أشباه الرجال 🫀مكتملة🫀

🫀الجزء 74🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 74●°

كمل طريقه في صمت و عينيه كايمشيو ليها هي لي من قبيلة مزيرة على فمها باينة عاوتاني باغا تدمع ..

عُمر( .. شد يديها باسها) .. واش بيك  الياقوت ؟ ..

ياقوت( .. جبدات يديها و طلقات فمها كاتهضر بعصبية و حجبانها معقودين ) .. ماعرفتشي يانا علاش تايقولي كانبان عايلة سطيطوا !! .. ( .. دارت ليه الأرقام بيديها) .. عاندي واحد ووعشرين عام و هوما دايقولولي قاصر !! ..

عُمر( .. قهقه من كلامها و كايشوف مرة فيها و مرة فالطريق ) ..  مراتيي و بحال  ختي و بنتي ! .. (كمل كلامه بطنز) .. نكبرك مع ولادي و نربيك معاهوم ! كاع لا تهوليش من هاد شي .  ..

ياقوت( .. طلقات من يديه و خنزرات فيه) .. مغانولدشي معاك يالاه ! .. ياك أنا صغيرة ؟ .. ايوا مانقدرشي نولد ليك ..

عُمر( .. هز يديه كايبوسها بتكرار و نطق كلامه بجدية ) .. الكبر فالعقل الياقوت ! .. ماراهش فالعمر ! ..

ياقوت( .. إبتسمت ليه) .. اه بصاح ! .. ولكن علاش كايقولولي هايداك .. مكايعجبنيشي ليقولي كادبان سطيطوا ..

عُمر( .. وقف سيارته ) .. ماعليش ! .. ( .. بشبه إبتسامة ) .. روحك زينة  الياقوت و بانت على وجهك ! ..

ياقوت( .. إبتسمت من كلامه) .. امم و شني باقي ؟ ..

عُمر( .. نزل من سيارته) .. هودي و نكولك هودي ! ..

مشى حتى حل ليها الباب و شد ليها يديها و نزلات كاتشوف فالحي لي وقفو فيه .. كان حي راقي و فيه غير الإقامات و لبارطمات .. حولات أنظارها ليه ..

ياقوت: .. هاتشي مزيون ..

شابك يديها مع يديه غادي بيها لجيهة وحدة من الشقق .. شافه العساس لي كايحرسهم .. حل ليه الباب الكبير دالحديد وسلم عليه  .. هي موسعة عينيها فالورود و الخضورة لي كاينة فجناب الطريق لي دايزين وسطها .. حل الباب لي كان أصلا مامقفولش كانت وحدة من فام دميناج شافتها ياقوت و إبتسمت ليها .. ركبو فالسانسور طالعين ليطاج الأخير توقف وخرجو وهي كاتشوف بإعجاب فالديكورات حتى وقف قدام شقة رقم 9 و جبد الساروت و حل الباب و دخل .. دخلات تابعاه كاتوسع فعينيها بإعجاب أكتر من قبل من الصالون المفرش بفراش مزيج بين التقليدي و العصري ! .. كانت شقة متكونة من تلاتة دالبيوت حلاتهم كاملين و لقات عليهوم أنظارها و دازت لكوزينة و الحمام حتى هوما .. لسانها تسرط من قوة ماعجباتها و حمقاتها مشات كاتجري عند عُمر لي كان كايحل فالريدوات ..

ياقوت: .. عُمر!! .. ياربي شحال مزيونة حمقتني !! ..

عُمر( .. جرها من يديها و عنقها) .. عجباتك ؟ ..