أشباه الرجال 🫀مكتملة🫀

🫀الجزء 90🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 90●°

بكات حتى شبعات على زهرها العوج ! .. ماناضت من بلاصتها حتى سمعات الدقان فالباب سامعة صوت زاينة حلات ليها دغيا و طاحت عليها معنقاها ..

زاينة( .. تخلعات من شهقاتها و بكاءها) .. ابردي مالك ؟

ياقوت غير كاتبكي مجاوباتهاش دخلاتها زاينة لبيتها و سدات الباب و قفلاته جلساتها على الناموسية كاتحيد ليها شعرها على وجهها و كاتمسح ليها دموعها .. عارفاها كي دايرا و أبسط الحوايج كايبكيوها واخا يكونو مايستاهلوش !

زاينة: .. باركاك من البكا ابنتي و گوليلي مالك ؟ عييت نصونيلك تهودي تعشاي مكاتجاوبيش و عُمر كاع ماهودتي معاه !

ياقوت( .. عنقاتها كاتخنصص) .. عُمر حيدلي التيليفون !!

زاينة( .. عقدات تعابيرها) .. لا حول ولاقوة إلا بالله !

نعساتها زاينة كاتسكت فيها و داعب شعرها حتى نعسات و كاطمأنها بكلامها باش ترتاح شوية فاهمة طبعها مزيان بلي هشيشة القلب و دغيا كاتقلق و تبكي ! .. بقات معاها حتى نعسات و خرجات طفات عليها ضوء و سدات الباب نزلات لتحت لقاتهم كايتسناوها تجي ..

الحاج أحمد( .. بإبتسغراب) .. فينها ياقوت ؟

زاينة( بهدوء) .. عيانة شوية ماتگدش تهود !

الحاج أحمد: .. هي و عائشة عيانات هاد النهار ! ياقوت غير الصباح كانت صحة و سلام !

الحاج فاطمة( .. بشك) ياك ما البنت حاملة ؟

زاينة( .. وسعات عيونها) .. شراك تگولي الحاجة ؟ البنت مداز على زواجها بزاف !

الحاجة فاطمة: .. راه تقدر تحمل من شهرها لول ! أحمد حملت بيه فشهري لول !

زاينة( .. عقدات تعابيرها) .. البنت باقي صغيرة تعيش حياتها بعدا مع راجلها عاد تشوف مع البز !(الولاد)

الحاجة فاطمة( .. طلعات حاجبها) .. عُمر راه ماصغيرش على الولاد !! يتسناها حتى تعيش حياتها ؟ لابغات تعيش حياتها كانت تبقا فدار باها تعيشها حتى تشبع لاش تزوجات !

زاينة( .. زيرات على سنانها) .. بينها و بين ولدي ! انتي الحاجة خليك بعيدة و ديها غير فصحتك ! ( .. كادور فعينيها ) . باقي ماجا عُمر ؟

الحاج أحمد: .. يصلي العشاء و يجي كان مشغول ماصلاهش ! .. و طاهر راه مشى لفاس يقضي شي غرض !

جا عُمر و تجمعو على العشا و زاينة ماعندها منين يدوز ليها و هي هازا الهم لياقوت كتر مهازاه لراسها ! ..

.

كامل و هي كاتفيق مع الفجر تصلي بحكم زاينة كاتجي عندها و تفيقها و تنزل تصلي معاهم ! غير سالات صلاتها لي كاتعكز عليها غير زاينة لي كاتقنعها و تبززها عليها حتى تولفها .. طلعات لبيتها و بدلات حوايجها لبسات كسيوة و لاحت عليها الشال ديالها عاد رجعات نزلات و عقلها كامل لي مع عُمر لي سافر يوميين هادي بلا مايگول ليها والو حتى من التيليفون باقي محيدو ليها من داك النهار الكحل عندها ماهضر معاها كايجي ينعس و ينوض يخرج كاعي منها دبصاح و هي هادشي بدا يقلقها كتر و كتر و كل ليلة تبات تبكي بلا صوت حداه ! .. عارفة راسها غلطات لكن تحملات عقاب كبير على الغلط لي دارت طول هاد اليام كاتمشي تدوز وقتها مع اولوف و لكن عقلها مامعاهاش عقلها غير معاه هو ! .. توحشاتو بزاف ماقدراتش على فراقو و على تجاهله ليها .. دخلات عند اولوف فاش حلو ليها الباب مشات عنقاته كاتبوس فيه ..

ياقوت( بنبرة حنينة) .. اووولووف حبيبي ! ( حطات وجهها على وجهه) .. سماحلي ماجيتشي عانداك البارح كونت مريطة ( .. غرغرو عينيها كاتشكي) .. عُمر مكايهضرشي معايا سافر و خلاني بوحديتي كانتحراق علو .. ( باستو ) .. تواحشتو (مسحات دموعها لي طاحو) .. هو عارفني مكنقدرشي نعوس بلا بيه و خلاني ! غير يماه خالتو زاينة كاتنعوس عاندي علاما يدجي .. ( رجعات كاتضحك غير بزز منها) .. بغايتي نخورجك من هنا ؟ نمشيو غير أنا و نتينا بواحدنا ..

شدات الجام دياله و خرجاتو و هو كايلعب بديله .. من نهار هداه ليها عُمر و هي مكاتفرقش عليه ولفاتو بزاف و فأغلب الأوقات كاتكون معاه .. جات عندها بنت واحد من العساسة لي كاتكون مرافقاها لحمايتها فاش كاتركب عليه .. عاوناتها حتى طلعات فوقه و تبعاتها بواحد من الخيول من لور .. حتى بدات تجري بيه بشوية دازت بيه من الطريق لي كايدخل منها الخدم لي فالڤيلا حتى لمحات مينة دخلات منه بدات تشوف فيها بنص عين و لي هازاه فقلبها من جيهتها مكايعكسش النظرة ديالها كانت كاتشوف عادي ماشي كيما كانت كاتشوف قبل ! و ياقوت كاع ماتسوقات ليها عارفاها محاملاهاش و هي ماشي أقل منها واخا عمر مينة بينات ليها شي حاجة ولكن مايخفاوش عليها الشوفات لي كانت كادير فيها ! ..

..