت ( .. نفسها ضياق و الحرقة فصدرها كتاكل) .. اممم صافي !

كايدوز يديه على بشرتها بهدوء و أطراف أصابعه كايمسحو أثر دموعها و عيونه كايمرو على طول ملامحها حاس بيها كاتكذب و ماشي غير حاس بل متأكد لأنه فاش صونات ليه كانت فرحانة و ضاحكة و باين غير من صوتها!! .. عينيه نزلو ليديها لي شاداها و غارسة ظفارنها وسطهم و الدم لي عمر يديها خلا قلبه يمشي و يجي بخوف عليها بسرعة هز يديها كايدور فيها و يشوف عاض على سنانه ..

عُمر( .. بحدة) واشتا صرالك ؟

ياقوت( .. بللات شنافيها بتوثر) .. والو ! غير جراحت راسي ..

عُمر( .. ناض و نوضها معاه) .. جرحتي روحك ؟ (خنز فيها) .. تبوهلي عليا و فوجهي تكدبي ؟

ياقوت( .. نيمات عيونها) .. مكانكدبشي علك ا عُمر راه ماكنتشي واخدا بالي و ماعرفتشي كيفاش عملتا .. ( حيدات يديها من يديه كاتهضر عكس الحر لي حاسة بيه) .. بالحق تشوف مكادحرقنيشي بدزاف !( شدات يديه عندها) خلينا نجلسو و نتعشاو عفاك !

جر يديه مسامعش كلامها جبد تيليفونه كايدوز فنوامر حتى لقا نمرة لمسؤول على الإسطبل صونا ليه و هضر معاه ..

عُمر( .. قطع عليه و شاف فيها بحدة) .. درگي شعرك !!

تفكرات بلي دارت فيه الخجنر قلبها دق بخوف منه حركات ليه رأسها بالإيجاب و دارت عاطياه بالظهر حتى جبداتو فيه و خشاتو فصاكها بزربة و سداتو دورات شعرها على عنقها و غطات شعرها .. حتى فالبلاصة جا وقف عليهوم و أشار ليه عُمر يدخل عنده و معاه علبة الإسعافات باش يداويلها الجرح تعمد مايقولهاش لرئيسة الخدم حيت غاتعرف زاينة و غايتشطن بالها و هو باغي يهضر معاها و يعرف منها شنو واقع ..

..