أشباه الرجال 🫀مكتملة🫀

🫀الجزء 121🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 121●° 

تساراو على خاطرهوم و ياقوت شرات حوايج الدراري الصغار ديال البنات و ديال الولاد واخا ديجا كمونضات فواحد السيت شحال من حاجة ولكن ماقنعوهاش ! .. خلاو كولشي فالطوموبيل و مشاو جلسو فواحد الريسطو و طلبو من السيرفور يجيب ليهوم لي بغاو ..

زاينة( .. بإبتسامة) .. من بكري ماخرجت نحوس !!

ياقوت( .. طلعات نظاظرها فوق راسها و بادلاتها الإبتسامة) .. حتا يانا تواحشت الخروج ! ..

زاينة: .. دروك بعدا بدلنا الجو ! قنطنا ! ..

وسط هضرتهم قاطعهوم صوت أنثوي رقيق كاتعيط على زاينة ! .. دورو وجههم لقاو إمرأة و بنت معاها ..

البنت: .. لالة زاينة نتي هادي ؟ ..

زاينة( .. ناضت واقفة بإبتسامتها وسلمات عليها والبنت باست يديها) .. أنا هادي ! .. (سلمات على المرأة) .. كي راكوم ؟ ..

البنت( .. عينيها مشاو لياقوت) .. بيخير الالة زاينة كولشي مزيان !  (شافت فزاينة) .. أعوام هادي ماشفتك !! ..

زاينة: .. قدر الله ابنتي ! .. اختك لباس عليها ؟ ..

البنت: .. مزيانة مع ولادها ! .. عمرك جيتي تشوفيهوم و تشوفينا الالة زاينة غبرتي غبرة وحدة العائلة توحشاتك ! ..

زاينة: .. داتني الوقت ابنتي ! نهار يكتاب غانجي ان شاء الله ! ..

البنت( .. رجعات شافت فياقوت) .. شكون هاد البنت الالة زاينة ؟ كاتفتن تبارك الله ! ..

زاينة: .. عروستي ! مرات عمر ..

البنت( .. حركات راسها) .. اه! الله يحفظها ليكوم ! .. ( سلمات على ياقوت) .. تشرفت بيك احبيبة !! ..

ياقوت( .. بإبتسامة هادئة) .. شكرا ! ..

سلمات البنت على زاينة و ودعاتهوم و انسحبت من حداهوم .. كلاو و تقهواو فجو هادئ و رجعو لدار فاش دوزو نهارهوم و فوجو فيه ! .. زاينة خلات ياقوت فالڤيلا حيت خصها ترجع لدارها ..

ياقوت( .. عنقاتها) .. غذا غاتلقاني عندك ! ..

زاينة( .. ضحكات و بادلاتها العناق) .. صاي گولي ل عمر يجيبك عندنا را الڤيلا توحشاتك ! ..

ياقوت: .. حتا يانا توحشتا والله! .. غاندجي و نبقا عندك شهر ان شاء الله !! ..

زاينة( .. باستها فخدها كاتوصيها) .. ردي البال راسك صاي !! الخدامة غذا تولي عندك و ماتوايش تشقاي راكي حاملة !! ..

ياقوت( .. ابتسمت ) .. ماتخافشي كاع هادشي غانعملو والله !! ..

نزلات و زاينة ديمارات ومشات و ياقوت دخلات لڤيلا ولقات تيهيا قدامها بنت طويلة و رشيقة من غير مناطقها الأنثوية لي باينة مخدومين لابسة سروال فالكحل و تجاكيطة فالكحل و الكاط فالكحل و جامعة شعرها كوب شوفال ..