أشباه الرجال 🫀مكتملة🫀

🫀الجزء 65🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 65●°

داز أسبوع و العرس سالا و الناس ماسخاوش بيه ! .. بداو يجمعو الكيطون و الروينة لي بقات من العرس .. و البنات بدلو حوايجهم بعدما تعذاو و ناويين يخرجو و يمشي لوجدة يضورو فيها على خاطر خاطرهم .. ! .. ياقوت نزلات عندهم لقاتهم فبيت وحدة بعدما لبسات جلابتها و مزينة حالتها بميكاب خفيف و هازة صاكيها شافتها ياسمين و بدات تصفر ..

ياسمين: .. فين غاديا بهاد الزين كامل ؟ (غمزاتها) .. جا معاك الزواج ! ..

ياقوت( .. إبتسمت ليها و صيفطات ليها بوسة فالهواء و التيليفون فيديها كاتصوني ل عُمر) .. عُمر مكايجاوبشي ! ..

ياسمين( بإستغراب): .. شنو بغيتيه ؟ ..

ياقوت(عطاوها بلي تيليفونه طافي .. طفات ديالها ولاحتو فالصاك) : .. نقولو غانخروج ! ..

هند( .. دارت العكر لشفايفها و مصاتهوم .. مجاوباها) .. ماقلتيهاش ليه البارح ؟ ..

ياقوت: .. لا ماقلتلو والو ! ..

عائشة( .. سمعاتها و طلعات راسها من التيليفون) .. ماتخرجي حتى تكوليها لو! ..

ياقوت( .. ردات عليها) .. ماكونتشي ناوية نخروج بلا خبارو أصلا ! ..

عائشة( رجعات عينيها ل تيليفونها) .. غير كلتلك ! ..

ياسمين: .. سيري سولي خالتي زاينة !

ياقوت حطات صاكها و خرجات كاتقلب على زاينة حتى بان ليها هو يالاه دخل و الكونطاك د الطموبيل فيديه مشات عنده و عنقاته زاعمة عليه و الحشمة نوعا ما بدات تحيد بعدما زعمها هو عليه ! .. بادلها العناق و هو قابض ملامحه من لبسها و حالتها لي مقادة بعدات عليه و يديهوم مشادين ..

عُمر: .. لفين ؟ ..

ياقوت( .. بإبتسامة و دلال) .. بغايت نخروج مع البنات ! ..

عُمر( .. زاد عقد تعابيره و طلق من يديها) .. روحي طلعي لفوك ماراكش خارجة فين ! ..

ياقوت( .. قلبات ملامحها و إبتسماتها تلاشات) .. علاش مانخرجشي معاووم ؟ ..

عُمر( .. شاف فيها بحدة و نبرة صوته خلاتها تقفز) .. سمعي لغايا أ لياقوت و روحي! .. ( .. شافها واقفة بلاصتها و نطق بحدة فصوته) .. رووحي لبييتك !

بقات واقفة بلاصتها ماتزعزاتش قالبة فمها و الدموع محجرين فعينيها كاتشوف فيه بنظرة خلاته يعض فمه بسنانه مزير عليه و نظراته قاتمة و مرعبة ! ..

..
جرها من يديها و طلعها معاه .. كانت ياسمين و هند خرجو من البيت لي كانو فيه من الجرة لي دار ليها عرفو بلي مابغاش يخليها تخرج معاهم ! ..

هند( بآسف): .. ماخلاهاش ! ..

ياسمين( .. عاقدة تعابيرها) .. كانت مشهية تخرج ! .. (قلبات وجهها) .. شتي السبب لي مخليني سيليباطير ! ..