(Nədən hər yerin əlvandır,
Köksün altı sarı bülbül?)
Sirrin aşkar etdim asan
Yazım olanları, bülbül!
Köksün altda daşıyırsan
İllərdi odları, bülbül!
Bu torpağın üstü bəzək
Göz yaşıyla açar çiçək
Bəxti qara sərvəti tək
Bitməz ah-zarı, bülbül!
Bax bu fəryad bu aha sən!
Duanı et Allaha sən!
Qorxuram ki bir daha sən
Eşitməzsən tarı, bülbül!
Nələr qazanıldı nədən?
Nələr oldu əldən gedən?
Yaşananlar ürəyindən
Çıxardımı xarı¹ bülbül?
Adın yenə Xarıbülbül...
- Hümbət İsmayılov
Xar¹ - tikan (fars)
YOU ARE READING
"Hər vaxtınız şeir" ...
PoetryHər üstün bilən və bacaranın bir üstün bilən və bacaranı vardır. Ən üstün bilən və bacaran isə bilik və bacarığı yaradan - Tanrıdır!
