💎مكتملة💎
⚠️توضيح:العنوان لا علاقة له بأبطال القصة ، هو فقط موجه لبعض الشخصيات أخرى فالقصة ⚠️
الآمال العظيمة هي ماتخلق الرجال العظماء ..!
🔏[ممنوعة منعا كليا من النشر]🔏
#إكــــــــرام_اوشــــريـــــــــف(ي)
...
بدل حوايجه لبس سروال صوفيطمة فالكرين و تيشورت و خرج عندها شابك يديها مع يديه و نزلو لتحت لقاو العائلة كلها مجموعة على الفطور و أمداح الطرب الأندلوسي مطلوق فالڤيلا و ريحة العود و البخور فكل مكان لمحاتهم زاينة و جات عندهم بإبتسامتها المعهودة و قفطانها و شالها فوق راسها و اكسسوارات د الذهب المناسبة سنها ستة و خمسين .. سلمات على عُمر و هو باس راسها و مشى عند العائلة جلس معاهم خلاها واقفة هي و زاينة ..
زاينة: .. صباح الخير و الرباح ! كيبقيتي ابنتي واش عاد مريضا
ياقوت( .. هزات يديها و باستها بإبتسامتها) .. بيخير اخالتو ! فاتني الحال حمد الله ..
زاينة: .. و كون غير شافتك الطبيبة خلعتينا علك !
ياقوت( .. ضحكات) .. اواعدي لا ! ماتخلعيشي اخالتو !
زاينة( .. إبتسمت و عينيها لمعو) هاداك هو النهار الكبير ! (طلعات كفوفها لسما) .. ياربي يكون بصاح ابنتي ياربي ! نشوف ولادك من عمر قبل مايديني ربي ..
ياقوت: .. الله يطول فعمرك اخالتو ! .. ماتقولشي هايدا!!
زاينة: .. ان شاء الله يكون لي فبالي و بالك ابنتي ! ..
ياقوت سلمات عليهوم كاملين و باركات ليهوم العواشر و منهم نيت عائشة لي قالبة عليها وجهها من داك النهار !! و مشات جلسات جنب عُمر و عينيها على الطبلة لي فيها لي بغاته و نواته الخاطر من الحلاوي و العواصر و اتاي و الفواكه المجففة عينيها نيشان مشات لعسل لي بين طبيسلات د ليدام مدات يديها و هزاته دهنات الخبز بيه و عضات منه بشوية و بلباقة و بالعبار كعادتها فالماكلة كتاكل بشوية و بالحس ماتسمعش أصوات الأكل ! شربات معاه الحليب و الشكلاط لي مولفة تفطر بيه ديما حاطينه ليها على الطبلة د الفطور عارفينها كاتحماق عليه ..
..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الڤيلا♥️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و خرجو تجمعو فالجردة بضبط فواحد السويحة صغيرة قريبة لابيسين لي فالڤيلا .. زاينة و ياقوت و عائشة و الحاجة و هند جالسين فالمكان لي اختارت ليه ياقوت الديكور على ذوقها كانو فوتويات فالحمر و الكحل و الطبلة فالكحل و الزربية مفرشة فنفس اللون متناسق و اللون الأحمر هو أكتر لون قريب لقلبها .. مضرقين تحت المساحة لي فديك الزاوية و عليها السقق لفوق معلقة فيه ترية و الديكور كان كايحمق فديك الجردة كان عصري بإمتياز .. سالاو الكزارة الذبيحة ذبحو ربعة د الخرفان و الخروف ديال ياقوت و عُمر تكلف بيه عُمر و ذبحه هو بيديه .. و جوج خدامات من الخدم لي موالفين يعيدو عندهم و منها يديرو خدمتهم كلها و ظروفه تكلفو بالروينة د العيد .. و ياقوت غير جالسة كاتشوف خاطرها مروع من الدوارة لي كاينقيو الخدم قدامها .. اعتذرات منهم و ناضت من بلاصتها ماقدراتش تحمل معدتها مقلوبة و صدرها تزمت عليها .. فطريقها تصادفات مع عُمر لي جاي بعدما بدل حوايجه ..
ياقوت( .. بإبتسامة) .. عُمر !!
عُمر( .. عنقها عنده) .. فين غادا ؟
ياقوت( .. بغنج) .. ماحلاتشيلي الجليسة بلا بيك تينا !
عُمر( .. دور عينيه فالأرجاء مابان ليه حد جرها معاه حتى لجنب الحيط باش ياخد معاها راحته) .. موحشك الياقوت ! ( حط يديه على وجهه) .. ليامات هادو مشغول مالگيت كي ندير نحوسك و تفوتي معايا الوقت !
طبع قبلة على شنايفها توحشها و الخدمة داتو عليها و فاش كايجي كايلقاها ناعسة و عيانة و اليوم غايكون غير ليه و ليها انغامس معاها فقبلاته حتى شدات عنقه بيديها دافعاه من عليها و هو بعد منها عاقد تعابيره و هي لي كانت ديما كاطلب منه يزيدها ! دارت عطاته بالظهر حانية على ركابيها قرب عندها شد شالها بيديه حتى استفرغت و ردات داكشي لي كلاته فالفطور و هو عاقد حجبانه ماعجبوش حالها لثاني مرة غادي تقيئ وهي حلفات ماتشوفها طبيبة ديما كاتقول ليهم راني بيخير غير باش مايزيدوش يتخلعو عليها !!
