အမွှာ နှင့် စိတ်ချင်း ဆက်သွယ်မှု
ဘာဘာကြီး နှင့် ဆု ၃ ဆု ရေးတဲ့သူပါရှင်
ကျွန်မ အသက် ၂၇ လောက်ပေါ့ ပြည်ပ မှာ အလုပ်သွားလုပ်ပါတယ် အလုပ်ချိန်က မနက် နေ့လည် ည ဆိုင်း ၃ ဆိုင်း အလှည့်ကျ ဆင်းရပါတယ်
တစ်ရက်ပဲ နားရက် ရပါတယ်တစ်နေ့ အရမ်း အိပ်မောကျနေတုန်း လူ တစ်ကိုယ်လုံး ပူလောင်လာတာပါ ဆက်အိပ်လို့ မရအောင်ကို ပူနေတာ မသိရင် မီး အပူ ဟပ် သလိုမျိုးပေါ့ အချိန်ကြည့်လိုက်တော့ မနက် ၃ နာရီခွဲ
ဒါနဲ့ ဆက် မအိပ်နိုင်ဘဲ ရန်ကုန်က အမွှာ အစ်မဆီ တိုက်ရိုက် ဖုန်း call ခေါ်လိုက်တယ်
ကျွန်မ ပူလောင်ရတဲ့ အကြောင်းရင်း သိရပါပြီ
သူမ က ကျွန်မ ဓါတ်ပုံကြည့်ပြီး အားရပါးရ ငိုကြွေးနေတာ သူ့ အလုပ်က ပြသနာ လူမှုရေး ပြသနာတွေ ပြော ပြော ပြပြီး ငိုနေတာ အဲ့ဒါကြောင့်မို့ ကျွန်မ တိုက်ရိုက် ပူလောင်ပြီး သိလိုက်ရတာ
တစ်ခါတစ်ရံ ထူးဆန်းသားနော် အမွှာတွေ အရမ်း စိတ်ချင်းဆက်တယ်
နောင်တစ်ခါက မှတ်မှတ်ရရ ၂၀၁၄-၁၅ လောက်က ထင်ပါရဲ့
သူမက ငါ သေချင်ပြီ မနေချင်တော့ဘူး စိတ်ဆင်းရဲစရာတွေ အပြည့်ပဲ ပြောပါလေရော
သူ ပူလောင်ရတော့ ကျွန်မ မအေးချမ်းတော့ဘူး
တစ်ရက် ကျွန်မ အိပ်မက် မက်ပါလေရော အိပ်မက်ထဲ ကျွန်မ ပင်လယ်ထဲ ဆင်းသွားတာ (အပြင်မှာ လုံးဝ ရေမကူးတတ်ပါဘူး ရေဆို အရမ်းကြောက်ပါတယ် မျက်နှာသစ်တာတောင် မျက်လုံးဖွင့် သစ်သူပါ)
ရေအောက် ကမ္ဘာထဲ ရောက်သွားတာ ထူးခြားတာက ကျွန်မက လူ မဟုတ်တော့ဘူး နဂါး ဖြစ်နေတာ
နဂါးတိုင်းပြည်သွားပြီး သောင်းကျန်းနေတာ အကုန်လုံးကို စိတ်ဆိုးဆိုးနဲ့ စိတ်တိုင်းကျ ဖျက်ဆီးနေတာ (မသိရင် ဝူခုန်း နဂါးတိုင်းပြည်သွားပြီး သောင်းကျန်းနေသလိုမျိုး မျက်လုံးထဲ မြင်အောင် ပြောပြတာပါနော် )
ကျွန်မကို ဘယ်သူမှ မတားရဲကြဘူး ကျွန်မက စိတ်တိုင်းကျ သောင်းကျန်းနေတာ
နင်တို့ ငါတို့ကို လူပြည် လွှတ်ပြီး ဘာလုပ်တာလဲ
ဘာလို့ ဒီလောက် စိတ်ဆင်းရဲစရာ ဒုက္ခ ကြုံရတာလဲ ဘာညာ
အပီအပြင် ပြောဆိုနေတာတော်တော်လေး ကြာတော့ မိန်းမ တစ်ယောက် ကျွန်မ တွေ့တယ်
သူ့ကို ကျွန်မက အစ်မတော်လို့ ခေါ်တယ်ကျွန်မ အရမ်းအံ့သြမင်သက်မိတာက သူမ တော်တော် ကျက်သရေရှိတယ် လှပတယ် အရမ်းချောတယ် တစ်ကိုယ်လုံး အစိမ်းရောင် ဝတ်ထားတယ်
သူမကို ကျွန်မ ကြောက်တယ် ငိုပြီး ပြောနေတာ ကျွန်မ အစ်မ အမွှာကို ဒုက္ခတွေက ကယ်ပါ အရမ်း စိတ်ဆင်းရဲအောင် မလုပ်ဖို့ သူမ မနေချင်တော့ဘူး သေမယ်ဆိုရင် ကျွန်မ လည်း လိုက်သေမယ် ဘာညာပေါ့
သူမက ပြုံးပြပြီး နှစ်သိမ့်ပေးတယ် စောင့်ရှောက်ပါ့မယ် ကူညီမယ် တဲ့
ကျွန်မ လူပြည် ပြန်လာတယ်
အိပ်မက်ကလည်း နိုးရော ကျွန်မ ခြေထောက်က ရေတွေ စိုနေတယ်
ဘောင်းဘီ အဖျားပိုင်းက ရေစိုနေလို့ ခြေဖဝါးမှာ သဲတောင် ရှိသေး
အိပ်ရာ ဝင်ရင် သန့်ရှင်းရေး လုပ်ပြီးမှ ဝင်သူပါ
သေချာတာတော့ ရေမွှေးနံ့လို အနံ့ သင်းသင်းလေး ကျန်နေတယ် စိတ်လည်း ကျေနပ်သွားတယ်
(နဂါးပြည် ရောက်တဲ့ အကြောင်းလေးပါ ရေးပေးလိုက်ပါတယ်ရှင်
စိတ်ကူးယဥ် မဟုတ်ရပါ
တကယ်ဖြစ်ခဲ့တာပါ )
#crd
YOU ARE READING
သရဲ တကယ်ဖြစ်ရပ်မှန်
Horror(တကယ်ဖြစ်ရပ်မယ်များ) ပရလောက/အိမ်**) ဂရုကနေတွေ့လိုcopyလာတာပါရှင့် ပိုင်ရှင်များပြန်ဖျတ်ခိုင်းရင်ဖျတ်ပေးပါမယ်ရှင့်