Pl admin...
ဒီအဖြစ်အပျက်လေးက ကြာတော့ကြာခဲ့ပါပြီ။ အဲ့အချိန်တုန်းက ကျွန်တော်ကဆယ်တန်းစာမေးပွဲဖြေပြီးခါစအချိန်။ ရန်ကုန်မှာရှိတဲ့ကျွန်တော်တို့အိမ်ကို နယ်ဦးလေးတို့မိသားစု အလည်လာကြတယ်။ သူတို့က ဖျာပုံမှာနေကြတာပါ။ ရန်ကုန်ကပြန်တော့ သူတို့ဒေသဆီအလည်လိုက်ခဲ့ဖို့ခေါ်ကြတယ်။
အဲ့ဒါနဲ့ အဖေရယ်ကျွန်တော်ရယ် ဖျာပုံမြို့ကိုအလည်လိုက်သွားကြတယ်။(နေရပ်လိပ်စာအတိအကျမရေးတော့ပါဘူး။ ဒီအကြောင်း
အရာလေးနဲ့ပတ်သက်ပြီး ကျန်ရစ်သူဆွေမျိုးသားခြင်းတွေရှိနေနိုင်သေးတဲ့အတွက် အားနာမိလို့ပါ။)ဖျာပုံမြို့ကိုရောက်တော့ ဦးလေးတို့အိမ်ကနှစ်ထပ်အိမ်ကြီးဗျ။ အောက်ထပ်မှာဆန်ဂိုထောင်အဖြစ်အသုံးပြုပြီး ၊ အပေါ်ထပ်မှာလူနေကြတယ်။ အိမ်ရဲ့အရှေ့ဖက်မှာတော့ ရေစီးအင်မတန်ကြမ်းတဲ့ ချောင်းကြီးတစ်ခုရှိတယ်။ မနက်ပိုင်း ၊ နေ့လည့်ပိုင်းဆိုရေစီးအရမ်းကြမ်းတယ်။ ညနေပိုင်းဆိုရင်တော့ ရေငြိမ်ပါတယ်။
အိမ်အရှေ့ဖက်ရဲ့မျက်စောင်းထိုးမှာဆိုရင် သုံးခွဆိုင်ဝဲကတော့ကြီးရှိတယ်။ လှေငယ်လေးတွေ ၊ စက်လှေကြီးတွေတောင် အဲ့ဝဲကတော့နားရောက်ရင် သတိထားပြီးသွားလာရတယ်။
(တကယ်တော့ မြစ်တွေ ၊ ချောင်းတွေ ၊ ရေစီးတွေထဲမှာဖြစ်ပေါ်လေ့ရှိတဲ့ ဝဲအများစုက စီးဆင်းနှုန်းနဲ့ ဦးတည်ချက်ကိုပြောင်းသွားစေနိုင်တဲ့ ဟန့်တားမှုတို့ကြောင့် ဖြစ်ပေါ်လာကြတာများပါတယ်။)
ထူးခြားတာတစ်ခုက အဲ့သုံးခွဆိုင်ဝဲကတော့ကြီးက တစ်နှစ်တစ်ခါလောက် လူစားပါတယ်။ လူခြေတိတ်ဆိတ်တဲ့
ညဖက်အချိန်အခါမျိုးမှာ 'တဝူးဝူး'နဲ့ အဲ့ဝဲအော်သံကြီးကို ကြားရတတ်တယ်။ အဲ့ဝဲအော်သံကြားရင်တော့ အနီးအနားပတ်ဝန်းကျင်ကသူတွေ ရေထဲဆင်းတဲ့အခါဂရုစိုက်ရတော့တာပဲ။ မဟုတ်ရင် ရေနစ်တာ ၊ လှေမှောက်တာမျိုးတွေကြုံရတတ်ပြီး လူသေတတ်လို့ပါ။ကဲဗျာ...လိုရင်းကိုပဲသွားကြတာပေါ့။
ကျွန်တော်တို့အလည်သွားတဲ့အချိန် တိုက်တိုက်ဆိုင်ဆိုင်
အဲ့ရေဝဲအော်သံကြီးကိုကြားရတယ်။ ကြားကြားခြင်း
နားစိမ်းနေသူကျွန်တော့်အဖို့ ဘာအသံမှန်းခန့်မှန်းလို့မရခဲ့ဘူး။ မနက်ကြမှ ဦးလေးဖြစ်သူက ဒီရက်ပိုင်းထဲရေထဲမဆင်းကြဖို့ ၊ ရေထဲဆင်းခဲ့ရင်လည်း ရေအနက်ပိုင်းအထိမသွားဖို့ သတိပေးခဲ့ပါတယ်။
YOU ARE READING
သရဲ တကယ်ဖြစ်ရပ်မှန်
Horror(တကယ်ဖြစ်ရပ်မယ်များ) ပရလောက/အိမ်**) ဂရုကနေတွေ့လိုcopyလာတာပါရှင့် ပိုင်ရှင်များပြန်ဖျတ်ခိုင်းရင်ဖျတ်ပေးပါမယ်ရှင့်