أشباه الرجال 🫀مكتملة🫀

🫀الجزء 45🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

#الفصل الثاني: إلتئام الجرح🫀
°●الجزء: تسعة و ثمانون ( 45)●°

طفات عليها ياسمين الضوء خرجات من الباب و سدات الباب .. لقات كلثوم حطات العشاء .. سمعات صوت الموطور حدا الدار و حسين كيعيط على ياسمين تحل ليه .. خدات الساروت عند كلثوم ولاحتها ليه من السرجم جلسو يتعشاو حتى طلع حسين جلس معاهوم قطع الخبز يالاه بغا يبدا ياكل حتى ضربات ليه كلثوم يديه ..

كلثوم(عقدات حجبانها): . غسل يديك عاد اجي تاكل ..

حسين(بدا ياكل مامسوقش): .. غسلتهم لتحت عاد طلعت .. (شاف فياسمين كيخنزر) .. ديك العزية د صاحبتك سولاتني عليك .. (زاد فتخنزيرته) .. ياك قلت ليك تفرقي عليها ؟ ..

كلثوم(شافت فياسمين و رجعات شافت فحسين): .. شكون فيهوم ؟ ..

حسين(لاح الدغمة في فمه و خسر ملامحه): .. ديك العزية لي الدرب كامل دايز عليها ..

كلثوم: و ئام ؟ ..

حسين(قلب عينيه بغيض): .. ماعرفت أنا سميت ديلمها ..

كلثوم(حمرات فياسمين): .. واش باقي كاتلاقاي معاها ؟ ..

ياسمين(بحالا ماهضروش معاها كاع كتاكل بعدم مبالاة لكلامهم مسحات يديها فالبابي و ناضت واقفة): .. نمشي نشوفها شباغا ..!

كلثوم(ناضت حتى هي): .. زعما هضرت معاك ؟ .. هاديك بضبط عطيها تيساع خاطري ماكدخلش ليه !

ياسمين(لبسات صندالتها): .. واراهاا ماشي صاحبتي! .. غير كنعرفها وصافي ..

نزلات بلا ماتسمع كلام كلثوم حلات الباب و خلاته محلول غا دفعاتو شوية بلا مايتسد حيت مهزاتش معاها ساروت .. الزنقة كانت خاوية كاتصفر و مالين الحوانت بداو يجمعو باش يسدو .. كانت ساكنة غير حداهم وقفات حدا دارهم و بدات دق فالناقوس .. طلات عليها الأم من السرجم ..

ياسمين(مطلعة راسها): .. خالتي كلمي ليا وئام ! ..

ماجات فين تجاوبها حتى تحل الباب ..

وئام(زادت حلات الباب و رجعات لور): .. دخلي دخلي ماتبقايش فالباب ! ..

ياسمين(دخلات و وئام سدات الباب موراها كاتسمع صوت شي واحد كايغوت و يخاصم): .. باك تاني ؟ ..

وئام(طلعات فدروج دسطح تاتحل الباب ): .. فارع راسنا بحال ديما ! .. دخلي دخلي نهضرو على خاطرنا ..

حلات الضوء دسطح و جلسو على المانطات لي لايحين تما ..

ياسمين(عقدات تعابيرها): .. فخبارك طلع ليا سطوري ديالك الصباح ؟ ..

وئام(دارت يديها فجيبها جبدات الجوان بدات تبرم فيه بإحترافية و شعلاته كاتسوط الدخان): .. اومن بعد ؟ ..

ياسمين(زادت عقدات تعابيرها): .. صبري غير حتى يدوز شهر على الفراق و سيري تصاحبي معاه ! .. يوم باش تفارق معايا و تصاحبتي معاه مازكلتيهش لصقتي كي الكولا ! ..

وئام(دارت إبتسامة جانبية و كاطلع و تنزل فيها مدات ليها جوان): .. هاكي نساي همك ! .. (أشارت ليها لسماء) .. شوفيه فالقمر ! .. (بإبتسامة ماكرة) .. حيت عمرك باقي تشوفيه ولا يكون ليك ! ..

ياسمين(دفعات يديها و بنظرات قاتمة كاتشوف فيها): .. و شكون قالك راجعة ليه أصلا! .. (عضات شفايفها مغددة لكن مابيناتش ليها) .. عزيزة عليك الشياطة ديالي ! .. (غمزاتها) .. لي كنت معاه مكانرجعش ليه تاني ..

وئام(بملامح مستفزة): .. و مالك جايا كاتجري لعندي ؟ .. (قلبات ملامحها ) .. جايا تحاسبي معايا بحالا نتي مبرية ؟ .. (لاحت الجوان و عفطات عليه بالفقصة) .. عارفا شنو وقع بيني و بينو و مشيتي تصاحبتي معاه نكرتي العشرة ابنت ال9حبا ! ..

ياسمين(بإستفزاز): .. لي عطى ز•كو لهلا يفكو .. (زادت قربات وجهها ليها) .. خلاتها لالاك ياسمين ! .. حليتي رجليك بخاطرك أنا مالي ؟ ..

وئام(خرجات ليها الضحكة و صوتها مدعدع بقوة الجوانات): .. سيري غا تقودي ! .. أنا قادة ب كري .. (ناضت كاضحك فوجها) .. نوضي نوضي سيري لداركوم ! .. خارجة دابا عندي الرونديڤو ! ..

ياسمين(ناضت كاتمسح سروالها): .. سلمي عليه ! .. (بسخرية) .. قولي ليه سلمات عليك الإكس ديالك لي هي صاحبتي ..!

كاتحل عينيها غير بزز و الشمس متسللة من السرجم أشعتها كاضرب فيها زادت دوخاتها كتر ماهي مدوخة .. الهضرة ماقدراتش تخرجها داتها ثقيلة عليها و راسها كايزدح ! .. هزات يديها بزز لقات راسها سخونة لدرجة فمها ترطق فيه الدم .. بدات تعيط على كلثوم و هي مقاداش تحرك بلاصتها .. كان صوتها غارق مايسمعو حد جاب الله ياسمين لي دخلات تبدل حوايجها فالبيت و لقاتها هكك مهلوكة دبصاح مشات كاتجري عندها مخلوعة ! ..

ياسمين(قاست ليها راسها لقات السخانة طالعة ليها): ..
ناري سخانة طالعة ليك اصاحبتي ! .. (كاتعيط على كلثوم بجهد حتى دخلات عليهوم مفزوعة ) ..

كلثوم: اش واقع ؟ .. (شافت فياقوت مشات عندها كاتقيس راسها) .. البنت غاطرطق بالسخانة ! ..

ياسمين(شادة يد ياقوت ): .. راسها كيفور بحالا محطوط عالعافية شنو نديرو ليها دابا ؟ ..

كلثوم(كاتقادها بلاصتها و حيدات ليها المانطة باش مغطية ): .. ياقوت بنتي نديك لسبيطار ؟ ..

ياقوت عينيها ماقدراتش تحلهم بالسخانة هضرتهم جاتها غارقة ..

كلثوم(شافت فياسمين): .. البارح دوشات و خرجات و ضربها البرد ! ..(تنهدات بلا خاطر) ..جيبي الماء و لوحي فيه الثلج و قطعي شي ثوب ندوزو على راسها ..(تنهدات و شافت فياقوت) .. لامهبطاتش ليها سخانة نديوها لسبيطار ! ..
..