أشباه الرجال 🫀مكتملة🫀

🫀الجزء 73🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 73●°

مع أخير كلمة نطقاتها دق الباب و هي حبسات شهقاتها كاتشوف فيه كيفاش مزير على القميجة لي كان هاز فيديه و تعابيره بحال ديما عاقدهم و نظراته خلاو الدم يتجمد فعروقها  ! .. لاح القميجة بزعفة و مشى حل الباب على زاينة لي طلعات الفطور و معاها كلثوم .. ياقوت سمعات صوتها و دخلات الحمام بزربة تغسل وجهها و مايبانش فيها بالي بكات غسلاته مزيان عينيها منفوخين و وجها حمر .. خرجات لقاته باقي فالبيت لكن هاد المرة جالس و الفطور قدامه و مشابك يديه حاطهم على ركابيه سمع صوتها و طلع راسه كايشوف فيها بنفس النظرة دقبيلة ! ..

ياقوت( .. عضات شنايفها حتى توقف الدم و نطقات بنبرة باكية) .. فاينيا خالتو زاينة ؟ ..

عُمر( .. كايهضر من تحت سنانه) .. لي يصرا بيني و بينك حد مايسمعو !! .. لي درتيه گبل لي بعقلو ماراهش يديرو !! .. ( .. هز صبعه بتحذير) .. لا الحاج لا مّا يعرفو واشا راه يصرا بيني و بينك!! .. ( بحدة) .. تفهمييي؟؟

ياقوت( .. حركات رأسها و نطقات بنبرة منخفضة) .. واخا !!

عُمر( .. ركز معاها عينيه كايشوف فهاد المخلوقة لي قدامه هضرة جوج تدمع عليه و هو عدوه يشوف دموعها ! .. بنبرة هادئة نطق) .. كحزي عندي! ..(  جات حتى وقفات قدامه و كحز داير ليها بلاصة حداه) .. گعدي !!

ياقوت( .. جلسات حداه كاتشوف فيه بعيونها لي كايلمعو بالدموع ) .. اممم ؟ .. ( حنات عينيها) .. سماحتيلي ؟

عُمر( .. جرها عنده حتى عنقها بيديه و ملامحه سرحهم للبرود و كلامه خرجه بهدوء) .. تخطبتي گبل ؟ .. (نزل عينيه كايشوف فيها هي لي منزلة راسها) .. علاش ماحكيتيلش على هاد  ؟

ياقوت( .. طلعات فيه عينيها ) .. تينا ا عمر عومرك ماسقسيتيني على حياتي .. !

عُمر( .. رجع عقد تعابيره و نطق بحدة) .. اري ماعندك ! .. ( أشار لوذنيه بصبعه) .. راني نسمع!! دروك حكيلي ! ..

ياقوت( .. خشات راسها فعنقه و ذاكرتها مشات لصغرها نهار كاتفكر يوم موت أمها كاتبغي تموت !! ..) .. ماما ا عُمر ماما .. ( .. نفس المشهد تكرر قدام عينيها زيرات على جفون عينيها حابسة دموعها) .. انتاحرت قودامي ا عُمر قودامي رمات راسا فالواد !!

عُمر( .. زير على عينيه و داعب شعرها .. مابغاش يهضر معاها على عائلتها و على موت أمها مابغاش يسمعها منها حيت فاش تفكرها جرحها غادي يتفتح من أول و جديد و عارفها غادي تبكي و هو مابغاش يشوف دموعها يطيحو من عينيها!! ) .. حكيلي على خطبتك الياقوت .. مانيش حاب نعرف عليك سوا هاد !  ..

ياقوت( .. زادت تخشات فيه و كاتهضر محاولة تحبس دموعها و مايطيحزش) .. خالتو حليمة كان عندا عايل اسمو خالد .. مشى لفرنسا و فاش خرجولو لوراق قال ل خالتو حليمة فاش يجي نعملو الخطبة و أنا ماعارضتشي حيت كونت كانهضار معاه فواتساب .. ( خرجات راسها من عنقه و شافت فيه كاتبلع ريقها) .. و كونت باغا نتهنى من عذاب جدو لي ماخلانيشي نقرا و مكايخلينيشي نمشي حيتا لعراسات .. (غفلاتها دمعة و طاحت من عينيها) .. كايتحكم فيا بدزااف .. (مسحات دمعتها و كملات كلامها كاتشوف فيه ) .. التصويرة نسيت مامسحتاشي والله ماكانشي فبالي شي حاجة خيبة .. ( .. إبتسمت فعز دموعها و هي مراقبة تعابيره لي كايتطلقو و يتعقدو فكل كلمة كاتنطقها) .. انا وليت ديالك ا عُمر مابقيتشي ديال حيتا واحد .. ياقوت ديال عُمر و عُمر ديال ياقوت ..!!