أشباه الرجال 🫀مكتملة🫀

🫀الجزء 143🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 143●°

قطعت عليه تتسبه فخاطرها ! .. السيد خطب و باقي لاصق فيها ! .. متتفهم فيه والو .. خرجت من البيت و غير لمحاته جاي من الجيهة الثانية تحمرو خدودها بخجل و حنات عيونها حتى داز من قدامه و طلعتهم لقاته تايتبسم ليها بادلاته نفسها و داز مكمل طريقه وهي متبعة ليه العين حتى غبر من قدام عيونها و مشات داخلة لصالون عند العيالات .. جلست نيشان حدا ياقوت ..

ياسمين( .. تتهمس ليها) .. اويلي اياقوت وتعرفي شنو قالتلي الحاجة !! ..

ياقوت( .. قربت عندها) .. شني قالتلك؟

ياسمين( .. حطت يديها على قلبها) .. اوووف ماتيقتش !! (تترتب أنفاسها) .. قالتلي لاكتب الله نتخطبو انا و طاهر !! ..

ياقوت( .. حلت عيونها على جهدهم تتبتاسم) .. هايدا قالتلك ؟ ..

ياسمين ( .. ضحكت) والله مانكدب اياقوت ! (ضيقت عيونها) .. ولكن ماعرفتش واش هو لي قالهالا ولا غير من راسها ! ..

ياقوت( .. ماتيقتش) .. اواعدي تتهضر بصاح بصاح ؟؟ .. (طلعت حاجبها) .. شوف تينا بعدا عنداك تقبل ويكون باغي غير ينسي بيك ديك عائشة سولو هي لولة و قولو واش تينا باغي دكمل معايا حياتك ولا باغي تنسى بيا ديك لي كونتي تتبغيها !! .. واخا مانضنشي طاهر يكونو فيه هاد الفعايل ولكن تينا تأكد بعدا وعرف شني كاين !! ..

ياسمين( .. تتحرك راسها و عينيها تايقلبو على كلثوم) .. واخا ا ياقوت !! .. تانا مغاديش نرضى لراسي ينسى بيا هاديك .. ماعلينا فينها ماما ؟ ..

ياقوت: .. ماعرفتشي فاينا !

دازت الحنينة و داز النهار و اليوم لي جالسة فيه العائلة كلها فالڤيلا و حاطين فطور كايشهي و يفتح النفس .. كالعادة نساء بوحدهم و الرجال بوحدهم .. !!

الحاجة فاطمة( .. من الصباح و هي عينيها على ياسمين تتبسم و جالسة حدا كلثوم) .. ايوا ابنتي كلثوم مابقا مايتخبى على العائلة !! ..

كلثوم( .. إبتسمت) .. لي بانليك الحاجة ! بعدا نهضر مع بنتي و نشوف شنو تقول !! ..

الحاجة فاطمة: .. ماقلتي عيب ابنتي ! (طلعت صوتها باش يسمعوها) .. نهار كبير هادا فاش تجمعت العائلة !! .. حمد الله العائلة تتكبر و غاتزيد تكبر ..

زاينة( .. إبتسمت فبالها كولشي) .. الله يدومها علينا الحاجة !! ..

الحاجة فاطمة: .. امين ابنتي ! ولد واحد لي بقالي و ماكرهت ليه شي بنت الناس لي يكمل معاها حياتو و تستاهلو و يستاهلها .. (عينيها على ياسمين) .. و ماطاحت عيني غير فياسمين ! ..

ياسمين( .. إبتسمت) .. الصمت ..

عائشة( .. عقدت تعابيرها ) .. اينا ولد الحاجة ؟ ..

الحاجة فاطمة( .. تتمعني عليها) .. ولدي طاهر !! اختاريت ليه لي تعرف بحقو ويصونها وتصونو !! ..

عائشة( .. ببرود ) .. الله يسهل عليهوم !

الحاجة فاطمة: .. امين ! حمد الله جات لي تليق بيه و يليق بيها !! ..

🔙🔙

من داك النهار وهي تتجبد ليه هاد الموضوع !! ..

الحاجة فاطمة: .. اولدي نتا شوف لي يناسبك وقتما تفكر تدير دارك و ولادك انا نشوفلك لي تستاهلك !! ..

طاهر( .. إبتسم و حك جبهته) .. العمر تيدوز دغيا !! ماكرهت شي وحدة لي تفهمني و نفهمها !! ..

الحاجة فاطمة( .. إبتسمت) .. نتا اولدي درتي لي عليك ! .. عائشة مغاتفرضش عليها الزواج ولا تبغيك بزز منها .. !!

طاهر( .. حرك رأسه) .. كنت باغي نكمل معاها حياتي ولكن ماكتابش ! .. نشوف شي بنت الناس لي تناسبني و ترتاحليا و نرتاحلها ! ..

الحاجة فاطمة(بتساؤول): كي كاتجيك ياسمين ؟

طاهر( .. شاف فيها) مزيانة ! غير هي كاتبانلي من داك نوع لي باغي يعيش حياتو و تخرج و ضور ودير لي فراسها ! ..

الحاجة فاطمة( .. طبطبت على يديه) .. شوف نتا هضر معاها و دير لي عليك ! تفاهمتو الله يكمل بالخير ماتفاهمتوش عطى الله بنات الناس ! .. انا  نهضر معاها و نهضر مع كلثوم نديرو لي علينا و الباقي عليكوم نتوما بجوج !
🔚🔚

الحاجة فاطمة( .. إبتسمت لياسمين) .. شنو قلتي ابنتي ؟ .. طاهر هضر معايا بقا غير جوابك !!

ياسمين( .. رجعت شعرها لور و إبتسمت) ان شاء الله الحاجة ! نهضر مع سي طاهر هي لولة !! ..

الحاجة فاطمة: .. ان شاء الله ابنتي .. !!

ياسمين( .. ناضت) .. ياقوت جي معايا اختي !!

ياقوت( .. ناضت شادة كرشها) .. واخا !

خرجت معاها و مشاو نيشان لجردة جلسو فيها ..

ياسمين( .. حاطة يديها على خدها) سمعتيها ؟ حتى هو باغي !! ..

ياقوت: .. و تينا باغيا ؟

ياسمين( .. غمزتها) .. وشكون مايبغيش داك الزين اختي ؟ .. (إبتسمت) .. ولكن الا تفاهمنا بعدا !!

ياقوت( .. بادلاتها الإبتسامة) .. ان شاء الله تفاهمو بجوج !! .. باش نكونو قراب لبعضياتها و نشوفك ديما !! ..

ياسمين: .. ولاهيلا ياسلام !

ياقوت(ضحكت) .. تجرب الزواج كيفاش عامل ! ياك تينا بعدا مستاعدة ليلو ؟ ..

ياسمين(ضيقت عيونها) .. الموهيم ديك ساعات اتكون هضرة اوخرا !! .. ونتي فاش تزوجتي زعما كنتي واجدة ليه ؟ ..

ياقوت( .. هزت كتافها) .. انا احبيبة كونت مخطوبة قبل مانتزوج و قبل كاع مانعرف عمر .. (تنهدت) .. يعني كان حل واحد عاندي هو زواج ! (تبسمات) .. بدل بدل علينا الموضوع !!

#يتبع