🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°
#الفصل الثاني: إلتئام الجرح🫀
°●الجزء: 117●°
ناضت و خلاتهوم جالسات بغات دير الغذا بينما جا عُمر يتجمعو عليه .. دخلات لكوزينة و بدات توجد شوية بشوية حتا دارت اللحم بالبرقوق و و جدات العصير و الشلاضة حتا هي و وقفات كاتقطع ديسير لي بقاليها حتا حسات بيده مضورين على خصرها و أصابعه كايتحسسو كريشتها لي ولات كبيرة شويييية علا قبل ..
عُمر( .. خاشي راسه وسط عنقها كايفرق قبلاته فيه مغمض عينيه) .. النهار هادا هاناكل من يديك !!
ياقوت( .. إبتسمت و هي كاتميل فعنقها) .. ااه !! ( .. دورات وجهها حتا شافت فيه) .. ولكن غادجي وحيدة من الخدم غاتعاوني شويوش !
عُمر( .. حيد ليها شعرها من فوق عينيها و نزل عينيه لديك الكسوة لي لابسة مبينة فورمتها) .. دروك روحي تلبسي صوالحك ! ( .. عقد تعابيره فاش شاف الصباغة الحمرة فيديها البيوض) .. و گلعي داك الدفيش لي راك دايرا !! .. (شاف فالساعة لي فيديه) .. الناس شوية و راهوم يجيو ! ( .. هز إصبعه و مطلع حاجبه) .. الرجال ماعندك سلام معاهم راني نحدر فيك !!
ياقوت( .. خدودها تحمرو مبتاسمة و قالت بنبرة حنينة) .. واخا ! .. أنا نحيدوم ! ولكن كان يسحابلي غايدجيو لعشا ؟
عُمر: .. لا راهوم جايين دروك !! .. (حك لحيته) .. العشا مانيش جاي ليه !!
ياقوت ( كاتلعب بصباعها فأزار القميجة لي لابس وقالت كاتحلون عليه بصوتها لي كايبغي غير يسمع ليه) .. و حتى نتينا ماتهضراشي مع يماه هضار غير مع باباه !! ( حيدات ليه الڤيزت لي لابس) .. مشي دواش باش تريح عظامك شويوش .. ( قلبات شنيفاتها) .. كاتبانلي عيان !
عُمر( .. سرح تعابيره و حاصرها مع البوطاجي ) .. ريحيلي دماغي و دوشيلي !!
ياقوت( .. خرجات عينيها) .. بلاتي بعدا غير حتا يمشيو العائلة !! .. ( دفعاته فاش سمعات حس زاينة داخلة عندها لكوزينة) ..
بعد عليها وشد عندها لاڤيست دياله و خرج حتا دخلات زاينة لقاتها مصمرة بلاصتها كانت حشمانة و خايفة تحصلهوم ..
زاينة( .. مشات حلات الكارطونان لي جاب معاه) .. تباركلاه البسطيلات و الحلاوي راهوم كاينين !!
ياقوت( .. حركات رأسها ) .. خالتو نتينا كمل الشلاطة أنا ماشا نلبس عليا !!
زاينة( .. جاوباتها) .. واخا ابنتي غير سيري !!
.. طلعات لبيتها لفوق و حيدات الصباغة من ظفارها خلاتهوم طبيعين بقاو غوزيين و طبيعين بدلات حوايجها و بسات كسيوة فالكحل و شال فالماغون و صندالة دالطالون مدارت نقطة وحدة دالمكياج فوجهها حيت غاينكدها عليها !! .. نزلات لتحت لقات زاينة حطات الغذاء و حطات كولشي هي و عائشة لي وجداته ياقوت ولي جابه موجود كايتسناوها تنزل مشات سلمات على الحاج أحمد و جلسات جنب عُمر ..
..
وصلوه الخبار بلي الناس وصلات! .. خرجات زاينة و استقبلاتهوم حتا دخل ماجد هو و الأب دياله و الأم دياله عينيه كايدورو فالڤيلا عجباته ! .. و الأب و الأم لي حتا هوما باينة فيهوم من عائلة مرموقة ولكن ماشي بحال عائلة اليازيدي و هادشي لي زاد عجبهوم كتر حيت ولدهوم اختارها من نفس المستوى ديالهم أو أكتر !! .. رحبو بيهوم و كبرو بيهوم و جلسو فالصالون مجموعين و حطو الشكلاط و الورد لي جايبين معاهم فوق الطبيلة د الزاج لي الوسط ..
أب ماجد مخاطب عُمر: .. الله يكتر من خيركوم !!
عُمر( .. بإحترام ) .. اللهم أمين الحاج !
الحاج أحمد( .. بإبتسامة) .. نهار كبير هادا !
أب ماجد: .. الله يكبر بيك اسي الحاج !
تغذاو مجموعين عاد غادي يهضرو فالموضوع لي جاو على قبله حتا تغداو كاملين و جلسو مجموعين و حطو القهوة و أتاي و الحلاوي و الكيكات و الفواكه المجففة و كل ماتاشتاهيه النفوس موجودة و الخير تبارك الله موجود و فايض عليهوم !!
أب ماجد (حط الكاس من يديه) .. سي عمر عرفتينا علاش جينا عندكوم هاد النهار!
عُمر( .. حاط يديه على رجليه كايسمع ليه) .. الله ياودي الحاج ! .. مايخفا عليا شاي!
أب ماجد( .. إبتسم) .. عارف اولدي بغيت ندخل فالموضوع .. جينا طالبين فبنتكوم عائشة لولدنا ماجد !
عُمر( .. حرك رأسه بهدوء ونطق) .. واشتا نگولك الحاج ! ( .. ضيق عيونه) .. راني عارف عليه كولش !! ( .. شاف فيه قارن حاجبه) .. عايشة راها بنتي ماراهتش تتحسب غير ختي !! ( .. بجدية فكلامه) .. نسمع كلمة وحدة عليه مانعقلش عليه الحاج ( طلع يديه) .. مارانيش ندير بحساب العشرة و النسوبية !! غلط معاها راه يتعاگب !! .. يولي معاها راجل و نص راني نولي معاه راجل و كلمة الرجال هي لي تولي اسي الحاج !!
أب ماجد متبعه فكلامه: .. ماگلتي عيب اولدي !! من حقك تخاف على ختك و لهلا يحاشمنا .. (شاف فعائشة لي ساكتة و كاتسمع) .. واشتا گلتي ابنتي ؟
عائشة( .. إبتسمت و حركات راسها) .. لي گالها خويا هي لي تولي !
ماجد( .. هرب عيونه من على ياقوت و إبتسم فاش سمعها) .. احم هي نگولو الله يكمل بالخير ؟
أب ماجد شاف في عُمر : .. واشتا گلتي اولدي !
عُمر( .. بجدية) .. ربي يجعل لي راه فيها الخير الحاج !
ماعجبهاش الحال ! مارتاحتش ليه و لهاد الخطبة من ساسها لراسها .. من و هوما كايهضرو و ملاهيين لقاها فرصة و علق فيها عينيه و مابغاش يحيدهوم !! .. قالت ياربي غير يكون كايشوف فعائشة لي جالسة حداها و مكايشوفش فيها هي بديك النظرة المكشوفة و المكبوتة !! ..
..
#ياااا لغدر بدااا و لي جاي راه مانعاودش ليكوم غاات9واااد دبصااح و داك ماجد الزهواني عينيه على ياقوت الوجدي غادي ينحرووو فاش يعرف يااربي شحال صعيب الموقف لي تحطات فيه ياقوت و باقي لي جاي غادي يزيد يشعل العافية 🥲
أنت تقرأ
أشباه الرجال 🫀مكتملة🫀
Romance💎مكتملة💎 ⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ الآمال العظيمة هي ماتخلق الرجال العظماء ..! 🔏[ممنوعة منعا كليا من النشر]🔏 #إكــــــــرام_اوشــــريـــــــــف(ي) ...
