"Hər vaxtınız şeir" ...

"Ali savadlı"

Hiyləgərliklə savad bitişdirirlər,
Nə gözəl, ağılları dəyişdirirlər.
Ali məktəblərimiz yetişdirirlər,
Biədəb, biqanacaq ali savadlı.
  
Güclüyə xidmətin ən gözəl yollarını,
Hər haram zəhmətin ən gözəl yollarını,
Öyrənib rüşvətin ən gözəl yollarını
Əla rüşvət alacaq, ali savadlı.
  
Pul verib, vaxt öldürüb, dərsə dözərək,
Şənlənərək, əylənərək həm gəzərək,
Dil tapıb jurnallara qiymət düzərək,
Əvvəl-axır olacaq ali savadlı.
  
Vəzifə göstərir qulu, bəllidir.
Bu işin belədir yolu, bəllidir.
Burdakı savadın pulu bəllidir,
Pulsuz işsiz qalacaq ali savadlı
 
- Hümbət İsmayılov