أشباه الرجال 🫀مكتملة🫀

🫀الجزء 130🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: 130●°

قربت عنده حتى عنقاتها وهو بادلها العناق كايدوز يديه على ظهرها بحنية ..

ياقوت( .. إبتسمت) .. علاش عيطيلي ؟ ..

عمر ( .. شبك يديه مع يديها مطلع حاجبه ) .. تعشيتي ؟ ..

ياقوت( .. خسرت ملامحها ) .. امم لا ! ماعجبتنيشي الماكلة ديال ديك الطباخة !

عمر( .. ضحك) .. واشتا حبيتي تاكلي ؟

ياقوت( .. خاطرها مروع) .. والو والله !

عمر( .. حرك راسه و حل الباب دالطموبيل) .. طلعي !!

طلعات لطموبيل وطلع حتى هو و ديمارا من تما شدت ليه فيديه راجعة ذاكرتها لور ..

ياقوت( .. إبتسمت) .. اول مارا تلاقينا .. تلاقينا هنا فطنجة !!

عمر(بنصف إبتسامة) .. الصمت

ياقوت: .. كون علا شويوش غانمشب فيا ! (بحزن) .. كونت يحسابلي المرحوم بابا باقي فكازا ولكن هو جا لطنجة واخا ماكونتشي باغا نمشي ولكن كان بزز مني .. (ضحكت) .. وصدقت فوجدة !

عمر( .. قهقه حتى تغمضو عيونه) .. جابكلي ربي فطريگي !! .. (شاف فيها بطرف عيونه وهز يديها باسها) .. هدية نتي هدية !! مراة ونص يحطك الواحد على الجرح راه يبرا !

ياقوت( .. بإبتسامة ساحرة) .. الصمت

ماوقف حتى لقدام اوطيل فاخر دخل لبارك و بلاصا الطومبيل و نزل منها هي و ياها ..

ياقوت( .. كاتشوف) .. شغانعملو هنا !

عمر( .. قفل الطموبيل و شاف فيها) .. نباتو ليام هادو هنا !

ياقوت ( .. طلعت حاجبها بإستغراب) .. و علاش مانجلسوشي فدارنا ؟ ..

عمر( .. شبك يديها مع يديه) .. الدار دروك عامرة ! (عقد تعابيره) .. تعرفيني مانحبش الهاراج !

ياقوت( .. نفخت شنايفها) .. صافي نتينا تعراف !

دخلو لإستقبال و شد الكارط لي غايدخل بيها لشومبر لي شده و طلعو فالأسانسور حتى وصلو لغرفة و حلها ودخلو .. و ياقوت حيدت العباية لي لابسة و الشال بقات غير بالبيجامة ديالها .. وجلست فوق السرير متبعة ليه العين كايحيد فحوايجه دور عينيه لقاها كاتشوف فيه .. خلى قاميجته محلولة و جا جلس حداها ..

عمر( .. رجع ليها شعرها لور) .. واشتا ؟

ياقوت( .. عضت شنايفها) .. والو ! (إبتسمت كاترمش فيه) .. مانعستيشي من الصباح ياك ؟ ..

عمر(حرك راسه بلا و تلاح على السرير بظهره) .. دروك راني مهلووك !! حاب نرگد ونحط راسي !

ياقوت( .. تكات حداه ) حتا يانا عيييت !! (طلعات فوقه ودوزت يديها على وجهه مرارا لراسه) ..

عمر( .. شد يديه فاش بغات تحيدها ونطق) .. خليها !

ياقوت( .. حكات ليه جناب جبهته بأصابعها كادير ليه ماساج) .. ضارك راسك ؟ ..

عمر( .. حرك راسه مغمض عينيه مرتاح برطوبية يديها .. حل عينيه و شد يديها و باسها ) .. يديك يرطبو الحجر ا الجنة .. !

.

حطت راسها على صدره بإبتسامة ساحرة كاتحرك اصابع يديها على صدره ..

ياقوت: .. عمر !!

عمر( .. كايداعب شعرها) .. واشتا ؟

ياقوت( .. طلعت عينيها) .. فاش كانت عاندي ديك 13 عام فاش كونا فتيطوان كونت ساكنة فيا قبال مايموت حبيبي ..

عمر( .. طلع حاجبه مقاطعها) .. حبيبي ؟ راكي تنيرڤيني عاود الياقوت !!

ياقوت( .. حابسة الضحكة) .. الله يستر !! .. (طلقت الضحكة) .. حبيبي هي خالي ولكن راجل خالتو كانقولو هايداك الله يرحمه .. خاليني نكملك .. خالي كان خدام مع واحيد الراجل و داك الراجل كانت عاندو فيرمة فالبلاد و عندو بنتو كانت صاحبتي دالصغور و كنت نمشي معاها لديك الفيرمة .. ياااربي شحاال مزييونة الطبيعة و الخيول و الربيع عطى الله الخير .. (تنهدت) .. فاش يفوت هادشي ان شاء الله بغايت نسافرو نمشيو لشي بلاصة فيا الطبيعة ! نفسيتي عيااانة بغايت نرتاح شوييوش !!

عمر ( .. تفحص ملامحها غارق فتفاصيلها بعيونه وشعرها كايرجعو لور) .. لي تحبها خاطر مرتي راها تولي !

ياقوت( .. ناضت من فوقه وشدت كرشها مخسرة ملامحها) .. حاسة بقالبي غايطلاع ا عمر !!

عمر( .. حيد قاميجته عاقد حجابنه و ناض عندها) .. تتوجعي ولا واش ؟

ياقوت( .. جامعة فمها مخسرة ملامحها) .. غادي نرد !!

شدلها يديها و خطى بيها لدوش لي فشومبر جلست بشوية حدا لاشاص وهو واقف عليها و شادلها شعرها كايدوز عليه بحنية حتى بدات ترد كاع لي فكرشها .. عاد رتاحت فاش ردات غسل ليها وجهها وخرجها حتى كان دق عليهوم الباب جابولهوم العشاء لي طلبه عمر لكن ياقوت طاحت ونعسات حاسة بصحتها عيانة .. هو تعشى و صلى صلاته عاد مشى نعس حداها ..

..#خلييو ليا الأراء كي كاتجيكوم علاقة عمر و ياقوت ؟