أشباه الرجال 🫀مكتملة🫀

🫀الجزء 49🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: سبعة و تسعون (49)●°

ماوصلو حتى كانت قلبها غايطيح ! .. مع بانت ليها البلاكة لي مكتوبة فيها السمية دوار الخلعة شداتها و فتفس الوقت فرحانة حيت غاتشوف خالتها و غاتبقا معاها حتى تمشي لدارها عروسة ! .. طموبيل كاتحرك لجوج جوايه بحكم الحجار و التراب و الطريق مامقاداش .. ماوقفو حتى لقدام الدار نزل حسن و نزلات كلثوم كاتشوف فالدار و حتى هي متوترة معارفاش كي غاتكون ردة فعلهم من بعد كاع داكشي لي وقع فالماضي بين العائلات ! .. نزلو داكشي لي جابو معاهوم و ياقوت تاتشوف فالدار لي تبدلات و تصلحو فيها شي حوايج مثل الصباغة د الدار عاودوها و الباب د الدار تبدل ! .. و كان خيري ديما تاتسمعه تايقول غانصلحها و يزيد شي حوايج ! .. حسن صونا ل خيري يحل الباب و فالحين حلات ليهوم نجاة لوسة حليمة ! ..

نجاة(قصدات نيشان ياقوت): .. ياقوت !!

ياقوت(مشات عندها سلمات عليها كاتبتاسم): .. نجاة ! نتينا هايدي !

نجاة(طبطبات على ظهرها): .. هادي أنا تبدلت عليك ههه! ..

سلمات على حسن و كلثوم و ياسمين و إستقبلتهم لداخل الدار ..

نجاة(مخاطبة حسن): .. خيري كاين فبيتو لفوق ..

مشات مع كلثوم و ياسمين و ياقوت دخلو عند حليمة لي جالسة كاطوي فالحوايج غير شافتها ياقوت عينيها دمعو و مشات كاتجري عنقاتها حتى تفاجأة ! ..

ياقوت(دموعها طاحو بالفرحة و الشوق): .. خالتو تواحشتك تواحشتك .. (شحال و هي معنقاها و حليمة غير طبطبات على ظهرها كان عناق نوعا ما بارد من جيهتها ! ) ..

حليمة بعدات عليها و إبتسمت ليها و رجعات كاطوي الحوايج ..

ياقوت(لاحظات بلي ماشي كي كانت معاها قبل بلعات ريقها و سمحات دموعها و شافت فكلثوم ): .. هايدي خالتو كلثوم ..

كلثوم(مشات سلمات على حليمة و إبتسمت ليها): .. سلام عليكم ! ..

حليمة بادلاتها السلام عرفاتها .. و ياسمين حتى مشات سلمات عليها ..

نجاة(بإبتسامة): .. اجيو ترتاحو غاتكونو عييتو مع الطريق ..

نجاة غمزات كلثوم و مشاو معاها هي و ياسمين بقات ياقوت مع حليمة كاتشوف فيها و كاتنهد باغا تعرف مالها معاها ! ..

ياقوت(مشات جلسات على الناموسية): .. خالتو بغايت نهضار معاك !..

حليمة سمعاتها و خلات لي فيديها جلسات حداها عابسة و جهها ..

ياقوت: .. خالتو مالك؟ .. (شدات ليها فيديها و باستها): .. باقا؟ مقلق مني ؟ ..

حليمة شافت فيها بنظرة باردة و هازة بزاف ! .. كانت نظرة غير طبيعية كأنها كاتآلم و لي فقلبها عاكس على عيونها ! ..

ياقوت(كاتبوس يديها بوسات متتالية): .. خالتو نتينا مقلق مني حيت مشايت و خليتاك ؟ ..

حليمة خرجات تنهيدة عميقة و حركات ليها رأسها بالإيجاب ! ..

ياقوت(تحسسات و الدموع دغيا طلعو ليها و نطقات بصوت منغنغ): .. خالتو كونت مريطة فخاطري .. ماحملتشي نزيد نبقا هايدا ..

حليمة دموعها تساقطو من عيونها هزات فولارها لي مغطي راسها و مسحاتهم .. طبطبات على ظهر ياقوت و عنقاتها ..

ياقوت(باست رأسها): .. يخاليك ليلي اخالتو .. (تنهدات تنهيدة حارة) .. خالتو ماتفكريشي فديكشي الخايب غايمرطك .. ( مسحات طرف عينيها و قالت بإبتسامة) .. خالتو غذا ماجيين الخوطاب ..

حليمة شافت فيها بقلب مكسور ! .. كانت كاتمناها لولدها لي غايكمل بقية حياته فالحبس بين الحيوط ! .. لكن الأرزاق و المكاتيب ماكنجيوش فطريقهم .. رجعات عنقاتها كأنه كاتعبر ليها على فرحتها ليها .. و ماكرهاتش تزغرت و تهضر لكن القدرة مكايناش بعد فقدان ولادها بجوج .. كانت مقلقة منها شوية حيت خلاتها وخوات عليها الدار .. لكن معتابراها بنتها لي رباتها من صغرها و حمدات الله أنه بقات ليها هي من بين ولادها ..