أشباه الرجال 🫀مكتملة🫀

🫀الجزء 81🫀

🔏[مـمـنوعـة مـن الـنشـر]🔏
°○ الكاتبة: إكرام أوشريف(ي)○°

  #الفصل الثاني: إلتئام الجرح🫀
°●الجزء: 81●°

الحاجة لي عمرها دارتها فبالها ! .. الطياب و الشقا فدار جدها كانت حليمة هي لي كادير كولشي و هازا الدار .. حتى فاش مرضات كانت ياقوت غير كاديباني فالطياب مكاتعمقش فيه و فداكشي لي بان ليها بغاتو الحاجة فاطمة تديرو ! ..

ياقوت( .. بللات شنايفها كادور عينيها على الخدم) علاش غانعملو و الخدم كاينين ؟ ..

الحاجة فاطمة( .. عقدات تعابيرها) .. قلت ليك اياقوت اليوم لي يتدار ماشي ديما ! ..

ياقوت ( .. حركات رأسها بالإيجاب) .. واخا ! .. ( بلعات غصتها و البكية واحلة فعينيها) .. ولكن شغانعمل ؟ ..

الحاجة فاطمة ( .. ناضت من بلاصتها هزات عكازها) .. ديري الفطور و العذا و العشا ! ..

ياقوت( .. تلفات ماعرفات منين تبدا) .. واخا ! .

كانو جوج خدامات جبدو ليها كاع لي تحتاجو و جلسات على الكرسي أول حاجة طاحت فبالها هي المسمن و البغرير و هي متوثرة لأقصى درجة و هي مكاتعرف تعجن عمرها ظنات غادي تحط فهاد الموقف ! .. حتى من يديها تربطو تحيرات و ماطلقات غوباشتها حتى سمعات صوت زاينة بحالا شافت منقذها لي غايفكها من هادشي ..

زاينة( .. ضربات فخضها كاتولول) .. اويلي واشراك ديري ؟ ..

ياقوت( .. ناضت بزربة و الدموع فعينيها) .. خالتو!! قالتلي عزيزة نعمل الفكور و يانا مكانعرفشي نعمل والو ! ..

زاينة( .. شداتها من يديها مصدومة) .. هبلتي اياقوت ؟ .. ( .. خنزرات فالخدم و قالت مغددة) .. ونتوما لي گاعدين تشوفو فيها و مخلينها تشقا بلاصتكوم ؟؟ ..

جاوباتها وحدة من الخدم حانية راسها و عينيها لأرض: .. سمحيلنا الالة ! .. الحاجة فاطمة هي ليطلبات منها توجد الفطور ! ..

زاينة( .. زيرات على سنانها) ..هادي شتها زادت فيه  ! .. ( جرات معاها ياقوت) ..خاصني نوگفها عند حدها لا تزيد تزيغ! ..

خرجو من الكوزينة كاتقلب على الحاجة فاطمة و ياقوت تابعها مرتاحة حيت مغادير والو و مغاتشوهش مع الناس ! .. تصادفو مع عائشة لي يالاه فاقت و الحاج لي دخل هو و طاهر من المسجد لي كاين وسط الڤيلا خارج الجردة .. الحاج بانت ليه زاينة من تعابير وجهها واضح أنها معصبة ..

الحاج أحمد: .. اشواقع ازاينة ؟ ..

زاينة( .. طلقات من ياقوت كاتقلب بعينيها على الحاجة) .. ويراها الحاجة ؟ ..

الحاج أحمد(شاف ياقوت موراها و إبتسم) .. صباح الخير ابنتي .. ( .. رجع أنظاره ل زاينة) .. اشدارت عاود ؟ ..

زاينة( .. زيرات على يديها) .. راها بدات تدفش الحاج ! .. ( شافت في ياقوت) .. البنت مزالها عروسة جديدة و الخدم عطاه الله و كالتلها تنوض توجد الفطور ماشي هادي تتسمى حكرة الحاج ونتا راك تعرفني مزيان مانقبلش بهاد ! ..