🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°
#الفصل الثاني: إلتئام الجرح🫀
°●الجزء: 93●°
كانت سامعة الصداع لي طرا من عند وحدة فالخدم حسات بالفرحة و الإنتصار ! .. ولي عرفات هو حطات يديها على ختو .. مشات طالعة لفوق دايرا السبة بالحاجة و دقات عليهوم الباب حتى عطاوها الإذن دخل عندهم لقات الحاجة جالسة معاها فالبيت معنقاها و و كاتسكت فيها بعدما داوات ليها جرحها لي على وجهها البلاصة فين قمشاتها ياقوت باقي كاتحرق فيها و خلات ليها الأثر ..
مينة( .. بصدمة مسطنعة) .. عااائشة مالك ؟
عائشة( .. غير سمعاتها عيطات عليها تجي تجلس حداها) .. اجي تگعدي اجي !
الحاجة فاطمة( .. كاداعب شعرها) .. صافي ابنتي صافي .. ( .. بحقد) عمر مغاديش يدوزها ليها حيت حطات عليك يديها غايكون مسمعها خل وذنيها !
عائشة( .. كاتمسح دموعها) .. لابقات فيها راني مانتسماش ! .. ( .. زيرات على سنانها بفقصة) .. عائلتها رماوها لينا حنا نوحلو فيها الجايحة لخرا كنت نظنها بنت ميلحة صدقات كلبة !
الحاجة فاطمة: .. عمر مايدوزهاش ليها .. لاماصيفطهاش لدارهوم نصيفطها أنا! ..
عائشة( .. زادت تخشات فيها كاتبكي بخوف) .. ع عمر غادي يگتلني ..
الحاجة فاطمة( عقدات تعابيرها) .. نتي ماغلطيش هي لي غلطات ! .. علاش تنوض تهز عليك يديها ! ( باستها فراسها) .. غير بردي فقصتك ابنتي عمر مايسمحلهاش !
عائشة( .. كاتحلف فيها) .. مّا و خويا عمرهم حطو عليا يدهم .. جات هي و حطاتهوم عليا مانتسماش عائشة لاماخرجتها من هاد الدار !!
مينة: .. گلتها مع راسي من النهار لول ! هاديك باينة فيها فراسها العجينة ! واااه من نهار لول دخلات لڤيلا و مدازت حتى يوميين و مشاو خطبوها !
عائشة( .. زيرات على يديها) .. يا بيا يا ييها ! تتعلم تحط يديها على لالياتها ..
مينة( .. كاتزيد تشعل العافية) .. نتي ا عائشة بنت الشان و المرشان حشوومة كاع تحط عليك يديها ! ..
عائشة: .. الدقة لي عطاتني غادي نردها ليها بدقة صعيييبة و كبيرة علييها ماتگدرش تهزها!!
مينة( بفضول) .. شنو ناوية ديري ؟ ..
...
غير دخلات عليهوم و هوما يسكتو معاودوش هضرو غير كايشوفو فيها .. قصدات نيشان الكوافوز حتى هزات صاكها و تيليفونها لي كانت نساتهم عندها فاش يالاه جات ..
الحاجة فاطمة: .. هند ! فين غادا ابنتي ؟
هند( .. شعلات تيليفونها) .. مغادا فين دابا! .. (طلعات راسها و خنزرات فعائشة) .. غانشوف طاتي زاينة و نرجع لداري ! ..
أنت تقرأ
أشباه الرجال 🫀مكتملة🫀
Storie d'amore💎مكتملة💎 ⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ الآمال العظيمة هي ماتخلق الرجال العظماء ..! 🔏[ممنوعة منعا كليا من النشر]🔏 #إكــــــــرام_اوشــــريـــــــــف(ي) ...
