أشباه الرجال 🫀مكتملة🫀

🫀الجزء 67🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 67●°

تحط آتاي و الكاطو و الحلوة د الدار لي صاوبو و ليدام بخيرو العسل الحر و الزبدة و الزيت البلدية و الخبز يالاه خرج من الفران سخون .. المسمن و البغرير .. الحرشة و الرغاف لي تشهاتها الخاطر محطوطة على الطبلة وسط داك الصالون التقليدي !! .... عيطو على كلثوم و حليمة يجيو يجلسو معاهم بوحدهم !! تعمدات ماتعيطش على الحاجة فاطمة و حفيظة على قبل راحة ياقوت!! .. جلسو مجموعين حتى تزادت عندهم عائشة حتى هي جالسة معاهوم ..

تحط آتاي و الكاطو و الحلوة د الدار لي صاوبو .. و عيطو على كلثوم و حليمة يجيو يجلسو معاهم .. جلسو مجموعين حتى تزادت عندهم عائشة حتى هي جالسة معاهوم ..

زاينة( .. كاتكب آتاي مخاطبة كلثوم) ..سيمانا ماغمضنا عينينا  ..  روينة ديال لعرس ولغاشي ماقديناش !!  ..

كلثوم( .. رشفات من كاس آتاي) .. الله يكون فعوينكوم الالة زاينة !! .. (إبتسمت ليها بوقار) .. و كون خليتونا نديرو يدينا حتى حنا مافيها باس ! ..

زاينة( .. بادلاتها الإبتسامة) .. بحالكوم بحالنا أختي كلثوم !! .. ( .. شافت فياقوت لي معنقاها حليمة لحضنها) .. و ياقوت راها بنتنا نديروها فعينينا و مايخصها معانا خير ..

كلثوم: .. داكشي لي بغيت الالة زاينة ! ديروها بنتكوم و وحدة منكوم .. (غرغرو عينيها) .. ماولدتهاش من كرشي و ماربيتهاش على يدي ولكن معزتها كبيرة عندي .. ( مسحات دموعها بطرف الشال لي لابسة) .. نوصيكوم عليها ماتفرطوش فيها .. تهلاو فيها !!

حليمة كاتسمع ليها و دموعها على طرف عينيها الشي لي بغات تبوح بيه فرحات حيت عبرات كلثوم على لي ماكرهاتش هي تعبر بيه ! .. ناضت ياقوت من حداها و عنقات كلثوم ..

ياقوت(إبتسمت و باست راسها): .. يخاليك ليلي اخالتو .. !!

زاينة( .. بإبتسامة و عينيها على ياقوت) .. الذهب ماكايسيبوهش الناس اختي كلثوم  .. !

كمية الحب و المشاعر كايحملوها فكلامهم ! .. كانت هضرتهم خارجة من القلب .. الدموع نزلو ليها و هي مفتاقدة مثل هاد الكلام ! .. حسات براسها مالكة الدنيا و مافيها بهاد الكلام لي سمعاته دابا ! ..

دوزو حديثهم بأجواء مليئ بالضحك و الحنان و دفئ العائلة ! .. جمعو المواعن و عيطات كلثوم على ياقوت تجي معاها .. دخلو لواحد البيت و سدوه و كلثوم من تعابيرها باين ماطمئناش .. كانت حشمانة تهضر مع ياقوت قدام الناس ..

كلثوم: .. اربي يابنتي لاماصوني لهاديك تجي !! ..

ياقوت( .. مفاهمة والو) .. شكون ؟ ..

كلثوم: .. ياسمين ياسمين !! .. (بالها مامرتاحش) .. وذن المغرب و باقي ماجات عييت نصوني ليها مكاتجاوبش حتى طفى ليا تيليفون .. شوفي معاها ابنتي لعلى و عسى تجاوبك !! ..