أشباه الرجال 🫀مكتملة🫀

🫀الجزء 34🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء (34)●°

جاوبته زاينة خلات ياقوت بوحدها و خرجات عنده لقاتو واقف فيديه صاكها و تيليفونها ..

زاينة(حركات حاجبها): شا وقع عاود؟ ..

عمر(مد ليها الصاك و تيليفون): ديه لها !! .. (تفكر إسمها فاش نطقات بيه زاينة قبل ) .. الياقوت ! ..

زاينة (شداته عنده كاتشوف فيه حتى قالت): .. فاش تجي لعشيا بغين نهضر معاك فواحد لموضوع صحا ! ..

حرك ليها رأسه و هو مشى غادر المكان .. دخلات عند ياقوت لصالة عطاته ليها ..

زاينة: صاك و تيليفونك ! ..

ياقوت شداته عندها حتى بدا يصوني تيليفونها غير شافت سميته بدا قلبها يدق بخوف و توتر كولشي تخلط عليها إحساس الشوق راودها شحال توحشاته  شافت فزاينة كاترعد ..

ياقوت:بابا كيصوني اخالتو ! .. (جاوباته و يديها كترعد حتى سمعات صوته ) ..

حسن: آآلو ! ..

ياقوت(تسرط ليها لسان بسيف باش نطقات): آآلو بابا ! ..

حسن: فينك العايلة ؟ .. (تكلم بحدة) رجعي لدواركم أولا مغايعجبك حال ! هرابتي و خاليتي لي يسوا و لي مايسواش يهضار فينا ؟ جدك عيى يقلاب فيك و نتينا هرابتي .. (زاد فحدة صوته و كمل كلامه بشك) .. هرابتي مع شي رااجل هاااضري يالمسخة ؟؟ ..

ياقوت تصدمات صدمة العمر يحاسبلها بغا يسول فيها و يصالحها لكن صدق عكس توقعها وكسر قلبها الهشيش لمرة المليون.. زاينة سمعات كولشي بحكم ياقوت كبرات الصوت .. حتى هي مكانتش قل منها فصدمة ماتوقعاتش بتاتا باها يكون هكا و يقول ليها هاد الهضرة بكل وقاحة ! ..

ياقوت(دموعها على خدها ماقدراتش تصبر و قالت بغوات): مرااااجعاااااشي لدايك جهنم لكاحلة مراااجعاشي نمووووت و مارجعلوو سماعتيني ؟؟ نموووت و مااانرجعشيييي لعاندوم ..

قطعات عليه و لاحت تيليفونها و بدات تبكي بصوت مسموع و يديها حطاتهم على وجهها شهقاتها كيتسمعو .. زاينة باقا مصمرة بلاصتها ماعرفات شنو دير مشات جلسات قريبة ليها معنقاها كاتواسي فيها و الصمت هو لي شدها حيت بصاح القضية فاش كاتعلق بالواليدين مكاتلقى ماتقول ! ..

زاينة بقات معنقاها و ياقوت كتبكي على حر جهدها ! .. بقا فيها الحال بزااف حيت ظلمها و نعتها بعاهرة ! .. واخا ماقالهاش نيشان ولكن ديك الكلمة لي نطق بيها "هربتي مع شي راجل" كافية تفهم معناها .. هي فحياتها كلها ماطولات الهضرة مع شي جنس ذكوري من غير خالد لي كانو واقفين على المعقول هي و ياه لكن ماكملوش و كيفاش تقدر أنه تهرب مع شي واحد و هي غير فدار حتى خرجات نهار لي بغاو يزوجوها .. المسكينة كانت فرحانة حيت صونا ليها و قالت اقدر توحشها و بغا يسول فيها و يطلب سماح حيت عاميين هادي مشافهاش ولا سول فيها و فوقتما كاتصوني ليه هي مرة مكايجاوبش و مرة كيعطيها أعذار ! ..

زاينة(كاتمسح ليها دموعها): صافي .. تزيديش تدمعي ..

ياقوت(طلعات راسها و شافت فيها و جها حمر و شعرها لصق على وجهها كاتهضر بزز شهقتها مانعينها):
نتينا سماعتي كولتشي اخالتو .. سماعتيه شني قالي ..

زاينة(تنهدات بعمق): هضرو فيا وكالو ماكثر من هاكا غير صبرات راسي وصافي حتى كنت غادي ندردز . عطاوني دقة وعطيتهم دقاات   بغاو يخرجوني
من داري .. (كملات كلامها كاضحك) .. مشيت جمعت وراقي كلفت محامي ودورت على سمسار يضبر لي على شي واحد يشري دار من عندي بعتها بلا مانفكر ...كانو بغاو يرميوني لزنقة و سبقتهم رميتهم انا   شحال رغبوني  و زاوكَو مابقالهم والو يبوسو رجليا مارحمتهمش ! لحقاش مارحمونيش ..خرجت من تما وهزيت ولادي ومشيت لوجدة دورت على دار صغيرة شريتها .. جاني ماكفس  .. وقعولنا مشاكيل انا و عمر و جمع حوايجو و خرج .. خرجت ندور عليه لكَيتو مشى لفاس عند طاهر ..لحقاش هو و طاهر كانو صحاب تلاقو هو وياه فاش كانو لعبو دوري ديال كورة فاس مع وجدة من تما وهوما صحاب ديما كيجي عندووعمر كيمشي عندو ..فاش جيت نقلب عليه صونيت لطاهر عرفتو غيوليلو ..

ياقوت(كاتسمع ليها و شهقات خفاف تيخرجو ليها حتى سمعات اخير كلامها و قالت مصدومة): .. اوااعدي  اخالتو .. (بإبتسامة ذابلة) .. ويانا نقول مالو هايداك صعيب بدزاااف .. حيت نتينا كونتي قاصحة معاه ههههه ..

زاينة(ضحكات ليها):  وحمد الله صدق كيما بغيت ربي ماخيبنيش و الحاج احمد لكَيتو معايا داك لوقت مرتو توفات وخلات لو هند وطاهر    تزوجنا و عاوني فبزاف ديال لحوايج ..ضايرين بيا الرجاال ابنتي..وموت راجلي لول و العذاب لي دوزت مع عائلتو عوضني عليه الله   ..تفهمي المغزى من قصتي ؟ لي صرالك خايبة هي خير لك اياقوت وماشي هاكا ! ونتب براسك خاصك دراعك على يديك و لي خرج فيك عينيه خرجي فيه عينيك ..

#يتبع🍉❤❤❤