🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°
#الفصل الثاني: إلتئام الجرح🫀
°●الجزء: ●°
زاينة لي صوناليها الحاج باش يوجدو راسهم حيت خصهوم يرجعو واخا ماساخيينش بهنا !! ..
حليمة( .. غرغرو عينيها و هي كاتشوف فياقوت) .. غانتواحشك ..
ياقوت( .. دموعها سبقوها) .. حتا يانا اخالتو !! ( .. عنقاتها) .. ماكرهتشي نزيد نبقا معاك و لكن عمر مايخلينيشي ..
حليمة( .. باستها فحنكها) .. كبيدتي كبيييدتي ربي يخاليك ليلي ( .. كاتعنقها ماساخياش بيها) .. ان شاء الله ماجا عندك ماتخافشي ..
ياقوت: .. غادجي عاندي فالعطلة ياك ؟ ..
حليمة( .. إبتسمت) .. مافياشي الشك اكبيدتي ..
طلعات لفوق لبسات عبايتها باردة فالماغون مابغاتش تلبس الكحلة حيت الشمس .. لبسات شالها و دارت اكخون ديالها و كحلات عينيها و دارت كلوص خفيف و ورشات الباغفان ديالها ولبسات الطالون ديالها فرجليها عاد خدات نظراتها الشمسية دارتهم فوق راسها .. و جمعات حوايجها لي كانو قلال و جمعات البيت ديالها عاد نزلات لتحت توادعات معاهوم و العائلة كاملة توادعو بيناتهم .. لقات عمر واقف متكي على طموبيلته كايتسنا فيها إبتسمت عند شوفته و جا حتا هز الشانطة لي جارة معاها و حطها فالطومبيل عاد ركبو و بجوج و ديمارا .. يالاه بغات تحل الشرجم بغات الهواء حتا قاطعها بصوت حاد ..
عُمر: .. رييضي !!
ياقوت( .. إبتلعت ريقها فاش تفكرات الموقف لي طرا عرفاته مابغاش يتعاود) .. فاش توقاف غانسدو !!
مجاوبهاش ! مايزيدش يستحمل يتعاود لي وقع داك النهار ! .. سكتات و مدات يديها شابكاتها مع يديه و عينيها على الزغب لي مكتاسي يديه عنكشها فهاد اللحظة ماكرهاتش تحيده بيديها ابتلعت ريقها و قالت ..
ياقوت: .. عُمر نحيدلك الزغب لي فيديك ؟ .. ( غوبشات) .. عمل ليزر لي عملتو أنا نتينا غير حصة وحدة كافياك !!
عُمر( .. عقد تعابيره كايحرك راسه و عينيه على الطريق ) .. لا حول ولا قوة إلا بالله !!
ياقوت( .. قلبات عينيها ماتحملاتش تشوف فيديه) .. ماحملتوشي ا عُمر حااايدووو !!
عُمر( .. زفر أنفاسه) .. مديلي التريكو !!
بدات تقلب بعينيها حتا بانت ليه التجاكيطة دياله لور هزاته و مداتها ليه لبسها حيت كان محيدها و مخلي غير التيشورت فوقه ..
ياقوت( .. تنفسات بإرتياح) .. دبا مزيان !! ( .. بللات شنايفها) .. الوحم عملهالي !!
عُمر( .. هز يديها باسها) .. لي يهم هو تكونيلي علا خاطرك !!
ياقوت( .. إبتسمت) .. كنبغيك !! صبار معايا غير تيسع شهور و رتاح !! .. (وساعت إبتسامتها) .. ياربي غير ايمتا نتشوف الحبيب دقالبي ايمتا !!
أنت تقرأ
أشباه الرجال 🫀مكتملة🫀
Roman d'amour💎مكتملة💎 ⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️ الآمال العظيمة هي ماتخلق الرجال العظماء ..! 🔏[ممنوعة منعا كليا من النشر]🔏 #إكــــــــرام_اوشــــريـــــــــف(ي) ...
