أشباه الرجال 🫀مكتملة🫀

🫀الجزء 55🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: مئة و تسعة (55)●°

دازو أيام و دازو ليالي و دازو شهورة .. قبل أسبوع ليوم الخطوبة خيري و ياقوت و حليمة اتفقو مع عائلة عُمر يدوزوها عندهم فوجدة ! .. من عادات و تقاليد الوجادة الخطوبة الثانية لي غايركبو فيها الخواتم كاتكون حاضرة عائلة العريس كاملة .. و عائلة ياقوت النص فيهوم مغايحضرش عرضو على عائلة المرحوم راجل حليمة .. هي جمعات حوايجها و كولشي لأنه غاتبقا تماك بلا ماتحتاج تضرب الطرقان اللهم تجم كولشي خطرة وحدة ..

اليوم المنتظر ! .. اليوم لي الكل فرحان فيه من الصغير لكبير .. الدار عامرة و الناس غادا جايا و الموسيقى مطلوقة.. كانت فرحة مخلطة مع حشمة بالنسبة ليها .. جالسة قدام المراية و زاينة وراها و حليمة جالسة كاتشوف فيها بفرحة ! .. عائشة دارت ليها أخير لمسة برسمة خط رقيق بالأيلاينر بإحترافية مجبد ليها عويناتها .. كان مكياج سامبل مناسب لهاد النهار صرعاتو ليها عائشة ..

زاينة(باستها من حنكها تتشوف فيها من المراية فرحانة بعروستها): .. ابردي عروستي زينة البنات ..

ياقوت(إبتسمت بخجل): .. ربي يخاليك اخالتو .. (ناضت من بلاصتها هازا تيليفونها) .. خالتي كلثوم تعطلت ماعرفتشي واش وصلت ولا باقي .. (دوزات رقمها حتى جاوباتها بلي راه وصلو لوجدة و طريقهم لدار) ..

عائشة(مسحات يديها من أثار المكياج): .. نروح نلبس عليا ! ..

زاينة(سمعات ميساج من تيليفونها وصلها لقات عليه نظرة و قالت مخاطبة ياقوت): .. لبسي قفطانك

خرجات عائشة و زاينة نوضات حليمة شادة فيديها خارجين من البيت و ياقوت لبسات قفطان جوهرة فالغوز بيبي كانت مصايبة شعرها لي زاد فطوله شويية لوسط ظهرها طلقاته و لاحت عليه الشال فالأبيض و القصيصة خارجة من لقدام تاتشوف راسها من المراية عجبها المنظر ديالها .. حتى سمعات الدقان فالباب مشات تحله و لقاته قدامها فيديه بواطة كبيرة حدرات عينيها بحشمة و دارت ليه فين يدوز حتى دخل و جلس على السرير و هي بقات واقفة بلاصتها حتى طلب منها تجلس ..!

عُمر(حل البواطة و مدها ليها ونطق بصوت حرش): .. اختاري لي تحبها روحك! ..

شداتها بين يديها كاتحاول تخفي توثرها تتشوف فالخواتم لي مستفين و سطها طاحت عينيها على واحد فالجنب جذبها و جبداتو ركباتو فصبعها لكن جاها كبير ..

ياقوت(مخاطباه بلا ماتشوف فيه عينيها على الخاتم لي فصبعها): .. هايدا عجبني .. ولكن كبير !!

عُمر( تيشوف فالخاتم و فذوقها لي هو بنفسه شاف بلي داك الخاتم هو لي يناسبها): .. تفوْتي بيه الخطبة و نديه لصياغ ينقصولك ! ..