أشباه الرجال 🫀مكتملة🫀

🫀الجزء 137🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 137●°

بعد الفطور لي جلست معاهم ياسمين و فطراته و وصلت وقيتة الغذا و جا طاهر و الحاجة فاطمة لي غادي يمشيو لطنجة يعزيو ! .. كانت ياسمين و ياقوت فالبيت لفوق كاتلبس ياقوت حوايجها باش تخرج معاها حتى لباب نزلو لتحت عند الحاجة فاطمة لي جالسة و طاهر برا جالس فسيارته .. خرجو لبرا حتى وقفو حدا الباب ..

ياقوت( .. عنقاتها) .. غانتواحشك ! (إبتسمت) .. مارا اوخرا انا نجي عاندك ..

ياسمين( .. إبتسمت) .. صافي نعول عليك ؟ راه مالقيت مع نتوانس ! و بيناتنا الواتساب ..

ياقوت( .. حركت راسها) .. صافي الحبيبة دقالبي ! سلميلي على خالتي و خاي حسين ! ..

ياسمين( .. هزت باليزتها الصغيرة و باستها) .. موبلاغ ! ..

ودعاتها و طلعت لور و ياقوت دخلت لڤيلا وطاهر ديمارا بطموبيلته و الحاجة راكبة لقدام و ياسمين جبدت تيليفونها كاتقلب فيه و الصمت هو لي بيناتهوم حتى كسراته الحاجة ..

الحاجة فاطمة( .. مطلعة حاجبها) .. ايوا كاتقراي ا ياسمين ولا شنو كاديري ؟ ..

ياسمين( .. إبتسمت) .. اه كانقرا ! ..

الحاجة فاطمة: .. الله يوفقك ! شحال عندك ؟ واش نتي قد ياقوت ولا صغر ؟ ..

ياسمين( .. حركت راسها) .. لا انا الصغيرة فخوتي ! و ياقوت الوسط هي كبيرة عليا ! ..

طلعت عينيها لزاجة لفوق بانولها عيونه جيهتها و متبعهم ليها وهي قلبت عينيها مغطية إبتسامتها لي بدات تبان هلى ثغرها مابغاتش تفضحها ! ..

..

بعدما دخلت لدار طلعت لفوق بدلت حيت صونالها عمر تلبس باش يمشيو للعيادة ! .. قادات حالتها و نزلت لتحت جالسة كاتسناه حتى صونالها تخرج عنده .. خرجت و لقاته برا فطموبيلته طلعت و باسته فحنكه ..

ياقوت( .. إبتسمت) دغيا جيتي ! ..

عمر( .. ديمارا و شد يديها شبكها مع يده وطلعها باسها) .. واه ! (غمزها ونزل عينيه كايتغحص لباسها) .. مانخليش جنتي تستنا فيا ! ..

ياقوت( .. ضحكت) .. يخاليك ليلي اعمري .. (باسته) .. نشوفو الطبيبة و نمشيو لديك البلاصة لي قلتيلي عليها ولا شني ؟ ..

عمر( .. حرك رأسه) .. واه هاد لي يولي !  ..

ماوقف سيارته حتى لقدام العيادة ونزل هو وياها شادين فيدهم دخلو و الطبيبة استقبلاتهوم بكل رحب لأنه معرفة العائلة ! .. دخلت لشومبر و جلست على البياص و الطبيبة واقفة عليها و عمر جالس فالكرسي جنبها .. كاتسولها على وحمها ياك ما جاها صعيب ؟ ياك مكاتحس بالتقلصات فكرشها ؟ .. استلقت على السرير و طلعت حوايجها و بدات تكشف ليها على كريشتها بالسونار و أنظارهوم على جهاز لإيكو  ..