أشباه الرجال 🫀مكتملة🫀

🫀الجزء 35🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء:  (35)●°

ياقوت: الله يخاليوم لك اخالتو .. نتينا تستاهل يكون عانداك رجال ..

زاينة(طبطبات على ظهرها): و نتي تستاهلي ماخير منهم ..

دخلات عندهم هند وجهها مبشور باينة فيها فرحانة مشات قصدات نيشان زاينة عنقاتها ..

هند:أخيرا صالحني بابا ! .. شكرا طاطا زاينة والله كون ماكنتي نتي مكانش غايسامحني ! ..

زاينة(داعبات شعرها و قالت كاتوصيها): .. و نتي ديري عقلك ! .. و بعدي من داك المسخوط مانيش مرتاحالو ..

هند(عبسات تعابيرها): .. غانحاول ! .. و لكن طاهر باقي مشفتو ..

مع نطقات كلامها سمعات صوته كيعيط على زاينة .. دخل لصالة شاف هند و هي شافت فيه بقا واقف بلاصته و تعابيره ماتغيروش لصدمة او غضب بلعكس بقا واقف عادي  حتى فجأة قلب دورة و مشى خرج من تما ! .. زاينة غمزات هند لي كان باين عليها التوتر فهمات أنه خصها تبعه تهضر معاه و فعلا مشات بجرى تبعاته كاتعيط بسميته! .

ياقوت(بإستغراب): مالوم اخالتو ؟ ..

زاينة: .. خرجات لهم من جنب بغات عاد تنشط وتعيش لافي يحساب لها لحياة هي لخروج بليل وتعرية وتصاحيب كولش غضبان منها و باه صيفطها لوحدة من البارطمات حتى يبردو شوية وتولي .. لقاها طاهر سكنات معاها زلالها فدار عام هادي وهوما مدابزين شحال من مرة حاولت نصالحهم مبغاوش يسمحو لها داكشي كامل كانت كاديرو موراهم وهوما مقابلينش بداكشي لي كاديرو و مارضاوش تخرج لهم من جنب ..

ياقوت(عضات شفتيها): الله يهديها .. واخا هايداك ضريفة بدزااف و مزيونة ماتستاهلشي تخروج طريق ..

زاينة(تنهدات بحصرة): .. غادي يجي لوقت لي دير فيه عقلها وتمل من داكشي ! .. (ناضت من بلاصتها) .. نمشي نشوف واشا راها دارت معاه ..

خرجات من الصالة و تاجهات نيشان عند وحدة من الخدامات سولاتها فين تاجهات هند .. خبارتها بلي خرجات لجردة .. شكراتها و خرجات من دار دازت من جردة مالقاتهاش سمعات صوت الطموبيل ديمارات بدلات طريق لجيهة فين تيبلاصيو طموبيلات ديالهم لقات طموبيل ديال هند مكايناش عرفات و فهمات شنو وقع ! .. دخلات لقات طاهر جالس كايتغذا فالكوزينة حيت ماتغذاش معاهم فالغذاء مشات جلسات حداه ..

زاينة: ربي يهديك اطاهر ! .. صاي سمحلها و خطيها لها .. !

طاهر(شاف فيها بملامح باردة): .. سمحيليا مانقدرش ندوزها ليها ! .. قلبي باقي مابرد ! ..

ناض مشى و خلاها دار بناقص من شي غذاء و هي متبعة ليه العين .. واخا هو شخص ضريف و مزيان فتعامله ولكن صعيب يسمح ليها واخا ختو لكن باقي ماتقبلش حقيقتها ! ..

طاهر بعد ماخرج من الكوزينة .. واخا معصب من ختو لي طعناتو فظهرو و خانت الثقة ديالو ..  كيبقا فيه الحال حيت هي خرجات لهم هكك مكانش باغي يغضب منها لكن ماتحملش أفعالها ! .. تصادف مع عائشة لي كانت يالاه دخلات من برا عقلها مع تيليفونها غير شافها نسى كاع الغضب ديالو و بدا يبتاسم بلا مايحس .. هي ردات ليه البال و دارت ليه ضحكة خفيفة يالاه بغات طلع فدروج حتى عيط بسميتها ..

عائشة(جاوباته): .. نعام ؟  ..

طاهر: واخا نهضر معاك ؟  ..

عائشة(بعذر):راني عيانة دابا من بعد واخا ؟ ..

مشات كملات طريقها بلا ماتسمع ليه و هو بقا واقف كايصرط فريقه .. و قلبه بدا يتقال عليه حيت حتى شوية من وقتها مكاتعطيهش ليه ! .. مشا كيجري تبعها حتى وقف فطريقها .. هي تفاجأت و عقدات حجبانها ..

طاهر(بدون مقدمات نطق): .. عائشة ! إلى ماكنتيش مرتاحة لي ..

عائشة(قاطعاته): نتا عارفتي راني عاد صغيرة حتى نولي من فرنسا مكملة قرايتي ديك ساع انا قابلة نتزوج !..

طاهر(حرك ليها رأسه و عينينه عميقين بالحزن ): .. و علاش كاتهربي مني ؟ .. عارفاني مانقدرش نضرك .. حاس بيك محاملاش الهضرة معايا؟ ..

عائشة(بلعات ريقها و عينيها كيضورو): ..نخليك دروك راني عيانة وبغيت نرتاح  ..

مشات كملات طريقها و هو متبع ليها العين كايحك فشعره مراضيش على هادشي ! .. ماشي هو باغيها تزوح بيه بزز لكن لي كايبقا فيه هو بحالا محاملاش تهضر معاه أولا توقف معاه رغم أنه ماشي شخص لي يضسر عليها ولا يقلل معاها الإحترام بالعكس هو شخص محترم و كايحتارمها و هضرته معاها فإطار زواج و صافي لا أقل و لا أكتر حتى أنه مايقدرش يدير معاها علاقة غير شرعية فإطار التصاحيب حتى يتزوجو ! .. بالعكس هو باغيها لحلال مشى قصد خوها نيشان و طلبها منه وهو مارفضوش و هي أيضا مارفضاتش لكن بحالا كاترفضه بطريقة غير مباشرة مكاتوضحش ليه الأمور كيما هوما بضبط !

#❤❤❤❤