أشباه الرجال 🫀مكتملة🫀

🫀الجزء 122🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 122●° 

الدم تدفق فعروقها و الدنيا بدات دور بيها و كلامه سمم قلبها و حرقه بنار الفراق و الطلاق ! .. الفراق صعيب عليها خصوصا هو تتفرق عليه ماتقدرش ! ..

ياقوت( .. خرجات ليها الضحكة و عينيها ماحبسوش من الدموع) .. حماقتي ولا شني ؟ شمان طلاق ليكاتهضار علو ؟؟ .. ( .. شدات راسها بين يديها مامتيقاش و خطات عنده حتى شدات ليه يديه كاترجاه بعيونها) .. غاتخاليني ؟ غاتفرق عليا ؟ كيفاش غاتقدار تفرق عليا ؟ ( زيرات على يديه ) .. عرفتي شني غايطرالي فاش تطلاقني ؟ .. ( شهقات و نطقت بنبرة مرتفعة) .. مغاااايرحمووونيييش جدو مغااارحمنيشي !! ..(هزات يديه و حطاتها على قلبها و نطقت بصوت مرتجف) .. و قالبي مغايرحمنيشي على فرااقك !! ( زيرات على يديه حتى غرسات ظفارها فيهوم) .. مابغيتشيي ولدي يعيش لي عشتوو أنا ماابغيتشي!! ..

جر يديه وهو محافض على هدوءه ! .. انسحب من حداها خلاها واقفة مصدومة و هي باقي مامتيقة شنو قال !! .. بغات تبعه وتزيد تهضر حتى حبسها بيديه و بنظرة قاتمة خلاتها توقف بلاصتها و كاتشوف و دموعها مزال دايزين على خدودها !! .. رجليها فشلو عليها و جلسات على السرير ديالها حاطة يديها على وجهها كاتبكي بكاع جهدها و قلبها كايتقطع على كلامه ! .. بكات حتى شبعات و نزلات لتحت كاتمشى غير بزز داتها كاملة كاترعد قصدات الصالة لي فيها الفيكس و دوزات الرقم و دارتها على وذنيها كاتسنى يتفتح الخط ..

تفتح الخط وغير سمعات صوتها بداو يطيحو دموعها ..

ياقوت: .. خاالتوو زااينة غاانمووت غاانمووت !!

زاينة( .. غير سمعات شنو قالت قلبها مشى وجا) .. يااقوت واشتاا صراا ؟ .. ( عقلها غايخرج) .. علااش تبكيي ؟؟ خلييتك صحة وسلاام ..

ياقوت( .. حطات يديها على فمها كاتمة شهيقها) .. خاالتوو جي خودني من الداار .. عفاااك خوودني عنداك ..

زاينة: .. هااني عندك درووك !! ..

قطعات عليها و زاينة وصلات الخبار لحاج أحمد و بدات تصوني لعمر لي رجع لولاية يكمل خدمته مكايجاوبهاش تشطنات ماعرفات مادير هند كانت عندهم غير سمعات الخبار حتى هي مشات معاهوم و داهوم الشيفور ديال الحاج حتى لڤيلا و زاينة الخلعة فشلاتها صوتها خلعها خايفة تكون طرات ليها شي حاجة هي ولي فكرشها حلات الباب و دخلو كايقلبو عليها حتى سمعاتها كاتعيط ليها من الصالة دخلو عنها لقاو حالتها حالة و غير مزادت فبكاها وباقي مابغات دخل ليها فكرة الطلاق لبالها ماتقبلتهاش !! ..

زاينة( .. جرات عندها مخلووعة شداتها كاتحرك فيها) .. يااقوت ماالك ؟؟ .. ( عنقاتها وشافت فالحاج) .. الحااج عاود عييط على عمر !! ..

ياقوت( .. عنقاتها كاتبكي فحضنها ماقدراتش تهضر حتى سمعات سميته) .. بغا يخاليني اخاالتو بغا يطلاقني ..

زاينة( .. شهقات) .. شرااك تگولي ؟ واشتا صراا ؟

ياقوت عاودات ليها كولشي من النمرة لي صيفطات حتى لخروج لي خرجات بلا خباره وهو مانعها عليه .. هند كلما كاتسمعها كاتزيد توسع عينيها مصدومة و زاينة ماشي أقل منها الصدمة خلات لسانها يتسرط !!

..