أشباه الرجال 🫀مكتملة🫀

🫀الجزء 78🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 78●°

وسعات عيونها فاش شداته بين يديها مذهولة و فرحانة من تصرف أختها ! .. طاحت عليها و عنقاتها و طبعات قبلة على خدودها بجوج ..

ياسمين: .. صدمتيني ههههه!! ..

ياقوت(بإبتسامة): .. تستاهل كتر ..

مشات رجعات وشدات فيد عُمر و النگافات شادين ليها الغوب و خرجوها لبرا و العائلة تابعاهوم لور .. كانت سيارة ليموزين فالبيض واقفة برا حل الشيفور الباب و عاونها عُمر حتى ركبات هي لولة و ركب حداها .. غادرو المكان و هي متكية براسها على صدره عينيها كايتسدو و يتحلو مؤخرا مع الروينة دالعرس مكاتشبعش نعاس .. طلعات راسها و حطات يديها على لحيته كداعبها بأطراف أصابعها ..

ياقوت: .. فيا النعاس ! ..

عُمر( .. نزل عينيه ليها) .. نوصلو و ترگدي ! ..

ياقوت( .. بإستفهام) .. ماشيين لدار ؟ ..

عُمر( .. حرك رأسه بالنفي) .. لا ! ( .. باسها على جبينها) .. نمشيو لبلاصا خرا ! ..

وقفات الطموبيل و نزل عُمر هو لول و عاون ياقوت حتى نزلات ضرباتها ريحة البحر و صوت المواج كاتسمعه فوذنيها .. إبتسمت فاش شافت زربية حمرة مفرشة فالأرض و الشمع فالجناب شد ليها فيديها حتى طلعو ليخت لي كان فاخر و مساحته كبيرة و مكتوب فيه سميتهم بجوج و الورد مفرق فالأرض و الشموع فالحمر فكاع المكان عجبها منظره الفخم و الراقي دخلو نيشان لغرفة لي وسط اليخت كايتوسطها سرير و حمام حتى هو كاين فيه ..

ياقوت( .. شافت فيه) .. شحال غانبقاو هنا ؟ ..

عُمر( .. حيد الڤيست دياله و حطها على الفوتوي ) .. گداش ماحبيتي ! ..

ياقوت( .. كادور عينيها فالغرفة حتى استقرو عينيها فالزاج لي كايطل على البحر عضات شنايفها و جاوباته) .. ياربي شحال مزيون هاتشي ! .. هههههه ماكرهتشي نبقا فيو حياتي كاملة .. ( .. حيدات التاج لي فوق راسها و حطاته و حيدات الفنيتات لي شادين الزيف حتى حيدات كولشي ) .. عُمر عاوني ! ..

قرب عندها حتى حل ليها الغوب لي لابسة و نزلات حيداتها ..

ياقوت: .. اووف دبا رتاحيت ! .. ( .. بان ليها البينوار مطوي و محطوط جنب السرير مشات هزاته و دخلات لدوش ) ..

.

دقائق معدودة حتى خرجات عنده لابسة بيناوار و جامعة شعرها فالفوطة .. و خدودها تحمرو بالسخونة لقاته جالس على الفوتوي مشات جلسات حداه ..

ياقوت( .. حيدات الفوطة على راسها كاتنشف شعرها) .. دبا حسيت بالراحة فاش حيدت تاكشي لي كونت لابسة ! ..

عُمر( .. حيد ليها الفوطة من يديها مكمل كاينشف شعرها) .. الصداع و الهاراج مارانيش عندي معاه ! ..

ياقوت: .. ههههه أنا شوييوش ( .. ناضت هزات مشطة و مداتها ليه بإبتسامة) .. مشطلي شعري ! ..

عُمر( .. شد المشطة و شد معاها يديها حتى جابها بين رجليه جالسة ) .. نمشطولك ديما ؟ ..

ياقوت( .. غمضات عيونها فاش حساته كايمشط ليها شعرها) .. اممم ااه حيت ماولفتشي نمشطو راسي .. ديما خالتو حليمة لي كاتمشطولي ! ..

عُمر( .. رجع شعرها لجنل و طبع قبلة على عقنها) .. واشتا باقي ديرلك خالتك حليمة ؟ ..

ياقوت( .. إبتسمت منيمة عيونها) .. كادعمل كيف كادعمل الأم لبنتا .. عومرا فرقت بيني و بين بنتا نادية الله يرحما .. ( .. غرغرو عينيها) .. غانتوحشها ! ..

عُمر( .. تكاها على صدره كايداعب شعرها بيديه) .. قيساش بغيتي تشوفيها نديك تشوفيها ! ..

ياقوت( .. دورات وجهها عنده و نطقات بنبرة رقيقة): .. بصاح ؟ ..

عُمر( .. حرك ليها رأسه و يديه نزلو لعنقها كايدوز يديه عليه) .. سيمانة ماتفوتيهاش !! ..

ياقوت( .. قلبات فمها) .. اممم سيمانة قليلة بدزااف !! ..

عُمر( .. عقد تعابيره) .. تحبي تبقاي معاها كتر ؟ ..

ياقوت( .. إبتسمت حتى بانو سنيناتها ) .  ااه ! ..

عُمر: .. تجي هي لدارك و تبقا عندك وقتاش بغات! .. ( .. يالاه بغات تهضر حتى قاطعها حاط صبعه على فمها و نظراته كانت قاصحة) .. ماراكش ديال روحك دروك ! ..

ياقوت( .. ميقات فيه) .. عفاك ! ..

دار راسه مسامعش كلامها لايصدقو تاني مخاصمين !  دور يديه على خصرها و خشا راسه وسط عنقها و هزها بخفة لسرير و هي مدورة رجليها عليه  .. حطها على السرير و حط شنايفه على شنايفها مباشر معاها فمداعبته الجريئة و الممارسة الحميمية و ليلتهم لي كانت كاباقي الليالي لي فاتو ..

..